Friday, 7 June 2013

“၁၉၈၈အပြီးကာလမြန်မာ့ရုပ်ရှင်ဦးဆောင်သူအဆက်ဆက်အပေါ် သုံးသပ်မူနှင့်အတူ”






“၈၈အပြီး(၇)ယောက်မြောက်ဥက္ကဋ္ဌသက်တမ်းစ”
မြန်မာနိုင်ငံရုပ်ရှင်အစည်းအရုံးဥက္ကဋ္ဌသစ်လူမင်းအားဥက္ကဋ္ဌဟောင်းဇင်ဝိုင်း
လက်ပြောင်းလက်လွှဲကာလအခက်အခဲမရှိစေရန်ကူညီသွားမည်ဟုသိရသည်။
ကျန်းမာရေးကြောင့်အနားယူသွားသည့်ဥက္ကဋ္ဌဟောင်းဇင်ဝိုင်းအနေနှင့်မြန်မာနိုင်ငံရုပ်ရှင်
အစည်းအရုံးဝင်ရုပ်ရှင်လောကသားတစ်းဦးအနေနှင့်ရုပ်ရှင်ကိုချစ်မြတ်နိုးသူတစ်ဦး
အနေဖြင့်လောကကောင်းကျိုးသယ်ပိုးနိုင်သမျှဆောင်ရွက်ဖို့ ဆန္ဒရှိကြောင်းပြောဆိုပါသည်။
သရုပ်ဆောင်လူမင်းသည်၈၈အပြီး မြန်မာနိုင်ငံရုပ်ရှင်အစည်းအရုံး၏(၇)ယောက်မြောက်
ဥက္ကဋ္ဌအဖြစ်ယနေ့ ၂၀၁၃ဇွန်(၇)ရက်နေ့ တွင်စတင်တာဝန်ထမ်းဆောင်ပြီဖြစ်သည်။


“သက်တမ်းအကြာမြင့်ဆုံးဥက္ကဋ္ဌခေတ်ဆယ်စုနှစ်”
၁၉၈၈နောက်ပိုင်းကာလတွင်မြန်မာနိုင်ငံရုပ်ရှင်အစည်းအရုံး၏ဥက္ကဋ္ဌအဖြစ်
ဒါ၇ိုက်တာဦးခင်ဇော်(ဒါရိုက်တာမိုက်တီး၊သရုပ်ဆောင်ချစ်ချစ်ဇော်၊သရုပ်ဆောင်
လင်းဇာနည်ဇော်တို့ ၏ဖခင်)က၁၉၈၉မှ၁၉၉၁ခုနှစ်ထိတာဝန်ထမ်းဆောင်ပြီး အကယ်ဒမီမင်းသားကြီးဦးညွန့် ဝင်းက၁၉၉၂မှ၁၉၉၄ခုနှစ်အထိတာဝန်ယူကာ
အမျိုးသားရုပ်ရှင်စက်အဖွဲ့ နှင့်အမျိုးသားရုပ်ရှင်ထုတ်လုပ်ရေးကုမ္မဏီပိုင်ရှင်
ဦးစိန်တင်(အကယ်ဒမီကျော်သူ၏ဖခင်)က၁၉၉၄မှ၂၀၀၅ခုနှစ်အထိဆောင်
ရွက်ခဲ့ကြပါသည်။ဆယ်စုနှစ်တစ်စုကျော်သက်တမ်းအကြာမြင့်ဆုံးဥက္ကဋ္ဌတာဝန်
ထမ်းဆောင်ခဲ့သူဦးစိန်တင်လက်ထက်တွင်မြန်မာနိုင်ငံရုပ်ရှင်အစည်းအရုံး
အမူဆောင်အဖွဲ့ သည်တပ်မတော်အစိုးရလက်အောက်ဖြစ် လင့်ကစားရုပ်ရှင်
လောကသားများအရေး၊ရုပ်ရှင်လောကအကျိုးစီးပွားကိုအတော်အသင့်
တိုးမြှင့်ဆောင်ရွက်နိုင်ခဲ့ကြောင်းရုပ်ရှင်လောကသားများကဆိုကြသည်။

