Sunday, 2 December 2012

လူထုဘ၀ နှင့် လူထုဆန္ဒကို ပုံဖော် တည်ဆောက်လုပ်ဆောင်နေသူများကို အသိတရား ၊ သတိတရားများဖြင့် ၀ိုင်းရံကြ







တိုင်းပြည်တစ်ပြည်သည် နိုင်ငံရေးတည်ငြိမ်မှုမရှိပဲ အမြဲတမ်း ဆူဆူပူပူ မငြိမ်မသက် ရှိနေသည်မှာ အုပ်ချုပ်သော အစိုးရတွင် အပြည့်အ၀ တာဝန်ရှိပေသည် ။ထိုအခါ အစိုးရသည် အတိတ်မှ မှားယွင်းမှုများဖြစ်သော မိမိ၏ နိုင်ငံရေး ၊ စီးပွားရေးအား ခေတ်နှင့် အညီ လူထုဆန္ဒကိုအခြေခံကာ အချိန်မီ ပြုပြင်ပြောင်းလဲရပေမည် ။



အတိတ်သမိုင်းကြောင်းကို ပြန်ပြောင်း သုံးသပ်ကြည့်လျှင် လက်တစ်ဆုပ်စာလူတစ်စု၏ အသုံးချခံ တပ်မတော်သည် ဆင်းရဲမွဲတေနေသော လူထုကို နည်းမျိုးစုံဖြင့် ဖိနှပ်အုပ်ချုပ်ခဲ့ယုံမက တိုင်းပြည်နှင့် လူထုကို ကာကွယ်စောင့်ရှောက်ရမည့်အစား ကိုယ်ကျိုးစီးပွားကိုသာ အလေးပေးခဲ့သော စစ်ဗိုလ်ချုပ်ကြီးများကို ကာကွယ်စောင့်ရှောက် ခဲ့ရပေသည် ။ခေတ်အဆက်ဆက် စစ်အာဏာရှင်ကြီးများ၏ ခါးပိုက်ဆောင်တပ်အဖြစ် အသုံးပြုခဲ့သော စစ်တပ်သည် တိုင်းရင်းသားလူမျိုးစုများအပေါ် မတရားစစ်ပွဲများဖန်တီးကာ ရေရှည်ပြည်တွင်းစစ်ကို ဖန်တီးခဲ့ပြီး ရဲတပ်ဖွဲ့ သည် တရားဥပဒေကို ထင်ရာစိုင်းကာ မထင်ရင်မထင်သလို ဥပဒေမဲ့ လုပ်ရပ်များရှိခဲ့ပေသည် ။



တိုင်းပြည်တွင် စစ်မှန်သော ပြည်တွင်း ငြိမ်းချမ်းရေးရှိလျှင် စစ်အသုံးစားရိတ်ကို လျော့ချပြီး တိုင်းပြည်ထူထောင်ရေး လုပ်ငန်းများကို အင်တိုက်အားတိုက် လုပ်ဆောင်နိုင်မည်ကို မသိကျိုးကျွံပြုကာ စစ်တပ်သည် လမ်းမှားမှာ ဆက်မိုက်နေသည်ကို မမြင်ချင်တော့သည့်နည်းတူ တရားဥပဒေစိုးမိုးသောတိုင်းပြည်မှာ ပြည်သူလူထုကိုကာကွယ်ပေးသော ရဲတပ်ဖွဲ့ ကိုသာ မြင်တွေ့ လိုပါသည် ။



လူထုက အော့နှလုံးနာနေသော စစ်တပ်သည် ပြည်သူလူထု၏ အားပေးထောက်ခံမှုကို ပြန်လည် ရရှိရန်အတွက် တစ်ခါတစ်ရံ ထိုင်း ၊ ဘင်္ဂလားဒေ့ရှ် လို နိုင်ငံများနှင့်ပဋိပက္ခများဖန်တီးကာ ပြည်ပရန်ကို ကာကွယ်သည့်အမြင်မျိုးရောက်စေရန် စစ်ရေး ၊ နိုင်ငံရေး ၊ ဘာသာရေး ၊ လူမျိုးရေး အသွင်မျိုးစုံဖြင့် ပြည်သူကို နား မျက်စိပိတ်ကာ စည်းရုံးမှုများလည်း အတိတ်တွင် မကြာခဏ လုပ်ဆောင်ခဲ့ပေသည် ။



