အခြေခံဥပဒေပြင်ဆင်ရေးနှင့် ဖက်ဒရယ်ပြသနာ

မောင်ဝံသ

ဇွန် ၅၊ ၂၀၁၃

ပြည်သူ့ခေတ်ဂျာနယ် ၀၆ ၀၆ ၂၀၁၃ပါ မောင်ဝံသ ပြောချင်လွန်းလို့ဆောင်းပါး။

၁၉၄၈ခုနှစ်ကစတင်ခဲ့တဲ့ တောတွင်းလက်နက်ကိုင်အဖွဲ့များအပြင် ၁၉၆၂ခုနှစ် နောက်ပိုင်း ထပ်မံပေါ်ထွက်လာတဲ့လူမျိုးစုလက်နက်ကိုင်အဖွဲ့ သစ်တွေပါ ပါဝင်ဆင်နွှဲလာခဲ့ကြတဲ့ လွတ်လပ်ရေးရဲ့ ဖွားဖက်တော် ပြည်တွင်းစစ်ကြီးဟာ ယနေ့အထိ မပြီးဆုံးသေးပါဘူး။ ၁၉၈၈ နောက်ပိုင်း စစ်အစိုးရခေတ်မှာ လူမျိုးစု လက်နက်ကိုင်အဖွဲ့ ၁၇ ဖွဲ့နဲ့ အပစ်အခတ်ရပ်စဲရေး သဘောတူညီချက်တွေ ရခဲ့ပေမယ့် အင်အားကြီးအဖွဲ့တစ်ခုဖြစ်တဲ့ ကေအင်ယူနဲ့ တိုက်ပွဲတွေ ဆက်လက်ဖြစ်ပွားနေခဲ့သလို ၂၀၁၀ ရွေးကောက်ပွဲကနေ ပေါ်ထွက်လာတဲ့ သမတ ဦးသိန်းစိန်အစိုးရလက်ထက်မှာလည်း ငြိမ်းချမ်းရေး အတွက် အရှိန်အဟုန် မြှင့် လုပ်ဆောင်နေပါတယ်လို့ အစိုးရက ပြောနေတဲ့ကြား က အစောပိုင်း ကချင် ပြည်နယ်မှာ၊ အခုနောက်ပိုင်း ရှမ်းပြည်နယ်က တချို့နေရာတွေမှာ သေနတ်သံ တွေ ကျယ်ကျယ်လောင်လောင် ထွက်ပေါ်နေခဲံ တာ တိုင်းသိပြည်သိ ကမ္ဘာသိ ဖြစ်ပါတယ်။

● စစ်မှန်တဲ့ ဖက်ဒရယ် တောင်းဆိုချက်

ပြည်ထောင်စုကနေခွဲထွက်ပြီး သီးခြားနိုင်ငံထူထောင်လိုတဲ့ လူမျိုးစု လက်နက်ကိုင် အဖွဲ့တစ်ဖွဲ့ သို့မဟုတ် နှစ်ဖွဲ့ ရှိကောင်းရှိနိုင်ပေမယ့် မြန်မာနိုင်ငံက လူမျိုးစုလက်နက်ကိုင်အဖွဲ့ အများစု (အားလုံးလိုလို) တောင်းဆိုနေတာက မြန်မာအပါအ၀င် လူမျိုးစု အားလုံးမှာ တန်းတူရည်တူ အခွင့်အရေးရှိတဲ့ ဖက်ဒရယ်ပြည်ထောင်စု ဖြစ်ပါတယ်။ အာဏာရအစိုးရ အဆက်ဆက်က ]ပြည်ထောင်စု} ဆိုတဲ့ ဝေါဟာရ ကို သုံးနှုန်းပြီး အုပ်ချုပ်ခဲ့ ပေမယ့် အဲဒါဟာ သူတို့လိုချင်တဲ့ ပြည်ထောင်စုမျိုး မဟုတ်ဘူးဆိုတဲ့အချက်ကို ထင်ထင်ရှားရှား မီးမောင်းထိုးပြချင်တဲ့သဘောနဲ့ နောက်ပိုင်းမှာ လက်နက်ကိုင်ရော လက်နက်မကိုင်တဲ့ လူမျိုးစုံတွေကပါ ]ဖယ်ဒရယ် ပြည်ထောင်စု} အစား စစ်မှန်တဲ့ ဖက်ဒရယ်ပြည်ထောင်စု} ဆိုတဲ့ စကား လုံး အသုံးအနှုန်းနဲ့ ပြောင်းလဲ တောင်းဆိုလာခဲ့ကြပါတယ်။