“သက်တမ်းတစ်ခုသာတာဝန်ထမ်းရွက်လိုသည့်ဥက္ကဋ္ဌ”
ယင်းနောက်ပြန်ကြားရေးဝန်ကြီးဋ္ဌာန၏ဦးဆောင်မူဖြင့်ရုပ်ရှင်လောက
ပြုပြင်ပြောင်းလဲရေးဆောင်ရွက်ရန်လောကသားများအသံကိုထိုကာလပြန်ကြားရေး
ဝန်ကြီးဦးကျော်ဆန်းကကြားနာပွဲတစ်ရပ်ဆင်နွှဲ၍မြန်မာနိုင်ငံရုပ်ရှင်အစည်းအရုံး
အမူဆောင်အဖွဲ့ သစ်ကိုပြန်လည်ဖွဲ့ စည်းပေးခဲ့ရာမြန်မာနိုင်ငံရုပ်ရှင်အစည်းအရုံး
ဥက္ကဋ္ဌအဖြစ်ဒါရိုက်တာဦးကြည်စိုးထွန်း(အကယ်ဒမီသရုပ်ဆောင်ချမ်းသာကြည်စိုး
၏ဖခင်)က၂၀၀၅မှ၂၀၀၇ခုနှစ်အထိတာဝန်ထမ်းဆောင်ခဲ့သည်။
ယင်းမြန်မာနိုင်ငံရုပ်ရှင်အစည်းအရုံးအမူဆောင်အဖွဲ့ တွင်ပြန်ကြားရေးဝန်ကြီး
ဋ္ဌာနမြန်မာ့ရုပ်ရှင်လုပ်ငန်းမှအရာထမ်းများကိုလည်းစတင်ထည့်သွင်းဖွ့ စည်းတာဝန်ပေး
အပ်ခဲ့၍NGOတစ်ဝက်အဖွဲ့ အစည်းအဖြစ်ရုပ်ရှင်လောကသားများကအမြင်ရှိခဲ့ကြသည်။
ထိုနည်းတူဥက္ကဋ္ဌရာထူး လက်ခံရယူခဲ့ကြရသူတိုင်းသည်ရုပ်ရှင်ဗီဒီယိုဆင်ဆာအဖွဲ့ တွင်
ပါဝင်ဆောင်ရွက်ခဲ့ကြရပြီးရုပ်ရှင်လောကသားများအကျိုးစီးပွားကိုကာကွယ်ခွင့်ရ
နိုင်သော်လည်းအစိုးရဋ္ဌာန အသီးသီးမှအရာထမ်းအများစုပါဝင်သောဆင်ဆာအဖွဲ့ သည်
ရုပ်ရှင်လောကသားများနှင့် ရူမြင်ပုံမတူသောပြဿနာသည်NGOတစ်ဝက်အဖွဲ့ အစည်း
အဖြစ်စတင်ရပ်တည်ချိန်မှာပင်ရှိနှင့်နေပြီဖြစ်သည်။ဥက္ကဋ္ဌဒါရိုက်တာဦးကြည်စိုးထွန်းနှင့်
အမူဆောင်အဖွဲ့ သည်သက်တမ်းတစ်ဆက်မျှသာတာဝန်ထမ်းရွက်၍ဥက္ကဋ္ဌအပါအ၀င်
အားထားရသောအမူဆောင်အဖွဲ့ ဝင်များကနောက်ထက်သက်တမ်းအားဆက်လက်
ဆောင်ရွက်လိုခြင်းမရှိတော့ကြောင်းအတိအလင်းဆိုခဲ့ကြသည်။