၎င်းရေရှည် ပြည်တွင်းစစ်၏ ဆိုးကျိုးအနေဖြင့် တိုင်းပြည်သည် ကြွေးမြီ အများအပြားတင်ရှိ ယုံမက စီးပွားရေး ၊ ပညာရေး ၊ ကျန်းမာရေး အစစအရာရာတွင် အောက်ကျနောက်ကျဖြစ်ခဲ့ရပေသည် ။ သို့ သော် ကိုယ်ကျိုးကိုသာ ကြည့်သော စစ်ဗိုလ်ချုပ်ကြီးများက လာပ်ပေးလာပ်ယူပြီး တိုင်းပြည် ဘဏ္ဍာငွေကို စာရင်းအင်းမရှိ ခိုးယူနေခဲ့သော်လည်း အင်အားကြီးးမားလာသော တပ်မတော်အတွက်မူ ထောက်ပံ့ရန်ခက်ခဲလာခဲ့ပေသည် ။ ထိုအခါ အထက်ပိုင်း စစ်ဗိုလ်ချုပ်ကြီးများသည် သေနတ်ကို ခါးခြားချိတ်ပြီး တိုင်းပြည်ကို လိုင်စင်ရ ဓားမြအသွင် အုပ်ချုပ်ခဲ့သည့် နည်းတူ ရှေ့ တန်းစစ်မျက်နှာပြင်တွင်လည်း စစ်တပ်သည် ရိက္ခာအတွက် ၄င်းတို့ ၏စစ်ခေါင်းဆောင်များနည်းတူ သေနတ်ချိန်လျက် ပြည်သူလူထုထံမှ အဓမ္မငွေကြေးများ ကောက်ခံယုံမက ကြက်ခိုး ၊ ၀က်ခိုး ၊ နွားခိုးကာ သူခိုးတပ်အသွင်ဆောင်ခဲ့သည်မှာ ရေရှည်ပြည်တွင်းစစ် သက်တမ်းမက ရှိခဲ့ပေပြီ ။ ထိုအခါ အင်အားကြီးမားသော စစ်တပ်ကိုကျွေးမွေးထောက်ပံ့ရန် ဦးပိုင်ကုမ္မဏီများ ထူထောင်ကာ တိုင်းပြည်ကို တစ်ဖက်လှည့်ဖြင့် နှိပ်စက်ပြန်ပေသည် ။



တိုင်းပြည်၏ ဆင်းရဲခြွတ်ခြုံကျမှုသည် လူမှန်နေရာမှန် မရှိချင်းနှင့် လည်း တိုက်ရိုက်ပတ်သက်နေပေသည် ။ဆိုလိုသည်မှာ မတရားစစ်ရေး အမြင်သာရှိပြီး စီးပွားရေးအမြင်မရှိသော စစ်အုပ်စုသည် ဦးပိုင်ကုမ္မဏီ်၏ ဖက်စပ်လုပ်ငန်းများကို အတ္တအကျိုးတူ ခရိုနီ စီးပွားရေး လုပ်ငန်းရှင်များနှင့်ပေါင်းကာ တိုင်းပြည်အား လက်ညှိုးထိုး ရောင်းစားကျပြန်ပါသည် ။ တိုင်းပြည်တွင် စစ်အာဏာရှင်များ၏ လူအခွင့်အရေး ချိုးဖောက်မှုများကို ကမ်းကုန်အောင် လုပ်ဆောင်မှု၏ အကျိုးဆက်အဖြစ် နိုင်ငံတကာ၏ စီးပွားရေးပိတ်ဆို့ အရေးယူမှုကိုလည်း ရင်ဆိုင်ကြုံတွေ့ ရပေသည် ။ ထိုအခါ အနောက်နိုင်ငံများ၏ စီးပွားရေး ဒဏ်ခတ်ပိတ်ဆို့ မှုများအတောအတွင်း တရုတ်နိုင်ငံနှင့် အလိုတူအလိုပါ စီးပွားရေးရင်းနှီးမြုပ်နှံမှုများကို လုပ်ဆောင်ခဲ့ပေသည် ။ သို့ သော် အနာဂတ်ကို ရေရှည် မျက်စိတဆုံးမကြည့်ပဲ ရေတို မျက်တောင်မွှေးတဆုံးသာကြည့်သော တစ်ချို့ အစိုးရလူကြီးဆိုသူများသည် ၄င်းတို့ သူခိုးဓားမြ ဖြစ်သော အချိန်က လက်နက်ပေးခဲ့သောလူများကို ကျေးဇူးရှင်များဟုအတိအလင်းကြေငြာကာ ကြောက်နေရသည်ဟု ပြောနေသည်မှာ လွှတ်တော်ထဲတွင် နိုင်ငံရေးမလုပ်ပဲ တောထဲတွင် ဓားမြတိုက်စားဖို့ သာ ကောင်းတော့သည်ဟု အမျိုးသားပြန်လည်သင့်မြတ်ရင်ကြားစေ့ရေးလုပ်ဆောင်နေခသာ အခါသမယမှာ မပြောလိုတော့ပါ ။



