Tuesday, May 14, 2013 ဧရာဝတီ
ဧပြီ လကုန်ပိုင်းက Jane's Intelligent Review က သတင်းတပုဒ်မှာ တရုတ်နိုင်ငံဆီက ဝေဟင် မှ ဝေဟင်ပစ် ဒုံးလက်နက် တပ်ဆင်ထားတဲ့ စစ်သုံးရဟတ်ယာဉ် ၅ စီး UWSA က ရခဲ့တယ်ဆိုတဲ့ သတင်းကြောင့် ၀ ပြည်သွေးစည်းညီညွတ်ရေး ပါတီ ဒုဥက္ကဌ ဦးရှောင်းမီးလျှန်းက အနည်းငယ်တော့ စိုးရိမ်မိတယ်လို့ ယနေ့ ထုတ် နိုင်ငံပိုင် မြန်မာ့ အလင်းသတင်းစာမှာ ဖော်ပြထားပါတယ်။
ဝ ဒေသဟာ ဖွံ့ဖြိုးမှု နောက်ကျနေတာကြောင့် ဒေသတွင်းက လူတွေ ဗဟုသုတရစေဖို့ ဥယျာဉ်ကြီး တခု တည်ဆောက်ပြီး အဲဒီဥယျာဉ်ထဲမှာ ပြသဖို့ လေယာဉ် ၂ စီးတော့ ၀ယ်ခဲ့ပါတယ်တဲ့။
" ထိုင်းနိုင်ငံက ရဟတ်ယာဉ်အဟောင်း ( အခွံချည်းသက်သက်) စက်မပါတာက တစင်း၊ ဖော်ကာ လေ ယာဉ် အသေးစား ( စက်မပါ) တစင်း၊ မြစ်ကြောင်းသွား ရေယာဉ်တစင်း၊ စုစုပေါင်း ၃ စင်း ကို ၀ယ်ယူခဲ့ပါတယ်။ ရဟတ်ယာဉ်မှာ နောက်မြီးတောင် မပါပါဘူး" လို့ ဦးရှောက်မီးလျှန်းက ပြောထားပါတယ်။
ဒီသတင်းဖြစ်ပေါ်ပြီးနောက်ပိုင်း မြန်မာအစိုးရ ဘက်ကလည်း စိုးရိမ်မှုတွေ ရှိလာပြီး မြန်မာအစိုးရ ငြိမ်းချမ်းရေး ကိုယ်စားလှယ်အဖွဲ့ သွားခဲ့ရတာပါ။
အခုတော့ UWSA ခေါင်းဆောင်တွေနဲ့ မြန်မာကိုယ်စားလှယ်အဖွဲ့တို့ဟာ အစိုးရနဲ့ UWSA အကြား နားလည်မှု လွဲမှားနိုင်တဲ့ သတင်းတွေအပေါ် စိုးရိမ်ကြောင်း အပြန်အလှန်ဆွေးနွေးခဲ့ကြတယ်လို့ မြန်မာ့အလင်း သတင်းမှာ ဖော်ပြထားပါတယ။်
No comments:
Post a Comment