“NGOတစ်ဝက်နှင့်ရုပ်ရှင်ဓါတ်ပုံပညာမဟာဘွဲ့ ရဥက္ကဋ္ဌလက်ထက်”
ထို့ နောက်NGOတစ်ဝက်အဖွဲ့ အစည်းအဖြစ်ရုပ်ရှင်အစည်းအရုံးရွေးကောက် တင်မြောက်ပွဲရလဒ်အရရွေးကောက်တင်မြောက်ခံရုပ်ရှင်အနုပညာရှင်ရုပ်ရှင်အတက်
ပညာရှင်များနှင့်အတူပြန်ကြားရေးဝန်ကြီး၏ဋ္ဌာနမြန်မာ့ရုပ်ရှင်လုပ်ငန်းမှညွှန်ကြားရေးမူး
အဆင့်တာဝန်ရှိအရာထမ်းအပါအ၀င်အငြိမ်းစားညွန်ကြားရေးမူးဦးမြင့်သိန်းဖေ(နိုင်ငံရပ်ခြား
မှရုပ်ရှင်ဓါတ်ပုံပညာဖြင့်MAဘွဲ့ ရခဲ့သောဓါတ်ပုံပညာရှင်)ဥက္ကဋ္ဌအဖြစ်ဆောင်ရွက်သော
မြန်မာနိုင်ငံရုပ်ရှင်အစည်းအရုံးအမူဆောင်အဖွဲ့ ကို၂၀၀၇ခုနှစ်မှာတာဝန်ပေးပါသည်။
အဲ့ဒီအမူဆောင်အဖွဲ့ ဟာသက်တမ်းတစ်ကြီမ်(နှစ်နှစ်)အပြီးရွေးကောက်ပွဲ
ပြန်လည်ကျင်းပချိန်မှာရုပ်ရှင်လောကသားများဆန္ဒမဲကိုကျော်လွန်ပြီးဝန်ကြီ့းဋ္ဌာနက
တိုက်ရိုက်တာဝန်ပေးတဲ့ပုဂ္ဂိုလ်များဖြင့်အဓိကရာထူးတာဝန်ယူဆောင်ရွက်စေသော
NGOတစ်ဝက်မကအဖွဲ့ အစည်းအဖြစ်ဆက်လက်တာဝန်ပေးအပ်ဖွဲ့ စည်းသည့်အသွင်
ဖြစ်ပေါ်ခဲ့ပြန်သောကြောင့်ရုပ်ရှင်လောကသားများအထင်အမြင်ကွဲလွဲစရာရှိခဲ့ရပြန်၏။
မြန်မာနိုင်ငံရုပ်ရှင်အစည်းအရုံးဝင်အများစုက စက်မူအခြေခံအလွှာမှ
ဝင်ရောက်အရွေး ချယ်ခံသောထိုကာလလက်ရှိဥက္ကဋ္ဌ နှင့်ဝန်ကြီ့းဋ္ဌာနက
တိုက်ရိုက်တာဝန်ပေးတဲ့ပုဂ္ဂိုလ်များကိုနောက်ထပ်သက်တမ်းတစ်ခုထပ်မံ တာဝန်ပေးအပ်လေဦးမည်ကိုစိုးရိမ်သလိုအစိုးရမဟုတ်သောလွတ်လပ်သောရုပ်ရှင်
အဖွဲ့ အစည်းNGOစစ်စစ်ဖွဲ့ စည်းလိုသောဆန္ဒများက၂၀၁၀ရွေးကောက်ပွဲအပြီးအစိုးရ
အပြောင်းအလဲနှင့်အတူတိုးပွားလာသည်ဖြစ်ရာပြည်သူ့ လွှတ်တော်ရေးရာကော်မတီ
တစ်ရပ်၏အကူအညီဖြင့်ပြန်ကြားရေးဝန်ကြီး၏ဋ္ဌာနကိုညှိနိုင်းဆောင်ရွက်ကာNGO
စစ်စစ်ရွေးကောက်ပွဲတစ်ရပ်ပေါ်ပေါက်ရေးအားရုပ်ရှင်အရေးတက်ကြွလှူတ်ရှားသူများ
အဖွဲကဦးဆောင်လှူပ်ရှားခဲ့ကြသည်။သို့ သော်NGOစစ်စစ်ဟူသောအနက်အဓိပ္ပါယ်
သာမကဝေါဟာရအရပါခွင့်ပြုနိုင်ရန်အသင့်မရှိသေးသောမူဝါဒအရရုပ်ရှင်ရွေးကောက်ပွဲ
ဟာရင်ခုန်စိတ်လှူတ်ရှားဖွယ်ရှိခဲ့ရသည်။

