Saturday, 10 November 2012

သမ္မတအိုဘားမား ချီကာဂိုမြို့မှာ ပြောခဲ့တဲ့ မိန့်ခွန်းအပြည့်အစုံ(ဘာသာပြန်)



ရင် ကိုလိုနီဖြစ်ခဲ့တဲ့ နိုင်ငံတခုဟာ နှစ်ပေါင်း ၂၀၀ ကျော်ကြာတဲ့ ဒီကနေ့ညမှာ ကျွန်တော်တို့ရဲ့ ပြည်ထောင်စုကို အကောင်းဆုံး ရှေ့ဆက်လျှောက်လှမ်းနိုင်မယ့် ကိုယ့်ကံကြမ္မာကို ကိုယ်ဖန်တီးနိုင်ခွင့်ကို ရရှိပြန်ပါပြီ။



ဒီလို ရှေ့ဆက်လျှောက်လှမ်းနိုင်တာဟာ ခင်ဗျားတို့ကြောင့်ပါပဲ။ စစ်မက်နဲ့ ဖိစီးမှုတွေကို အောင်နိုင်တဲ့ စိတ်ဓာတ်၊ မျှော်လင့်ချက်တွေကျဆုံးနေတဲ့ အနေအထားကနေ ဒီမျှော်လင့်ချက်တွေ မြင့်မားလာအောင် မြှင့်တင်နိုင်တဲ့ စိတ်ခွန်အား၊ ကျွန်တော်တို့ တဦးချင်း တယောက်ချင်းဟာ ကိုယ့်ရဲ့ အိပ်မက်တွေကို အကောင်အထည်ဖော်ဖို့ ကြိုးပန်းနေတဲ့တချိန်ထဲမှာပဲ ကျွန်တော်တို့အားလုံးဟာ အမေရိကန် မိသားစုတစုလို နိုင်ငံတခုအနေနဲ့ လူတဦးတယောက်ထဲလို အတူတကွ အောင်မြင်ကြမယ် ကျရှုံးကြမယ်ဆိုတဲ့ စိတ်ဓာတ်၊ ဒီစိတ်ဓာတ်တွေကို ခင်ဗျားတို့က ပြန်ပြီး အတည်ပြုပေးလိုက်တဲ့ အတွက် နိုင်ငံဟာ ရှေ့ဆက်လျှောက်လှမ်းနိုင်တာ ဖြစ်ပါတယ်။

ကျွန်တော်တို့ လျှောက်ရမယ့်လမ်း ရှည်လျား ကြမ်းတမ်းနေခဲ့ပေမဲ့ ကျွန်တော်တို့ဟာ ကိုယ့်လမ်းကို ရအောင်ဖောက်ခဲ့ပြီး ကိုယ့်ကိုယ်ကို ပြန်ထူပြီးတော့ လျှောက်ခဲ့ပါတယ်။ ကျွန်တော်တို့ရဲ့ ရင်ထဲက သိနေတာကတော့ အမေရိကရဲ့ အကောင်းဆုံးအပိုင်းက လာဖို့ရှိနေသေးတယ်ဆိုတာကို ဒီည ရွေးကောက်ပွဲမှာ အမေရိကန်လူထုက ကျွန်တော်တို့ကို သတိပေးလိုက်ပါပြီ။

ပထမဆုံးအကြိမ် မဲပေးတာပဲဖြစ်ဖြစ် မဲပေးခွင့်ရဖို့ အချိန်အကြာကြီး တန်းစီစောင့်ဆိုင်းခဲ့ရတာပဲ ဖြစ်ဖြစ်
ဒီရွေးကောက်ပွဲမှာ ပါဝင်ကြတဲ့ အမေရိကန်တိုင်းကို ကျွန်တော်ကျေးဇူးတင်ပါတယ်။ လမ်းရှင်းတာပဲဖြစ်ဖြစ်၊ ဖုန်းကိုကောက်ကိုင်လိုက်တာ ဖြစ်ဖြစ် အိုဘားမားဆိုင်းဘုတ်ကို ကိုင်လို့ပဲဖြစ်ဖြစ် ရွမ်နီ ဆိုင်းဘုတ်ကိုကိုင်လို့ပဲ ဖြစ်ဖြစ်၊ ဒါဟာ ခင်ဗျားတို့ဟာ ခင်ဗျားတို့ရဲ့ သဘောထားကို ထင်သာမြင်သာ ဖော်ပြလိုက်တာဖြစ်ပြီး အပြောင်းအလဲတခု အတွက် လုပ်ဆောင်လိုက်တာပါပဲ။

