ဂေါတမ မြတ်စွာဘုရားရှင်၏ ဆံတော် မြတ်

ဂေါတမ မြတ်စွာဘုရားရှင်၏ ဆံတော် မြတ် ကိုဖူးမျှော်နိုင်ရန်ထူးထူး
ခြားခြားဖူးမျှော်ဖို့  လောကဓံတရားနှင့် တွေ့ကြုံသောအခါ မတုန်လှုပ်ခြင်းဆိုတဲ့ ဘုရားဟောထဲမှပုံဝတ္ထုကို မိတ်ဆွေများအားမျှဝေပေးပါတယ်..

Gauthama Buddha's Sacred Relic Hair.

This pictures was taken at Siri Dhammindarama Maha Wiharaya, Pannipitiya (Sri Lanka) while on exhibition.

Buddhism


လောကဓံတရားနှင့် တွေ့ကြုံသောအခါ မတုန်လှုပ်ခြင်း

လောကဓံတရားနှင့် တွေ့ကြုံသောအခါ မတုန်လှုပ်ခြင်းသည် မင်္ဂလာတပါးဖြစ်သည်။ အောက်ပါ ပုံဝတ္ထုကို သာဓကအဖြစ် တင်ပြအပ်ပါသည်။

လွန်လေပြီးသောအခါ ဗာရာဏသီပြည်ကို အုပ်စိုးသော ဗာရာဏသီမင်းဝယ် သားတော်တပါး ရှိသည်။ ဗြဟ္မဒတ်ဟု အမည်တွင်သည်။ ဗြဟ္မဒတ်မင်းသားသည် အခြံအရံ ပေါများလှသဖြင့် မင်းကြီးသည် မယုံသင်္ကာ ဖြစ်လာသည်။ မိမိ၏နန်းကို လုယူလိမ့်မည်ဟူ၍ စိုးရိမ်လာသည်။ သို့ဖြင့် မင်းသားကို တိုင်းနိုင်ငံမှ နှင်ထုတ်လိုက်လေသည်။

မင်းသားသည် ဟိမ၀န္တာတောသို့ သွားရောက်နေထိုင်မည်ပြုသည်။ ထိုမင်းသားတွင် အသိတာဘူ အမည်ရှိ ကြင်ယာတော်မင်းသမီး ရှိသည်။ အသိတာဘူသည် လှပတင့်တယ်ရုံမက စိတ်ထားကောင်းမွန်သည်။ လာဘ်ရခြင်း မရခြင်း၊ အခြွေအရံ ရှိခြင်း မရှိခြင်း၊ ချီးမွမ်းခြင်း ကဲ့ရဲ့ခြင်း၊ ချမ်းသာခြင်း ဆင်းရဲခြင်း တည်းဟူသော လောကဓံတရား ၈-ပါးကို ခံနိုင်စွမ်းရှိသည်။ ထို့ကြောင့် ပြည်မှ ထွက်ခွါရသည်ကို ၀မ်းမနည်း။ မညဉ်းညူ။ သစ္စာရှိစွာဖြင့် မင်းသားနှင့်အတူ လိုက်ပါနေထိုင်သည်။

သူတို့မောင်နှံသည် ဟိမ၀န္တာတောရှိ သင့်တင့်လျောက်ပတ်သော အရပ်ဒေသ၌ သစ်ရွက်မိုးတဲကလေး ထိုးကာ နေထိုင်ကြသည်။ မနီးမဝေး အရပ်တွင် ရသေ့ကြီးတပါးလည်းရှိသည်။ ရသေ့ကြီးသည် တရားကို ပြင်းစွာ အားထုတ်နေထိုင်သည်။ မင်းသားတို့ဇနီးမောင်နှံသည် တောတွင်းရှိ သစ်သီးများနှင့် အမဲသားငါးတို့ကို ရှာဖွေစားသောက်နေထိုင်ကြသည်။

တနေ့သ၌ မင်းသားသည် တောတွင်းတနေရာ၌ ကိန္နရီမတဦးကို တွေ့သည်။ တပ်မက်သွားသည်။ ကိန္နရီမကို သိမ်းပိုက်၍ မယားပြုရန် ကိန္နရီမနောက်သို့ ခြေရာခံ၍ လိုက်သည်။ အသိတာဘူ မင်းသမီးကို ထားခဲ့သည်။
မင်းသမီးသည် လောကဓံတရားကို နားလည်သူဖြစ်သောကြောင့် မင်းသားပစ်သွားသော်လည်း ၀မ်းမနည်း။ ပူဆွေခြင်း မဖြစ်။ မနီးမဝေးအရပ်ရှိ ရသေ့ကြီးထံ သွားသည်။ တရားအားထုတ်နည်းကို သင်ယူကာ ကြိုးစား၍ တရားအားထုတ်သည်။ မကြာမီပင် အောင်မြင်သွားသည်။ ဈာန်တန်ခိုး ရသွားသည်။ ၌တွင် ရသေ့ကို ရှိခိုးကာ မိမိနေထိုင်ရာ တဲသို့ ပြန်၍ နေထိုင်သည်။

ဗြဟ္မဒတ်မင်းသားသည် ကိန္နရီမ နောက်သို့လိုက်ရာ မအောင်မြင်။ ဖမ်းမိမလိုလိုနဲ့ လွတ်သွားသည်။ မျက်ခြည်ပြတ်သွားသည်။ ဤတွင် မင်းသမီးထံ ပြန်လာသည်။ မင်းသမီးသည် မင်းသားကို မြင်လျှင် ဈာန်တန်ခိုးဖြင့် ကောင်းကင်သို့ ပျံတက်လိုက်သည်။

အရှင့်သား၊ သင့်ကြောင့် ငါသည် တရားအားထုတ်နိုင်ကာ ဈာန်ချမ်းသာကို ရရှိသွားပြီ။ သင့်ကို ငါ အလိုမရှိတော့ပြီ-ဟု ဆိုကာ ကောင်းကင်ခရီးဖြင့် အရပ်တပါးသို့ ငြိမ်းအေးစွာ ပျံသွားလေသည်။ မင်းသားမိုက်သည် နောင်တရကာ ကျန်ရစ်လေသတည်း။
အကိုး။ ။ ၅၅၀-အသိတာဘူဇာတ်။

ကိုထွန်းဝေနှင့် ကိုမောင်မောင်မှမေတ္တာတရားရှေ့ထားပြီး ကုသိုလ်မျှဝေပေးပါတယ်။

27.12.2012

မူရင်း
https://www.facebook.com/photo.php?fbid=314343465343391&set=a.116579221786484.20330.100003032208873&type=1&theater