“ရုပ်ရှင်အရေးတက်ကြွလှူတ်ရှားသူများအဖွဲ့ ဦးဆောင်သူမှဥက္ကဋ္ဌသို့ ”
      မည်သို့ ဆိုစေရုပ်ရှင်ဓါတ်ပုံပညာရှင်ဦးမြင့်သိန်းဖေဥက္ကဋ္ဌအဖြစ်ဆောင်ရွက်သော
၂၀၀၇-၂၀၁၂ကာလအပြီးအပြောင်းအလဲအနေနှင့်ရုပ်ရှင်လောကသားများဆန္ဒမဲဖြင့်
ရွေးကောက်တင်မြောက်ခဲ့ရ၍NGOစစ်စစ်အဖွဲ့ အစည်းအဖြစ်ကြွေးကြော်သော
မြန်မာနိုင်ငံရုပ်ရှင်အစည်းအရုံးဥက္ကဋ္ဌသစ်ဦးဇင်ဝိုင်းနှင့်အမူဆောင်အဖွဲ့ ကို ၀န်ကြီ့းဋ္ဌာနက
အသိအမှတ်ပြုလက်ခံလိုက်ရသည်။
        ဦးမြင့်သိန်းဖေမှဥက္ကဋ္ဌတာဝန်အားဦးဇင်ဝိုင်းထံ၂၀၁၂ဧပြီ၁၀ရက်နေ့ တွင်
လွှဲပြောင်းပေးခဲ့ပြီးအမူဆောင်အဖွဲ့ သစ်ကစာနယ်ဇင်းနှင့်မိတ်ဆက်တွေ့ ဆုံသတင်းစာ
ရှင်းလင်းခဲ့သည်။၈၈မျိုးဆက်ကျောင်းသားများအဖွဲ့ အပါအ၀င်အရပ်ဖက်အဖွဲ့ အစည်း
များNGOအဖွဲ့ များကသ၀ဏ်လွှာပေးပိုဂုဏ်ပြုခဲ့ကြသည်။ထိုနောက်အစိုးရအဖွဲ့ တွင်း
ဝန်ကြီးဋ္ဌာနများဝန်ကြီး အပြောင်းအလဲမှာပြန်ကြားရေးဝန်ကြီး၏ဋ္ဌာနလည်းတစ်ခု
အပါအ၀င်ဖြစ်ကာယခင်တပ်မတော်အစိုးရလက်ထက်မှအစိုးသစ်လက်ထက်ထိ
ဒေါ်အောင်ဆန်းစုကြည်နှင့်ဆက်သွယ်ဆောင်ရွက်ခဲ့သူဆက်ဆံရေးဝန်ကြီးဟောင်း
ဦးအောင်ကြည်သည်ပြန်ကြားရေးဝန်ကြီးအဖြစ်တာဝန်ယူ ဆောင်ရွက်ရာရုပ်ရှင်
သမားများနှင့်လည်းဆက်ဆံရေးကောင်းမွန်မူရှိခြင်းကြောင့်မြန်မာနိုင်ငံရုပ်ရှင်
အစည်းအရုံးသည်NGOစစ်စစ်အဖွဲ့ အစည်းအဖြစ်အာမခံနိုင်သည့်သဖွယ်ရှိလာသည်။
          သို့ ရာတွင်ရုပ်ရှင်အရေးတက်ကြွလှူတ်ရှားသူများအဖွဲ့ မှာဦးဆောင်
လှူပ်ရှားခဲ့ကာရုပ်ရှင်လောကအရေးကြိုးစားလုပ်ဆောင်တိုက်ပွဲဝင်ခဲ့သူဥက္ကဋ္ဌသစ်
ဦးဇင်ဝိုင်းလက်ထက်တွင်လည်းမြန်မာနိုင်ငံရုပ်ရှင်အစည်းအရုံးသည်တည်ငြိမ်မူမရှိနိုင်ဘဲ
ပြဿနာအဟောင်းအသစ်များကိုပါရုပ်ရှင်လောကအကျိုးလုပ်ငန်းဆောင်တာများနှင့်
အတူတစ်ပါတည်းဆောင်ရွက်ဖြေရှင်းခဲ့ကြရပြန်သည်။ အမူဆောင်ဟောင်းဦးဝင်းကို
(သရုပ်ဆောင်ဟိန်းဝေယံ၏ဖခင်)အပါအ၀င်ဗီဒီယိုထုတ်လုပ်သူများပါဝင်သောအဖွဲ့ ၏
တိုင်တန်းမူကိုရင်ဆိုင်ရသလိုမြန်မာနိုင်ငံရုပ်ရှင်အစည်းအရုံး၏လက်အောက်ရှိ
ဗီဒီယိုအခြေခံအဖွဲ့ (ဗဟို)အားတိုက်ရိုက်တာဝန်ခံသောဖြစ်စဉ်များကြောင့်
လည်းစာနယ်ဇင်းရှင်လင်းပွဲပြုလုပ်ဖြေရှင်းရသောအကျယ်အကျယ်မငြိမ်းဖွယ်ဖြစ်ရပ်တွေ
ကိုရင်ဆိုင်ကြရသည်ကအမူဆောင်အဖွဲ့ သစ်တစ်နှစ်သားသက်တမ်းအတွင်းတိုင်းပြည်က နုနုမုန်တိုင်းကထန်ထန်ဟုပင်ဆိုနိုင်လောက်၏။