● လူမျိုးစုတွေရဲ့ လိုလားချက်

လူမျိုးစုလက်နက်ကိုင်အဖွဲ့တွေ အစိုးရအဆက်ဆက်ကို တစ်လျှောက် လုံး တောင်းဆိုလာခဲ့ကြတာက ဖယ်ဒရယ် ပြည်ထောင်စုဖြစ်ပါတယ်။ အဲဒါကို တည်ဆောက်နိုင်ဖို့ နိုင်ငံရေး ဆွေးနွေးပွဲတွေကတစ်ဆင့် တိုင်းရင်းသားပေါင်းစုံ ညီလာခံကြီး ပြုလုပ်ရမယ်၊ အဲဒီအတွက် အရင်ဆုံးလုပ်ရမှာက တစ်နိုင်ငံလုံး လွှမ်းခြုံတဲ့ အပစ်အခတ် ရပ်စဲရေးဖြစ်တယ် လို့ သူတို့က ဆိုကြပါတယ်။ အဲဒီတောင်းဆိုချက်ဟာ ကျိုးကြောင်းဆီလျော် တရားမျှတတဲ့ တောင်းဆိုချက် ဖြစ်ပေမယ့် ဖက်ဒရယ်ဆိုတဲ့အသံကြားရုံနဲ့ တီကောင်ကိုဆားနဲ့တို့လိုက်သလို တွန့်ခနဲ ဖြစ်သွားတတ်တဲ့ အင်အားစုများရဲ့ သဘောထားရပ်တည်ချက်ကြောင့် အဲဒီ တောင်းဆိုချက်ဟာ  ဘယ်တုန်းကမှ အကောင်အထည်ပေါ်မလာခဲ့ပါဘူး။ နိုင်ငံရေးပြုပြင်ပြောင်းလဲရေးတွေကို ကမ္ဘာက ကြိုဆိုထောက်ခံရလောက်အောင်  ခြေလှမ်းသွက်သွက်နဲ့ လုပ်ပြနေတဲ့ လက်ရှိအစိုးရလက်ထက်မှာတောင် အဲဒီ တောင်းဆိုချက်ရဲ့ တစ်စိတ်တစ်ပိုင်းကိုပဲ ဖြည့်ဆည်းပေးနိုင်သေးတာကို တွေ့နေရပါ တယ်။

● တစ်ပြိုင်တည်း ပြသနာနှစ်ခု

အခု ကျွန်တော်တို့နိုင်ငံမှာ တပြိုင်တည်း ပေါ်ပေါက်နေတဲ့ ပြသနာ နှစ်ခုက အခြေခံဥပဒေပြင်ဆင်ရေးနဲ့ စစ်မှန်တဲ့ ဖယ်ဒရယ်ပြည်ထောင်စု တည်ထောင်ရေးတို့ ဖြစ်ပါတယ်။ တကယ်တော့ အဲဒီ ပြသနာနှစ်ခုစလုံးဟာ အနှစ်သာရအရ လွတ်လပ်ရေးနဲ့အတူ မွေးဖွားပေါ်ပေါက်လာတဲ့ ပြသနာတွေ ပဲ ဖြစ်ပါတယ်။ အခုမှ အသစ်ပေါ်ထွက်လာတဲ့ ပြသနာတွေ မဟုတ်ပါဘူး။ အခြေခံဥပဒေပြင်ဆင်ရေးနဲ့ စစ်မှန်တဲ့ ဖက်ဒရယ် ပြည်ထောင်စု တည်ဆောက်ရေးခေါင်းစဉ်နှစ်ခုစလုံးဟာ နိုင်ငံရေးပြသနာချည်း ဖြစ်ပါတယ်။ အဲဒီပြသနာနှစ်ခုဟာ ဖြေရှင်း ပြေလည်သွားခဲ့တာမဟုတ်ဘဲ ဒီမိုကရေစီ ဆိတ်သုဉ်းခဲ့တဲ့ခေတ်တစ်လျှောက်လုံး ရေပြင်အောက် ငုပ်လျှိုးနေခဲ့ပြီး အခု ပေါ်လို့ ရတဲ့အချိန်မှာ ပြန်လည် ပေါ်ထွက်လာတာသာ ဖြစ်ပါတယ်။ ဒါကြောင့် အပြီးအပြတ် ပြေလည်အောင် မရှင်းနိုင်မချင်း အဲသလိုပဲ ငုပ်လိုက် ပေါ်လိုက်သာ ဖြစ်နေဦးမယ်ဆိုတဲ့အချက်နဲ့ အဲဒီပြသနာတွေကို ပြေလည်အောင် မဖြေရှင်းနိုင်မချင်း ဒီမိုကရေစီရေး ငြိမ်းချမ်းရေး ဖွံ့ဖြိုးတိုးတက်ရေးတို့ ဆိုတာတွေဟာလည်း ]တံလျှပ်} သဖွယ်ပဲ အမြဲတမ်းဖြစ်နေမယ်ဆိုတဲံအချက်ကို တာဝန်သိသူတိုင်း သတိပြုကြရမှာ ဖြစ်ပါတယ်။