ကျွန်တော်အခုပဲ မြို့တော်ဝန် ရွမ်နီနဲ့ စကားပြောခဲ့ပြီး သူနဲ့ ပေါလ် ရိုင်ယန်ကို သူတို့ရဲ့ ကြိုးပန်း မဲဆွယ်လှုပ်ရှားမှုတွေအတွက် ဂုဏ်ပြုချီးကျူးခဲ့ပါတယ်။ ကျွန်တော်တို့ဟာ အပြင်းအထန်အပြိုင်အဆိုင် တိုက်ခိုက်ခဲ့တာရှိကောင်း ရှိပါလိမ့်မယ်။ ဒါပေမဲ့ ဒါဟာ ကျွန်တော်တို့က ဒီနိုင်ငံကို ချစ်လွန်းလို့ ဒီနိုင်ငံရဲ့ ရှေ့ရေးအနာဂတ်အတွက် စိတ်ဝင်စားလွန်းလို့ ဖြစ်ပါတယ်။ မစ်ဒ်ရွမ်နီမိသားစုဟာ သားစဉ်မြေးဆက် အမေရိက ကို ပြည်သူ့ဝန်ထမ်းအနေနဲ့ ပြန်လည်ပေးဆပ်ဖို့ ရွေးချယ်ခဲ့တာဖြစ်ပြီး ဒီသမိုင်းမှတ်တိုင်အတွက် ကျွန်တော်တို့က ဒီကနေ့ညမှာ ဂုဏ်ပြုချီးကျူးလိုက်ပါတယ်။ လာမယ့် သတင်းပတ်တွေမှာ မြို့တော်ဝန် နဲ့ ကျွန်တော် အတူထိုင်ပြီး နိုင်ငံရှေ့ဆက်လှမ်းရေးမှာ ဘယ်လို ပူးပေါင်းဆောင်ရွက်နိုင်မလဲဆိုတာကို ပြောဆိုနိုင်ဖို့ ကျွန်တော် စောင့်မျှော်နေပါတယ်။

ပြီးခဲ့တဲ့ ၄ နှစ်အတွင်း ကျွန်တော့်ရဲ့ မိတ်ဆွေ၊ အမေရိကရဲ့ အပျော်ရွှင်ဆုံး တိုက်ပွဲဝင်ရဲဘော်၊ လူတွေအားလုံးအတွက် အကောင်းဆုံး ဒုတိယသမ္မတ ဂျိုးဘိုင်ဒင်ကို ကျွန်တော် ကျေးဇူးတင်ပါတယ်။

ကျွန်တော့်ကို လွန်ခဲ့တဲ့ အနှစ် ၂၀ က လက်ထပ်ဖို့ သဘောတူခဲ့သူ ဒီ အမျိုးသမီးကြောင့် ဒီကနေ့ ကျွန်တော် ဒီလို လူတယောက် ဖြစ်လာပါတယ်။ ကျွန်တော် လူတွေကြားမှာပဲ ပြောပါရစေ၊ မီရှယ်လ်ရေ။ ဒီအချိန်မှာ ကိုယ်ဟာ မင်းကို အချစ်ဆုံးပါပဲ။ အမေရိကရဲ့ First Lady ကို အမေရိကန်တနိုင်ငံလုံးက ချစ်ခင်ကြတာကိုကြည့်ပြီး ဘယ်တုန်းကနဲ့မှ မတူအောင် ဂုဏ်ယူရပါတယ်။ သမီး ဆာရှာနဲ့ မာလီယာ။ အဖေတို့ရဲ့ မျက်စေ့ရှေ့မှာတင် သမီးတို့ နှစ်ယောက်စလုံး ခွန်အားတွေရှိတဲ့ တော်တဲ့ လှပတဲ့ အမေတူ အမျိုးသမီးလေးတွေ ဖြစ်လာကြတယ်။ သမီးတို့အတွက် အဖေ အင်မတန် ဂုဏ်ယူပါတယ်။ (ဒါပေမဲ့ တခုတော့ပြောမယ်။ အခုလောလောဆယ်မှာ ခွေးတကောင်ဆိုရင်တော့ တော်လောက်ပြီထင်တယ်နော်။)

