Thursday, 27 December 2012

ခရိုနီစရိုက်ဆိုးကြောင့် အလုပ်သမားတွေ ဆေးရုံရောက်နေကြ

အကူအညီတွေလိုအပ်နေသည်။"
အလုပ်သမား ညီညွတ်ရေးကို အလုပ်သမား ပဋိက္ခနှင့် ဖြိုခွဲသည့် ကိုလိုနီစရိုက် ခရိုနီအကြံဆိုးအား အပြီးတိုင်အမြစ်ဖျက်ရေးအတွက်....................
တရားဥပဒေစိုးမိုးလိုသူများ၊ဥပဒေပညာရှင်များ၊တက်ကြွလှုပ်ရှားသူများ၊အလုပ်သမားအဖွဲ့အစည်း များ၊နိင်ငံသားအခွင့်အရေးဖော်ဆောင်သူများ၊လူ့အခွင့်အရေး လှုပ်ရှားသူများ၊ ILO ၊အရပ်ဘက် လူ့အဖွဲ့အစည်းများအား ဆေးရုံတင်စရိတ်တောင် အခက်တွေ့နေရသော ရွှေပြည်သာ ၀ါးတရားအပိုင် တော်ဝင်သစ်အချောထည်စက်ရုံ အကြမ်းဖတ်ခံရသော အလုပ်သမားများမှ အကူအညီလိုအပ်နေကြသည်။
ဖြစ်စဉ်အကျဉ်း.....
အောက်တိုဘာ ၂၅ ရက် ၂၀၁၂ ခုနှစ်မှ စတင်၍ သစ်စက်အလုပ်သမားများကို ပြင်ပဆောက်လုပ်ရေး လုပ်ငန်းခွင်များသို့ သွားရောက် လုပ်ကိုင်စေခြင်း အပါအ၀င် အလုပ်ခွင်အတွင်း မမျှတသည့် စည်းကမ်းသတ်မှတ်ချက်များကြောင့် အလုပ်သမားများက ဆန္ဒပြ ခဲ့ကြခြင်း ဖြစ်သည်။
အလုပ်သမား(၁၀)ဦး အစာငတ်ခံဆန္ဒပြသည့်အထိ ဖြစ်လာသည်။
တောင်းဆိုခဲ့သည်များမှာ.....
၁။အလုပ်ရှင်/အလုပ်သမား သဘောတူစာချုပ်ကို လိုက်နာရန်၊
၂။အလုပ်မရှိဟု အကြောင်းပြကာ စက်ရုံအလုပ်သမားများကို ပြင်ပ အလုပ်ဆိုက်များသို့ မပို့ရန်၊ ၃။အလုပ်သမားများအတွက် စည်းမျဉ်းစည်းကမ်းများ ချမှတ်ရာတွင် အလုပ်သမားများ၏ ဆန္ဒ ရယူရန်၊
၎။အလုပ်ခန့်အပ်သည့် သဘောတူညီချက် (EC) ကို အသစ်ပြန်ချုပ်ဆိုရန်နှင့် လူမှုဖူလုံရေးကတ်ပြားများ တပတ်အတွင်း ထုတ်ပေးရန်တို့သာဖြစ်သော်လည်း အသက်နဲ့လဲပြီးတောင်းခဲ့ကြသည်။