● ဘယ်ဟာကို အရင် ဖြေရှင်းမလဲ

ဒီတော့ ဒီပြသနာနှစ်ခုမှာ ဘယ်ဟာကို အရင်ဖြေရှင်းမလဲဆိုတဲ့ မေးခွန်းထွက်ပေါ်လာပါတယ်။ တစ်ချို့ နိုင်ငံရေးသမားတွေက လက်ရှိ အခြေခံ ဥပဒေဟာ ပြင်လို့မရလောက်အောင် လုပ်ထားတဲ့ အခြေခံဥပဒေဖြစ်တယ်။ ပြင်ဆင် ပြောင်းလဲဖို့ သိပ်ကို ခက်ခဲတယ်လို့ ပြောနေကြပါတယ်။ မရည်ရွယ် ဘူးလို့ ယူဆရပေမယ့် သူတို့စကား အသွားအလာအရ အခြေခံဥပဒေပြင်ဆင် ရေးကိစ္စကို အခုအချိန်မှာ မတို့မထိနဲ့ဦး။ ဖယ်ဒရယ်ကိစ္စပဲ အရင် ဖြေရှင်းကြ တာပေါ့လို့ ဆိုလိုတဲ့ အဓိပ္ပာယ်မျိုး သက်ရောက်နေပါတယ်။

● လူမျိုးစုတွေရဲ့ အဓိက လိုလားချက်

တကယ်တော့ စစ်မှန်တဲ့ ဖက်ဒရယ်ပြည်ထောင်စုစနစ်ကို တောင်းဆို နေကြတဲ့ လူမျိုးစုလက်နက်ကိုင်အဖွဲ့တွေ တစ်လျှောက်လုံး ရပ်ခံလာကြတဲ့ အနေအထားကို လေ့လာကြည့်ရင် ဒီကိစ္စက နည်းနည်းကလေးမှ ရှုပ်ထွေးစရာ မလိုတဲ့ကိစ္စ ဖြစ်ပါတယ်။ သူတို့က သူတို့ဟာ သူတို့ လူမျိုးစုရဲ့ အခွင့်အရေး တွေကို လက်နက်ကိုင်ပြီး ကာကွယ် စောင့်ရှောက်ဖို့ မလိုတော့တဲ့တစ်နေ့ (တစ် နည်း) အဲဒီအခွင့်အရေးတွေကို အခိုင်အမာ ကာကွယ် စောင့်ရှောက်ပေးနိုင်တဲ့ အခြေခံဥပဒေတစ်ရပ် ပေါ်ထွက်လာတဲ့ တစ်နေ့မှာ ကိုင်ထားတဲ့လက်နက်တွေ ကို စွန့်လွှတ်မှာ ဖြစ်တယ်။ အခုအထိတော့ အဲသလိုမျိုး အခြေခံဥပဒေ ပေါ်ထွက်မလာသေးဘူး။ အဲသလို ရပ်ခံနေခဲ့ကြတာ ဖြစ်ပါတယ်။

● ရေပေါ်အရုပ်ရေးသလိုဖြစ်မယ်

ဒီတော့ အဖြေက ရှင်းပါတယ်။ ဖယ်ဒရယ်ကိစ္စ ပြေလည်ချင်တယ် ဆိုရင် အခြေခံဥပဒေကိစ္စ အရင်ရှင်းရမှာ ဖြစ်ပါတယ်။ လက်ရှိ အခြေခံဥပဒေ ကို မပြင်ဘဲ ဖက်ဒရယ် ပြည်ထောင်စု တည်ဆောက်မယ်ဆိုရင် အဲဒါဟာ ရေပေါ် မှာ အရုပ်ရေးတာပဲ ဖြစ်ပါလိမ့်မယ်။