နိုင်ငံရေးရာဇ၀င်မှာ အကောင်းဆုံး လှုံ့ဆော်စည်းရုံးခဲ့တဲ့ အဖွဲ့သားတွေနဲ့ လုပ်အားပေးကူညီသူများ ခင်ဗျား။ ခင်ဗျားတို့ဟာ အကောင်းတကာ့ အကောင်းဆုံးတွေပါပဲ။ ခင်ဗျားတို့ထဲက တချို့က ဟိုးအစကတဲက ကျွန်တော်ဘေးကနေ အတူယှဉ်တွဲ လုပ်ကိုင်လာတဲ့သူတွေဖြစ်ပြီး တချို့ကတော့ အခုတလော ပါဝင်လာတဲ့ လူသစ်တွေပါ။ ဒါပေမဲ့ ခင်ဗျားတို့အားလုံးဟာ မိသားစုဝင်တွေလိုပါပဲ။ ခင်ဗျားတို့ ဘာပဲလုပ်ခဲ့ခဲ့ ဒီနေရာကနေ ဘာပဲဆက်လုပ်လုပ် ကျွန်တော်တို့ အတူရေးဆွဲခဲ့ကြတဲ့ သမိုင်းကို ခင်ဗျားတို့ သတိတရ ယူသွားကြပါ။ ခင်ဗျားတို့ကို တသက်လုံးကျေးဇူးတင်နေမယ့် သမ္မတ ရှိနေပါတယ်။ ခရီးလမ်းတလျှောက်လုံး တောင်ကိုကျော်ရင်း တောကိုဖြတ်ရင်း အခက်အခဲ ခရီးကြမ်းတွေကြားက ယုံကြည်မှုတွေ တောက်လျှောက်ပေးခဲ့တဲ့ အတွက် ကျေးဇူးတင်ပါတယ်။ ကျွန်တော့်ကို ထိပ်ဆုံးရောက်တဲ့အထိ ခင်ဗျားတို့က တွန်းတင်ပေးခဲ့ကြတာပါ။ ခင်ဗျားတို့ရဲ့ အံ့မခန်း ဆောင်ရွက်ခဲ့မှုတွေအတွက် ကျွန်တော်ဟာ အမြဲတန်း ကျေးဇူးတင်ရှိနေမှာ ဖြစ်ပါတယ်။

တခါတလေ နိုင်ငံရေးလှုံ့ဆော်စည်းရုံးတဲ့လုပ်ရပ်တွေဟာ သေးငယ်သလို အရာမ၀င်သလို ထင်ရတတ်တာ ကျွန်တော် သိပါတယ်။ သံသယကြီးသူတွေ အဆိုးမြင်သူတွေကတော့ ဒါကိုကြည့်ပြီး နိုင်ငံရေးဆိုတာ မိမိ တကိုယ်တော်ဆန္ဒ ရှေ့တန်းတင်မှုနဲ့ ကိုယ့်ရဲ့ အထူးစိတ်ဝင်စားမှု ကွက်ကွက်လေးကို ရှေ့တန်းတင်တဲ့ အုပ်စုတွေရဲ့ အားပြိုင်မှုလို့ ကျွန်တော်တို့ကို ပြောကြပါတယ်။ ဒါပေမဲ့ တကယ်လို့များ ခင်ဗျားတို့က - ဒီလူအုပ်ကြီးထဲကသူတွေ၊ မဲရုံတွေမှာ တန်းစီနေတဲ့လူတွေ၊ ဒါမှမဟုတ် ကိုယ့်အိမ်နဲ့ဟိုးအဝေးကြီးက ရပ်ကွက်လေးက မဲဆွယ်စည်းရုံးတဲ့ ရုံးတွေမှာ မိုးလင်းမိုးချုပ် အလုပ်လုပ်နေကြတဲ့သူတွေ၊ သူတို့တတွေနဲ့ ခင်ဗျားတို့ စကားပြောခွင့်ရခဲ့ရင် (နိုင်ငံရေးဆိုတာ) ဒီထက်မကဘူးဆိုတာ တွေ့ရမှာပါ။