နိုင်ငံတော်အဆင့် အလုပ်သမား ခုံသမာဓိ ကောင်စီက နိုဝင်ဘာ ၂၇ ရက်တွင် အလုပ်သမားများ၏ တောင်းဆိုချက်များကို လိုက် လျောရန် ဆုံးဖြတ်ပေးခဲ့သော်လည်း ပိုင်ရှင် ဦးကိုကိုထွေးက ပြည်ထောင်စု လွတ်တော် တရားလွတ်တော်ချုပ်သို့ အယူခံဝင်ထားပြီး အလုပ်ဆင်းခွင့်မပြုရာမှ ဒီဇင်ဘာ ၃ ရက်နေ့က ရွှေပြည်သာ အလုပ်သမားရုံးတွင် စုရုံးခဲ့သည်။ ဒီဇင်ဘာ ၄ ရက်မှ စတင်၍ မရမ်း ကုန်းရှိ ခရိုင် အလုပ်သမား ဦးစီးဌာန ရှေ့တွင် နေ့ည ၉ ရက်ဆက်တိုက် ဆန္ဒပြခဲ့သည်။ ဆန္ဒပြအလုပ်သမား ၂၀၀ ကျော်ရှိခဲ့သည်။
ဒီဇင်ဘာ ၁၇ ရက်နေ့မှစတင်၍ လုပ်ငန်းခွင် ပြန်ဝင်ကြ တော့ မည် ဖြစ်ပြီး အလုပ်သမားများကို အလုပ်မ၀င်ခိုင်းခြင်း၊ ဖိအားပေး ခွဲခြားခြင်းများ မရှိစေရန် အလုပ်သမားဝန်ကြီးဌာန အလုပ်သမား ညွန်ကြားမှု ဦးစီးဌာနက တာဝန်ယူ ဆောင်ရွက်ပေးမည်ဟု အလုပ်သမားရေးရာညွှတ်ကြားနေမှူးမှ
၈၈မျိုးဆက်ကျောင်းသူ မသက်သက်အောင်၊ကိုကျော်မင်း (ACTION LAVOUR RIGHT)၊ကိုဝေဠု
ရန်ကုန်ပြည်သူ့အကျိုးဆောင်ကွန်ရက်တို့၏ရှေ့တွင်ပင် အလုပ်သမားများအားပြောခဲ့ကြသည်။
အလုပ်သမားများ ဒီဇင်ဘာ(၁၇)ရက်နေ့တွင် အလုပ်စတင် ၀င်ရသည်။ ၀င်သည့်နေမှာပင် လုပ်ငန်းခွင်ခွဲခြားခြင်း၊ကျန်းမာရေးနှင့်ညီညွတ်သော အလုပ်ခွင်မရှိခြင်း၊အလုပ်သမားများအပေါ် ခွဲခြားဆက်ဆံခြင်းများစတင်ကြုံရသည်။အလုပ်သမားညွှန်ကြားရေးတာဝန်ရှိသူများလဲ ပြောနိင်သမျှ ၀င်ပြောကြသည်။
အဆင်မပြေမှုတွေ ခွဲခြားဆက်ဆံမှုတွေက တိုးလာတယ်။သစ်အချောထည်စက်ရုံမှာ ဆန္ဒပြ အလုပ်သမားတွေကို ၀ရိန်ဆော်၊အလုပ်သမတွကို အသုံးမ၀င်တော့တဲ့ သံချောင်းတွေကို အလုပ်ရှိအောင်ပေးထားပါတယ်ဆိုပြီး ဓနအင်အားနဲ့ တိုးပြီး ဖိနှပ်လာတယ်။သံထည်မနိင်မနင်းတွေကို အလုပ်သမတွေကိုခိုင်းလို့ အလုပ်သမားတွေက သူတို့ယောင်္ကျားလေးတွေ ဒီအလုပ်တွေ လုပ်ပါ့မယ်ဆိုတာကိုလဲ အလုပ်ရှင်ဘက်က လက်မခံခဲ့...။
အလုပ်သမားတွေ အားကိုးရာ အလုပ်သမားရေးရုံးကိုသွား အခြေအနေတွေပြောလို့ တစ်ရက်တာထပ်ကုန်သွားပြန်တယ်။
အစိုးရတစ်ရပ်ရဲ့ ကြားဝင်ပေးမှုတွေက အလုပ်ရှင် အလုပ်သမားပြေလည်ဖို့ဆိုတဲ့ ရည်ရွယ်ချက်ကို
တော်ဝင်သစ်အချောထည်စက်ရုံ တာဝန်ရှိသူများက ပလိုင်းထဲကို ဖားတွေထည့်ပေးလိုက်သလို...
