Wednesday, 21 November 2012

ခြံအမှတ် ၅၄ ဟာ ကျနော်တို့ ရဲ့ "အိမ်ဖြူတော်

ဒီအိမ်ဟာ အမေရိကန်သမ္မတ ရဲ့ အိမ်ဖြူတော် လိုမျိုး ကမ္ဘာ့ထိပ်တန်း အသုံးအဆောင်တွေ မရှိပါဘူး..။ ကမ္ဘာ့အဆင့်မီ ဆက်သွယ်ရေး ကွန်ယက်တွေ.. နည်းပညာတွေ.. အဆင့်မြင့် လက်နက်ကိုင် လုံခြုံရေးတွေ.. မရှိပါဘူး..။ ဂြိုလ်တုမျိုးစုံကို ဖမ်းလို့ရတဲ့ စလောင်းကြီးတွေအစား ပြည်တွင်းရုပ်သံသတင်း ဖမ်းလို့ရတဲ့ အင်တန်နာ တွေပဲရှိပါတယ်..။ နိုင်ငံတစ်နိုင်ငံ ရဲ့ သမ္မတ နေတဲ့ နန်းတော်သမျှ ခမ်းနားတဲ့ အိမ်လည်းမဟုတ်ပါဘူး..။ ဒီအိမ်ဟာ အရင်ကဆို အကျယ်ချုပ်ထောင် ဖြစ်ခဲ့သလို.. မိုးတွင်းဆို.. မိုးရေစက်တွေ အမိုးကိုဖြတ်ကျော်ပြီး အလည်လာခဲ့ပါတယ်..။ ပြုပြင်မွမ်းမံခွင့်လည်း မရှိခဲ့ပါဘူး..။

ဒီအိမ်ဟာ အခွင့်ထူးခံ လူတန်းစား သူဌေးကြီးတွေ နေတဲ့အိမ်လည်း မဟုတ်ပါဘူး..။ ဒီအိမ်ဟာ အများပြည်သူ မီးပျက်ပြီး ဒီအိမ် မီးလာခဲ့တဲ့ အခွင့်ထူးခံ ပုဂ္ဂိုလ်ကြီးတွေရဲ့ အိမ်လိုလည်း မဟုတ်ခဲ့ပါဘူး..။ ဒီအိမ်ဟာ ပြည်သူတွေ ရဲ့ ငွေတွေကို အလွဲသုံးစားလုပ်ပြီး ငွေမည်းတွေ နဲ့ ၀ယ်ထားတဲ့အိမ်လည်း မဟုတ်ပါဘူး..။

ဒါပေမဲ့....ဒီအိမ်မှာ ပြည်သူတွေ ရဲ့ မျှော်လင့်ချက်တွေရှိနေတယ်...။

ယုံကြည်မှုတွေ ရှိနေတယ်...။ အနစ်နာခံခဲ့မှုတွေ ပြည့်နှက်နေတယ်..။ ဒါ့အပြင် ငြိမ်းချမ်းရေးအတွက်..၊ ဒီမိုကရေစီ ရေးအတွက် သမိုင်းတွေ ရှိနေပါတယ်...။

ကမ္ဘာ့ထိပ်သီးခေါင်းဆောင်ကြီးတွေရဲ့ ယုံကြည်..လေးစား.. အားထားရပြီး အားကျ အတုယူနေရတဲ့ လူပုဂ္ဂိုလ် တစ်ယောက်ရှိနေပါတယ်...။

ကမ္ဘာ့ ထိပ်သီးခေါင်းဆောင်ကြီးတွေ အထူးသလည် လာရောက်ခြေချချင်တဲ့ နေရာ တစ်ခုလည်းဖြစ်နေပါတယ်...။

အိမ်ဖြူတော်လိုပဲ.. ကမ္ဘာလှည့်ခရီးသွားတွေ အမှတ်တရ ဓါတ်ပုံရိုက်ချင်ကြတဲ့ နေရာ တစ်ခုလည်း ဖြစ်နေပါတယ်..။

မြန်မာ့လွတ်လပ်ရေးအတွက် အသက်စွန့်ကြိုးပမ်းပေးသွားရှာတဲ့.. ဗိုလ်ချုပ်အောင်ဆန်း...၊ ဗမာ့တပ်မတော် ကိုတည်ထောင်ခဲ့တဲ့ ဗိုလ်ချုပ်အောင်ဆန်း...၊

တိုင်းပြည်အတွက် ပေးဆပ်မှုသာရှိခဲ့ပြီး ရယူမှုဆိုလို့.. အိမ်ဂရံ လေးတစ်ခုတောင်မှ အမည်ပေါက် မပိုင်ဆိုင်ခဲ့ရရှာတဲ့ ဗိုလ်ချုပ်အောင်ဆန်း...၊

တိုင်းသူပြည်သား တွေရဲ့ နှလုံးသားထဲက စံပြုလေးစားရတဲ့ ဗိုလ်ချုပ်အောင်ဆန်း...ဟုတ်ပါတယ်.. ဗိုလ်ချုပ်အောင်ဆန်း ရဲ့ သမီး.၊ မြန်မာ့ဒီမိုကရေစီခေါင်းဆောင်..၊ လူထုခေါင်းဆောင်..၊ ပြည်သူအများ အရွယ်မျိုးစုံက ချစ်စနိုးနဲ့.. အမေစု.. အန်တီစု.. ဖွားဖွားစု ဆိုပြီး အမျိုးမျိုးခေါ်ဝေါ်နေကြတဲ့....ငြိမ်းချမ်းရေး နိုဘယ်လ်ဆုရှင်.. ဒေါ်အောင်ဆန်းစုကြည် ဟာ ခြံအမှတ် (၅၄) ဆိုတဲ့ ဒီအိမ်မှာ ရှိနေပါတယ်...။ အိမ်ဖြူတော်ဟာ အမေရိကန်ပြည်သူတွေ နဲ့ တစ်သားတည်းရှိနေသလို... ဒီခြံအမှတ် ၅၄ ဟာလည်း အမြဲပြည်သူတွေ နဲ့ တစ်သားတည်းရှိနေမှာပါပဲ..။

ဒါကြောင့် ဒီခြံအမှတ် ၅၄ ဟာ ကျနော်တို့ ရဲ့ "အိမ်ဖြူတော်" ပါပဲလေ....။

Ko nay myo

No comments:

Post a Comment