ကွင်းဆင်းစည်းရုံးနေတဲ့ ကောလိပ်ကျောင်း ကျောင်းသားလေးဟာ ကလေးတိုင်း သူရတဲ့ အခွင့်အရေးမျိုး ရဖို့အတွက် စည်းရုံး ပြောဆိုနေတဲ့အသံကို ကြားရပါလိမ့်မယ်။ သူ့အစ်ကိုကို ကားစက်ရုံက အလုပ်ပြန်ခန့်နိုင်ခဲ့လို့ တအိမ်ဝင်တအိမ်ထွက် ဂုဏ်ယူဝင့်ကြွားစွာနဲ့ မဲဆွယ်နေတဲ့ လုပ်အားပေးတယောက်ရဲ့ အသံကို ခင်ဗျားတို့ ကြားရမှာပါ။ နိုင်ငံအတွက် တိုက်ပွဲဝင်ခဲ့တဲ့ စစ်သားတယောက် အိမ်ပြန်လာတဲ့အချိန်မှာ အလုပ်တခုရဖို့ နေစရာ အိမ်လေးတလုံးရဖို့ ဆက်လက်တိုက်ပွဲဝင်ရတာမျိုး မရှိရအောင် တညလုံးဖုန်းတလုံးနဲ့ မဲဆွယ်နေတဲ့ စစ်တပ်မိသားစုဝင် ဇနီးသည်တယောက်ရဲ့ မျိုးချစ်စိတ်ပြင်းပြတဲ့အသံကို ခင်ဗျားတို့ ကြားရမှာပါ။

ဒါကြောင့်လည်း ကျွန်တော်တို့ ဒါကို လုပ်ရတာ ဖြစ်တယ်။ နိုင်ငံရေးဆိုတာ ဒါမျိုးဖြစ်ရပါမယ်။ ဒါကြောင့် ရွေးကောက်ပွဲဟာ အရေးကြီးပါတယ်။ ဒါဟာ အသေးအဖွဲမဟုတ်ပါဘူး။ အရေးကြီးတဲ့ ကြီးမြတ်တဲ့ အရာပါ။ လူပေါင်းသန်း ၃၀၀ ရှိတဲ့ နိုင်ငံက ဒီမိုကရေစီဟာ ငြင်းကြခုံကြနဲ့ ဆူဆူညံညံလည်း ဖြစ်နိုင်ပါတယ်။ ရှုပ်ရှက်ခတ်နေတာလည်း ဖြစ်နိုင်ပါတယ်။ ခက်ခက်ခဲခဲ ဖြစ်နိုင်ပါတယ်။ ကျွန်တော်တို့အားလုံးဟာ ကိုယ့်အမြင်နဲ့ ကိုယ်ပါ။ ကျွန်တော်တို့ တဦးချင်းစီမှာ မြဲမြံတဲ့ ယုံကြည်မှုတွေလည်း ရှိကြပါတယ်။ ခက်ခဲကြမ်းတမ်းတဲ့ အချိန်တွေကို ဖြတ်ကျော်ရတိုင်း၊ နိုင်ငံတခုအတွက် ကျွန်တော်တို့ဟာ အရေးကြီးတဲ့ ဆုံးဖြတ်ချက်တွေ ချမှတ်ရပါတယ်။ အဲဒီအချိန်မှာ ကိုယ့်စိတ်ခံစားမှုတွေနဲ့ ဆန့်ကျင်ဘက်အမြင်တွေ ဖြစ်ပေါ်လာတာတွေက ရှောင်လွှဲလို့ မရပါဘူး။

ဒါတွေက ဒီညရွေးကောက်ပွဲပြီးတော့လည်း ပြောင်းလဲသွားမှာ မဟုတ်သလို ပြောင်းလည်း မပြောင်းသင့်ပါဘူး။ ဒီလို အငြင်းအခုံတွေက ကျွန်တော်တို့ လွတ်လပ်ခွင့်ရဲ့ မှတ်ကျောက်ပါ။ ကျွန်တော်တို့ အခုပြောဆိုနေချိန်မှာ ဟိုအဝေးမှာရှိနေတဲ့ နိုင်ငံတွေမှာ အရေးကြီးတဲ့ အကြောင်းအရာကို ငြင်းခုံပြောဆိုခွင့်ရဖို့၊ ဒီကနေ့ ကျွန်တော်တို့ မဲပေးခဲ့သလို မဲပေးခွင့်ရဖို့၊ သူတို့ရဲ့ အသက်တွေကို စတေးပြီး စွန့်စားနေကြရတယ်ဆိုတာကို ကျွန်တော်တို့ ဘယ်တော့မှ မမေ့သင့်ပါဘူး။