ဒီဇင်ဘာ (၂၄)ရက်နေ့မှာတော့ အလုပ်သမားတွေ သဘောမတူတဲ့ အချက်အလက်တွေနဲ့ EC စာချုပ်လက်မှတ်ထိုးခိုင်းတယ်။လက်မှတ် မထိုးရင် အလုပ်ခွင်ထဲ ၀င်ခွင့်မပေးနိင်ဘူးဆိုရာကစ အလုပ်သမားတွေက ဒါရိုက်တာနဲ့ တွေ့ဖို့ပြောရာ တွေ့ခွင့်မရ၊ဘယ်သူမှလမရှင်း၊အလုပ်ခွင်လဲ ၀င်မရတဲ့အဆုံး အလုပ်သမ(၂၀)လောက်က ပိတ်ထားတဲ့ တံခါးကိုတွန်းပြီး ဆိုင်ရာနဲ့တွေ့ဖို့ ဖြေရှင်းပေးဖို့ အလုပ်ရုံထဲ ၀င်သွားကြတယ်။
စိတ်ခံစားချက်တွေများနေတဲ့ အလုပ်သမားထဲက တစ်ယောက်က အထဲမှာ ဖြေရှင်းပေးမဲ့သူတွေ ဘယ်သူမှမထွက်လာ မတွေ့ပဲနေချိန်ကြာလာတော့ အမှားတစ်ခုကို ဖောက်ဖျက်မိတယ်။မှန်တစ်ချက်ကို စိတ်ဆိုးဆိုးနဲ့ခွဲလိုက်တာက အသင့်စောင့်နေတဲ့ ခရိုနီလက်သက်မွေး ဆွေးမျိုးတစ်သိုက်နဲ့ ဘ၀တူ လူတန်းစားချင်း မျက်ရည်နဲ့ထမင်းလဲစားချင်သူတွေက အလုပ်သမားခေါင်းဆောင်တွေကို ရိုက်ကွ သက်ကွနဲ့ တံခါးကိုအသေပိတ်ပြီး စတင်ပြီး လူရိုက်ပွဲ ကြီးကျင်းပပါတော့တယ်။
ဒုတ်တွေကို အသင့်ထုတ်ပေးနေသူကပေး၊ရိုက်သူကရိုက်၊ညာသံတွေပေးသူကပေး၊လူလူချင်း
အခြေအနေခြင်းခြားယုံနဲ့ အစွမ်းကုန်ရိုင်းကြပါတော့တယ်။
ပြေးသူကပြေး၊လဲသူကလဲ၊ပျောက်သူကပျောက်၊မှန်တစ်ချက်ကွဲတာ အကြောင်းပြပြီး လူရိုက်ပွဲကိုဖန်တီးခဲ့သူတွေကပဲ တစ်ပြန် အမှုဖွင့်တရားစွဲလို့ အချုပ်ထဲတောင် ရိုက်နှက်ခံရသူတွေရောက်ခဲ့ရတယ်။တစ်ချို့တွေက ခေါင်းကွဲ အံ့သွား လေးချာင်းကျွတ်၊တစ်ချို့တွေက နံတွေရောင်ကိုင်းပြီးဓာတ်မှန်စစ်ဆေးနေရ၊တစ်ချို့တွေက သံတုတ်ရာတွေကျောမှာ၊မိန်းကလေးတွေကို ဆံပင်ကိုဆွဲ ပါးတွေရိုက်၊ကျောကို တုတ်နဲ့ရိုက်၊အလုပ်ရုံနောက်ကို ခေါ်သွားပြီး ရိုက်ခံရသူတစ်ချို့က ပျောက်နေဆဲ...