“ဥက္ကဋ္ဌသစ်လူမင်းအားဥက္ကဋ္ဌဟောင်းဇင်ဝိုင်းလက်ပြောင်းကာလကူမည်”

       တရားတဘောင်ကိစ္စအထိရင်ဆိုင်ရသလိုပြုပြင်ပြောင်းလဲရေးသို့ ဦးတည်ဆောင်
ရွက်နေသောနိုင်ငံတော်၏ငြိမ်းချမ်းရေးကိစ္စများမှာပါဦးလည်မသုန်းပါဝင်ဆောင်ရွက်ရင်း
ကျန်းမာရေးထိခိုက်လာရသည့်အတွက် မြန်မာနိုင်ငံရုပ်ရှင်အစည်းအရုံး၏ဥက္ကဋ္ဌတာဝန်မှ
အနားယူခွင့်ပြုပါရန်နုတ်ထွက်စာကိုဦးဇင်ဝိုင်းကဥက္ကဋ္ဌသက်တမ်းရက်ပေါင်း(၄၂၀)ကျော်
၂၀၁၃ဇွန်(၆)ရက်နေ့ ရက်စွဲဖြင့်စာတင်ခဲ့ခြင်းမှာဒီမိုကရက်တစ်လူအဖွဲ့ အစည်းအရှိန်
ရအောင်ပုံဖေါ်နေကြရမူအားထိပါးသွားလေမလားစိုးရိမ်သူများရှိသလို၊လိပ်ခဲတည်းလဲ
မတင်မကျဖြစ်နေရသော မြန်မာနိုင်ငံရုပ်ရှင်အစည်းအရုံး၏ပြဿနာအဟောင်းအသစ်များ
ကိုအပြီးသတ်ဖြေရှင်းနိုင်ဖို့ မျှော်လင့်ရင်ခုန်သူများလည်းရှိ၏။ယနေ့ ဇွန်(၇)ရက်နေ့ 
စာနယ်ဇင်းရှင်းလင်းပွဲမှာတော့ဥက္ကဋ္ဌအသစ်ဦးလူမင်းကဥက္ကဋ္ဌဟောင်းဦးဇင်ဝိုင်း၏
အားထုတ်ကြိုးပမ်းစွမ်းဆောင်ချက်များကိုမှတ်မှတ်ရရထုတ်ဖေါ်ပြောကြားဂုဏ်ပြုခဲ့သေး
သည်ဖြစ်ရာဦးဇင်ဝိုင်းအနေဖြင့်ဥက္ကဋ္ဌနေရာမှအနားယူခြင်းသည်တာဝန်များကိုရှောင်လွှဲ
သွားခြင်းမဟုတ်ဘဲပိုမိုကောင်းမွန်သည့်အဖွဲ့ အစည်းကြီးဖြစ်ဖို့ လက်လွှဲခဲ့ခြင်းဟုဆိုနိုင်ပါမည်။
သေချာသည်ကတော့အမူဆောင်အဖွဲ့ သစ် သက်တမ်းတစ်နှစ်မျှပင်မကျန်တော့သော
မြန်မာနိုင်ငံရုပ်ရှင်အစည်းအရုံး၏ဥက္ကဋ္ဌအသစ်ဦးလူမင်းအားဥက္ကဋ္ဌဟောင်းဦးဇင်ဝိုင်းက
လက်ပြောင်းလက်လွှဲကာလအတွင်းအခက်အခဲမရှိစေရန်ကူညီသွားမည်ဟုသိရှိရခြင်းသည်
မြန်မာ့ရုပ်ရှင်ဆက်လက်ရှင်သန်စေရေးအတွက်အားတက်ဖွယ်ရာဖြစ်ကြောင်းပေါ်ပြူလာ အယ်ဒီတာအဖွဲ့ က၁၉၈၈အပြီးကာလမြန်မာ့ရုပ်ရှင်ဦးဆောင်အဖွဲ့ အစည်း

အဆက်ဆက်အပေါ်သုံးသပ်မူနှင့်အတူဂုဏ်ပြုကြိုဆိုလိုက်ရပါသည်။

အယ်ဒီတာအဖွဲ့ 






by Popular Journal (Notes) on Friday, June 7, 2013 at 9:06pm

No comments:

Post a Comment