မတူကွဲပြားမှုတွေရှိနေတဲ့ကြားကပဲ ကျွန်တော်တို့အများစုဟာ အမေရိကန်နိုင်ငံရဲ့ အနာဂတ်အတွက် သတ်သတ်မှတ်မှတ် တူညီတဲ့ မျှော်လင့်ချက် တွေရှိကြပါတယ်။ ကျွန်တော်တို့ ကလေးတွေဟာ အကောင်းဆုံးကျောင်းနဲ့ အကောင်းဆုံးဆရာတွေဆီက ပညာသင်ယူခွင့်တဲ့ နိုင်ငံတခုမှာ ကြီးပြင်းတာကို လိုချင်ပါတယ်။ သိပ္ပံနည်းပညာတွေ၊ အသစ်အသစ်သော တွေ့ရှိချက်တွေ၊ တီထွင်ဖန်တီးမှုတွေမှာ ကမ္ဘာမှာ ဦးဆောင်နိုင်တဲ့ အစဉ်အလာကို ထိမ်းထားနိုင်မယ့် နိုင်ငံ၊ အဲဒီနောက်ကမှ အလုပ်အကိုင်ကောင်းတွေနဲ့ စီးပွားရေးလုပ်ငန်းသစ်တွေ ပေါ်ထွန်းလာမယ့် နိုင်ငံ။ ဒါကို လိုချင်ပါတယ်။

ကျွန်တော်တို့ရဲ့ ကလေးတွေကို အကြွေးတွေနဲ့ဝန်ပိ မနေတဲ့၊ မမျှတမှုတွေနဲ့ အားယုတ်လျော့ မနေတဲ့၊ ပူနွေးလာနေတဲ့ ကမ္ဘာကြီးရဲ့ အန္တရာယ်ကနေ ခြိမ်းခြောက်မှု ကင်းတဲ့ - အမေရိကန်နိုင်ငံမှာ နေသွားစေချင်ပါတယ်။ ကမ္ဘာတ၀ှမ်းက လေးစားရတဲ့ အားကျအတုယူရတဲ့ လုံခြုံတဲ့ နိုင်ငံ၊ ကမ္ဘာ့အင်အားအကြီးဆုံးစစ်တပ်နဲ့ အကောင်းဆုံးတပ်သားတွေက အကာအကွယ်ပေးထားတဲ့ နိုင်ငံ။ အဲဒီနိုင်ငံတခုကို ကျွန်တော်တို့ လက်ဆင့်ကမ်းပေးချင်ပါတယ်။ တချိန်ထဲမှာပဲ လွတ်လပ်ခွင့်နဲ့ လူသားတိုင်းရဲ့ လူ့ဂုဏ်သိက္ခာကို အာမခံတဲ့ အခြေခံနဲ့ ငြိမ်းချမ်းရေးကို စစ်မက်တွေနောက်ပိုင်း ကာလတွေမှာ ယုံကြည်ချက်အပြည့်နဲ့ တည်ဆောက်နိုင်မယ့် နိုင်ငံ။ ဒါကို လက်ဆင့်ကမ်းချင်ပါတယ်။

ခင်ဗျားတို့ လုပ်နေတဲ့အလုပ်က မပြီးဆုံးသေးပါဘူး။ ကျွန်တော်တို့ ဒီမိုကရေစီမှာ နိုင်ငံသားတွေရဲ့ အခန်းကဏ္ဍက မဲပေးတာနဲ့တင် မပြီးဆုံးသေးပါဘူး။ ကျွန်တော်တို့က အမေရိကန်နိုင်ငံဟာ ကျွန်တော်တို့အတွက် ဘာလုပ်ပေးနိုင်သလဲဆိုတဲ့ မေးခွန်း ဘယ်တုန်းကမှ မမေးခဲ့ပါဘူး။ ခက်ခဲကြမ်းတမ်းချိန်၊ ဒွိဟတွေဖြစ်နေချိန်မှာ အမေရိကန်နိုင်ငံအတွက် ကျွန်တော်တို့ အတူတကွ ဘာတွေလုပ်ပေးနိုင်မလဲ ဆိုတာက မေးပါတယ်။ ဒါအမေရိကပါ။