အခု အင်းစိန်ဆေးရုံ ခွဲစိတ်ဆောင်မှာ အလုပ်သမားခေါင်းဆောင် ကိုနေလင်းဦး၊တော်ဝင်အလုပ်သမားသမ္မဂ ဥက္ကဋ္ဌ ကိုဇင်မျိုးကို၊ဖြိုးလင်းကိုနဲ့ အလုပ်သမခေါင်းဆောင် အိဇာဖြူတို့တွေ ဒဏ်ရာတွေနဲ့ဆေးရုံရောက်နေတာ (၃)ရက်ကျော်ပြီ။
အရိုးဆောင်မှာက အလုပ်သမားခေါင်းဆောင် ကိုထက်ကိုကို ကျောမှာ သံတုတ်ရာတွေနဲ့ အသေသက်ကြတာဗျာလို့ ညည်းနေသလို အလုပ်သမ မအိဖြူမိုးကလဲ ကျောနဲ့ လည်ဆုံကို ရိုက်ခံရတာ အောင့်အောင့်နေတယ်လို့ သွားတွေ့စဉ်က ပြောပြကြတယ်။
အလုပ်သမခေါင်းဆောင် အိဇာဖြူကတော့ သမီးတို့ အလုပ်သမာေးတွ မှားတယ်ဆိုလဲ ဥပဒေအရ အရေးယူပါ။ခံပါ့မယ်။
ညီမလေးတို့အလုပ်သမားတွေကို အခုလို တံခါးပိတ်ပြီး အကြမ်းဖတ် ရိုက်နှက်ပြီး သက်ပစ်ဖို့ထိပြောနေလုပ်နေတာကို ရှိနေတဲ့ တာဝန်ရှိ ရဲတပ်သားများ၊အုပ်ချုပ်ရေးမှူးများ၊နဲ့အကြမ်းဖတ်ခဲ့တဲ့ သူဌေးအမျိုးတွေနဲ့ သူဌေးလူမိုက်တွေကိုလဲ ဥပဒေအရ အရေးယူပါတဲ့လေ။
တရားဥပဒေ အကာအကွယ်ကို အလုပ်သမားတွေ၊အခြေခံ လူတန်းစားတွေ၊လယ်သမားတွေ၊နိင်ငံသားတွေလဲ ရရှိခံစားပြီး တိုင်းပြည်ကို ၀ိုင်းဝန်းထူထောင်ကြဖို့ သင် ဒီစာဖတ်ပြီး ဘယ်လိုတွေးမိကြပါသလဲဗျာ...
" တစ်ကယ့်တစ်ကယ် တွန်းလှန်ဖို့အရေးကလဲ မဝေးတော့ပြီးမို့....
အရေးကြီးလျှင်ိဖြင့် သွေးနီရာ ဆိုသည့်အတိုင်း ကိုင်း ထထကြွကြွနဲ့ ၀ိုင်းကြပေရော့..."
(ငြိမ်းချမ်းရေးဖခင်ကြီး သခင်ကိုယ်တော်မှိုင်း)
ဆေးရုံတင်နေရသော အလုပ်သမားများ ဓာတ်မှန်နဲ့ဆေးဝါးဖိုးပင်ခက်ခဲနေပါသည်။ ကိုယ်တိုင်ကိုယ်ကျ လှူဒါန်းနိင်ပါသည်။
သွားရောက်လှူဒါန်းလိုပါလျှင်....
ခွဲစိတ်ဆောင်(ကျား/မ)
ကိုနေလင်းဦး၊ကိုဇင်မျိုးကို၊ကိုဖြိုးလင်းကို၊မအိဇာဖြူ
အရိုးဆောင်(ကျား/မ)
ကိုထက်ကို
မအိဖြူမိုး
အင်းစိန်ဆေးရုံ
အကြမ်းဖက်ခံ တော်ဝင်လုပ်သား မောင်ဝေမင်းသက်၊ အကြမ်းဖတ်ခံ တော်ဝင်အလုပ်သမခေါင်းဆောင် မလဲ့လဲ့ဝင်း
အလုပ်သမားအရေး ကူညီသူ (ACTION LAVOUR RIGHT) ကိုကျော်မင်း
၀၉၄၂၁၁၃၆၇၅၄ တို့သို့ ကိုယ်တိုင်သွားရောက်၍ လှူဒါန်းကူညီနိင်ပါသည်။

ကိုဝေဌု  ပေးပို့ ပါတယ်.

No comments:

Post a Comment