ထိုကဲ့သို့ အတိတ်ကာလမှ စီးပွားရေး ရင်းနှီးမြုပ်နှံမှုများသည် ပွင့်လင်းမြင်သာမှု မရှိယုံမက သဘာဝပတ်ဝန်းကျင်၏ ဆိုးကျိုးများ ၊ ဒေသခံ ပြည်သူလူထု၏နစ်နာဆုံးရှုံးမှုများ ၊ စီမံကိန်းမစတင်မီ စီမံကိန်း၏ ကောင်းကျိုးဆိုးကျိုးများကို စနစ်တကျလေ့လာဆန်းစစ်မှုမရှိခြင်းများသည် မြစ်ဆုံ နှင့် လက်ပံတောင်းတောင် ကြေးနီစီမံကိန်း များ အပါအ၀င် စီမံကိန်းအတော်များများတွင် အသိတရားအားနည်းသော ဆုံးဖြတ်ချက်နှင့် ကြီးမားသော ဖောက်ပြန်မှုများကို ထင်ထင်ရှားရှားတွေ့ ရပါသည် ။



ယခု လက်ပံတောင်းတောင်ကြေးနီစီမံကိန်းတွင် ဖြစ်ပေါ်လျက်ရှိသော ဖြစ်စဉ်များနှင့် စပ်လျဉ်း၍ ဒေါ်အောင်ဆန်းစုကြည် ၊ ကိုမင်းကိုနိုင်အပါအ၀င် တတ်သိပညာရှင်များ ၊ လွှတ်တော်ကိုယ်စားလှယ်များဖြင့် စုံစမ်းစစ်ဆေးရေးကော်မရှင်ဖွဲ့စည်းခြင်းသည် ကောင်းမွန်သောလုပ်ရပ်ဖြစ်ပြီး တိုင်းပြည်နှင့်လူမျိုးကောင်းကျိုးကို ရည်ရွယ်ကာ လုပ်ဆောင်နိုင်မည်ဟုယုံကြည်မိပါသည် ။



တခြားတဖက်တွင်လည်း အတိတ်ကာလမှ တရုတ်ကို ကြောက်နေသော စစ်အုပ်စုက ဒီမိုကရေစီအင်အားစုများအား တရုတ်နှင့် ထိပ်တိုက်ရင်ဆိုင်ခိုင်းလိုက်ခြင်းလည်း ဖြစ်ပေသည် ။ သို့ သော် လူထုဘ၀ နှင့် လူထုဆန္ဒကို ပုံဖော် တည်ဆောက်လုပ်ဆောင်နေသူများကို လူထုမှ အသိတရား ၊ သတိတရားများဖြင့် မလွဲမသွေ ၀ိုင်းရံလုပ်ဆောင်ကြမည်မှာ အသေအချာပင် ဖြစ်ပါသည် ။



အောင်ခိုင်မြင့်

၀၂ ဒီဇင်ဘာ ၂၀၁၂

No comments:

Post a Comment