ဒီနိုင်ငံဟာ တခြားနိုင်ငံတွေထက်ကို ကြွယ်ဝတဲ့နိုင်ငံ ဖြစ်ပါတယ်။ ဒါပေမဲ့ ဒီအချက်က ကျွန်တော်တို့ကို ချမ်းသာအောင်လုပ်ပေးနေတာမဟုတ်ပါဘူး။ ရာဇ၀င်တလျှောက်လုံးမှာ အင်အား အကြီးမားဆုံး စစ်တပ်ကြီးကို ကျွန်တော်တို့က ရထားပါတယ်။ ဒါပေမဲ့ ဒါကလည်း ကျွန်တော်တို့ကို အင်အားကြီးလာအောင် လုပ်မပေးပါဘူး။ ကျွန်တော်တို့ရဲ့ တက္ကသိုလ်တွေ ယဉ်ကျေးမှုတွေကို ကမ္ဘာက အားကျကြပေမဲ့ ဒါကလည်း ကျွန်တော်တို့ဆီကို ကမ္ဘာ့နိုင်ငံသားတွေ လာချင်အောင်ဖိတ်ခေါ်နေတဲ့ အရာမဟုတ်ပြန်ပါဘူး။

ကျွန်တော်တို့ကို အမေရိကန်နိုင်ငံကို တကယ့်ထူးခြားအောင်လုပ်နေတာက မတူကွဲပြားမှု အများဆုံးရှိတဲ့ ကမ္ဘာ့ဒေသတခုမှာ ဒါကို လက်တွဲထားနိုင်တဲ့ အချက်ပါ။ ကျွန်တော်တို့ရဲ့ ပန်းတိုင်ဟာ တူညီတယ်။ တယောက်နဲ့တယောက်ကူညီပံ့ပိုးပေးရမယ့် တာဝန် ၀တ္တရား တွေ ရှိနေတယ်၊ အနာဂတ်မျုိးဆက်အတွက် တာဝန် ၀တ္တရား တွေ ရှိနေတယ်၊ ဆိုတဲ့အချက်ကို လက်ခံမှသာ ဒီနိုင်ငံ ရှေ့ဆက်သွားလို့ရမယ်ဆိုတဲ့ အပေါ် ယုံကြည်ချက် တူညီမှု ဖြစ်ပါတယ်။ အမေရိကန်တွေ အသက်ပေး တိုက်ခိုက်ရယူခဲ့တဲ့ လွတ်လပ်ခွင့်ဟာ ဒီအခွင့်အရေးနဲ့အတူ တာဝန်တွေ ပါရှိလာပါတယ်။ အဲဒီထဲမှာ မေတ္တာ၊ လှူဒါန်းကူညီမှု၊ တာဝန်သိမှုနဲ့ မျုိးချစ်စိတ်ဓာတ်တို့လည်း ပါဝင်ပါတယ်။ ဒါတွေကသာ အမေရိကန်နိုင်ငံကို ကြီးမြတ်အောင်လုပ်ဆောင်ပေးနေတာပါ။
(မှတ်ချက် - Burma-Newselite ရဲ့ ဘာသာပြန်ဆိုမှုသာ ဖြစ်ပါတယ်။ မည်သည့် ဌာန၊ ကျောင်း၊ ရုံး၊ သတင်းဌာနများထဲမှ ရယူ ကူးယူခြင်း မရှိသလို ဒီဘာသာပြန်မှာ အမှားအယွင်းများရှိခဲ့ပါရင် Burma-Newselite ရဲ့  တာဝန်သာ ဖြစ်ပါတယ်။ မြန်မာမိတ်ဆွေများ ဗဟုသုတရရေး အတွက် ရည်ရွယ်ပြန်ဆိုပါတယ်။)


No comments:

Post a Comment