Thursday, 30 May 2013

ဒီပဲယင်း ၁၀ နှစ်ပြည့် အောက်မေ့ဖွယ် ကျည်ရွာမှာ ကျင်းပ

Thursday, May 30, 2013
ဒီကနေ့ မေလ ၃၀ ရက်နေ့ဟာ ဒီပဲယင်း လုပ်ကြံမှုကြီး ၁၀ နှစ်တင်းတင်းပြည့်တဲ့ နေ့ဖြစ်ပါတယ်။ ဒီပဲယင်း ဆိုတာနဲ့ မြန်မာ့ သမိုင်းမှာ မည်းညစ်ခဲ့တဲ့ သမိုင်းအမွေဆိုး ဖြစ်ရပ်ကြီးတခုလည်းဖြစ်တယ်။ 


ကျည်ရွာမှာ ယနေ့ ကျင်းပတဲ့ ဒီပဲယင်း ၁၀ နှစ်ပြည့်အောက်မေ့ဖွယ်၊ ဓာတ်ပုံ- ဒီပဲယင်း ကျော်စိုး

လုပ်ကြံသူတွေက ဒေါ်အောင်ဆန်းစုကြည်ရဲ့ အသက်ကို ရန်ရှာရင်း ဒေသခံ ကျည်ရွာသားတွေလည်း အသက်ဆုံးရှုံး၊ NLD ပါတီဝင်တွေလည်း သေသူသေ၊ လက်ကျိုး၊ ခြေကျိုး၊ ဘ၀ ပျက်သူပျက် တကယ့် အနိဋ္ဌာရုံ ဖြစ်ရပ်ဆိုးကြီးပါ။ 

ဒီကနေ့ ကျည်ရွာမှာ ကျင်းပတဲ့ ဒီပဲယင်း ၁၀ နှစ်ပြည့် ၀မ်းနည်းခြင်း အခမ်းအနားကတော့ နယ်ပယ်စုံက လူတွေနဲ့ အတော်စည်ကားပါတယ်။  

ဒီပဲယင်းဖြစ်ရပ်ကို တချို့မေ့ထားသူတွေ၊ မေ့နေသူတွေရှိနေကြပေမယ့် အခုလို မမေ့နိုင်တဲ့ သူတွေ ဒီလို အင်အားရှိတယ်ဆိုတာ တကယ့် သမိုင်းကို တန်ဘိုးထားတဲ့ အခမ်းအနားတခုလည်းဖြစ်ပါတယ်။ 



ဒါပေမယ့် ကံတရား ကြောင့် အခုထိ အသက်ရှင်လျှက်နဲ့ တိုင်းပြည်အကျိုး သယ်ပိုးနေသူတွေထဲမှာ အဓိက သက်သေတွေကတော့ ဒေါ်အောင်ဆန်းစုကြည် နဲ့ ဦးတင်ဦးတို့ပါပဲ။ 

အဲဒီတုန်းက လုပ်ကြံခံခဲ့တဲ့ ဒေါ်အောင်ဆန်းစုကြည်၊ ဦးတင်ဦးအပါအ၀င် ပါတီဝင်တွေနဲ့ ထောက်ခံသူတွေ ဖမ်းဆီးထောင်ချ ထိန်းသိမ်းခံခဲ့ပေမယ့် အခုထိ ကျူးလွန်သူတွေကို အစိုးရတွေက အရေးမယူနိုင်သေးသလို စုံစမ်းဖော်ထုတ်တာမျိုးလည်း မရှိသေးပါဘူး။

ဒီပဲယင်း သမိုင်းကျောက်စာဟာ နောက်နောင် ဒီလိုအဖြစ်ဆိုးကြိးမျိုး မဖြစ်ပေါ်ရေး ဒေါ်အောင်ဆန်းစုကြည်
က သဘောထားပေမယ့် လူတွေကတော့ ဒီပဲယင်းဖြစ်ရပ်ဆိုးကြီးဖြစ်ခဲ့တဲ့နေ့ကို ဘယ်လိုမှ မေ့ပျောက်ကျမှာ
မဟုတ်ပါဘူး။  

အခု ဒီပဲယင်း ၁၀ နှစ်ပြည့်အတွက် ဂျပန် အပါအ၀င် နိုင်ငံခြား တိုင်းပြည်တွေကို ရောက်နေတဲ့ မြန်မာနိုင်ငံ သားတွေနဲ့ NLD ပါတီဝင်တွေ၊ ဒေသခံ ပြည်သူတွေက အောက်မေ့ဖွယ် အခမ်းအနားတွေ လုပ်ဆောင်ကြ ပါတယ်။ 














အိမ့်သံစဉ် ~

No comments:

Post a Comment