ရက်ပေါင်း ၁၈ ရက်ုကြာအောင် ဆန္ဒပြတောင်းဆိုနေတဲ့ တော်ဝင်အလုပ်သမားတွေ ကို ရန်ကုန် တိုင်း ဒေသကြီး ခုံသမာဓိ အဖွဲ့က နိုဝင်ဘာလ ၁၀ ရက်နေ့မှာ ဆုံးဖြတ်ချက် ချပေးခဲ့ပြီး နိုဝင်ဘာ ၁၁ ရက်နေ့မှာတော့ နေပြည်တော် ညွှန်ကြားရေးမှူးချုပ် ဦးသက်နိုင်ဦး ကိုယ်တိုင် အလုပ်သမားတွေ ကို တွေ့ဆုံခဲ့တယ်လို့ သိရပါတယ်။
အလုပ်ရှင်ဘက်က လုပ်ငန်းခွင်ကို ၀င်ခွင့်မပေးခဲ့ရင် ပြန်ပြီးအရေးယူ ပေးမယ်လို့လဲ ပြောသွားပါတယ်တဲ့။
( အလုပ်သမား ကိုယ်စားလှယ် ၇ဦး ခုံအဖွဲဝင်များရှေ့ ကြားနာစစ်ဆေးနေပုံ)
( လုပ်ငန်းရှင်ဘက်မှ ကိုယ်စားလှယ် ၅ ဦးကို ကြားနာစစ်ဆေးနေပုံ )
ဒီစစ်ဆေးချက်တွေကို ၁၄ ရက်အတွင်း ဆုံးဖြတ်ပေးမယ်လို့ ပြောဆိုသွားပါတယ်။ အလုပ်သမားတွေ ကတော့ ဥပဒေနဲ့ လုပ်ငန်းရှင်တို့ လွန်ဆွဲပွဲမှာ သူတို့အတွက် အများကြီး ထိခိုက်လာနေ တယ်လို့ ဆိုပါတယ်။
စာချုပ်ထဲမှာဘဲ ရှိနေတဲ့ သဘောတူညီချက်တွေကိုလည်း ခံစားခွင့်မရသေးပါဘူး။ ဒါကြောင့် ဥပဒေက သူတို့အတွက် မလုပ်ပေးနိုင်ဘူးဆိုရင် ဆန္ဒပြတာကို ဆက်လုပ်သွားမယ်လို့ ဆိုပါတယ်။
ရွှေပြည်သာ အလုပ်သမားရုံးကလည်း ၀င်းလဲ့ဝတီ ငါးပုစွန်စက်ရုံက အလုပ်ရှင်နဲ့ အလုပ်သမား ပြဿာနာ ကိုဘဲ ဖြေရှင်းပေးနိုင်ခဲ့ပြီး တော်ဝင်အရေးကိုတော့ မဖြေရှင်းနိုင်ဘူးလို့ သိရပါတယ်။
No comments:
Post a Comment