လက်ရှိ အခြေခံဥပဒေဟာ ပြင်လို့မရနိုင်လုနီးပါးဖြစ်အောင် လုပ်ထား တဲ့ အခြေခံဥပဒေဖြစ်တယ်ဆိုတဲ့ အချက်ကို ကျွန်တော် သဘောတူပါတယ်။ တိုင်းပြည်ကို နှစ်နှစ်ဆယ်ကျော် အုပ်ချုပ်ခဲ့တဲ့ စစ်အစိုးရ တစ်ခုက စစ်အာဏာ လွှမ်းမိုးကြီးစိုးရေးစနစ် တည်တံ့နိုင်သလောက်တည်တံ့ခိုင်မြဲရေး ဆိုတဲ့ ရည်ရွယ် ချက်နဲ့ ရေးဆွဲခဲ့တဲ့ အခြေခံဥပဒေဖြစ်တယ်ဆိုတဲ့ အချက်ကို အများနည်းတူ ကျွန်တော်လည်း သဘောပေါက်ပါတယ်။

● အားတက်စရာ နမူနာတွေ

ဒါပေမယ့် ကျွန်တော်တို့ ]ခက်တယ်} ]မလွယ်ဘူး}ဆိုပြီး ညည်း နေလို့ချည်း မဖြစ်ပါဘူး။ သူများတွေ ခက်ခဲနက်နဲ သိမ်မွေ့တဲ့နိုင်ငံရေး ပြသနာတွေကို ဘယ်လို အဖြေရှာခဲ့ကြသလဲ။  ဘယ်လို ကျော်လွှားခဲ့ကြသလဲ။ ပြည်တွင်းပြည်ပ အတွေ့အကြုံတွေကို ကျွန်တော်တို့ စေ့စေ့စပ်စပ် လေ့လာကြရ ပါမယ်။ တောင်တန်းဒေသတွေကို ချန်ထားပြီး လွတ်လပ်ရေးပေးဖို့ ကြိုးစားတဲ့ နယ်ချဲ့ဆီက တစ်ပြည်လုံး လွတ်လပ်ရေးရအောင် ဗိုလ်ချုပ်အောင်ဆန်း အမှူး ပြုတဲ့ ကျွန်တော်တို့ရဲ့ ခေါင်းဆောင်တွေ ဘယ်လို စည်းရုံး စီစဉ်ဆောင်ရွက်ခဲ့ ကြသလဲ။ တစ်လျှောက်လုံး လူဖြူတွေက လူမည်းတွေအပေါ် ဖိနှိပ် အုပ်ချုပ် လာခဲ့ပြီး လူဖြူတွေကို တစ်ဖက်သတ် အသာစီးပေးထားတဲ့ အခြေခံဥပဒေတစ်ခု  တည်ရှိရာ တောင်အာဖရိကနိုင်ငံမှာ လူမည်းသမတတစ်ဦး ပေါ်ထွက်လာအောင် ခေါင်းဆောင်တွေ ဘယ်လို ညှိနှိုင်း ဆောင်ရွက်ခဲ့ကြသလဲ။ စစ်အာဏာရှင်က ရေးဆွဲပြဌာန်းခဲ့တဲ့ အခြေခံဥပဒေကိုပဲ ဒီမိုကရေစီအစိုးရ ဒုတိယသက်တမ်းအရောက်မှာ ပြည်သူအများစုလက်ခံတဲ့ ပြင်ဆင်မှုတွေ ပြုလုပ်နိုင်အောင် အင်ဒိုနီးရှား နိုင်ငံရေးခေါင်းဆောင်တွေနဲ့ စစ်ဘက် ခေါင်းဆောင်တွေ ဘယ်လို ကြိုးပမ်းခဲ့ကြသလဲ။ စစ်အာဏာရှင်က ရေးဆွဲပြဌာန်းခဲ့တဲ့ အခြေခံဥပဒေကိုပြင်ဆင်ပြီး ပြည်သူလူထုတိုက်ရိုက်ဆန္ဒမဲနဲ့ ရွေးကောက်တင်မြှောက်တဲ့  သမတရွေးချယ်တင်မြှောက်ရေးစနစ် ဖြစ်ပေါ်လာအောင် တောင်ကိုရီးယားနဲ့ အင်ဒိုနီးရှားက ပြည်သူတွေနဲ့ ဒီမိုကရေစီအင်အားစုတွေ ဘယ်လို တွန်းအာပေးခဲ့ကြသလဲ။ ကျွန်တော် တို့မှာ လေ့လာစရာတွေ တစ်ပုံကြီး။ အားတက်စရာတွေလည်း တစ်ပုံကြီးပါ။

● နိုင်ငံရေးဆန္ဒ အရေးကြီးပါတယ်

အရေးကြီးတာက အခက်အခဲ အတားအဆီး အနှောင့်အယှက်တွေ မဟုတ်ပါဘူး။ အဲဒါတွေကို ကျော်လွှားသွားချင်တယ်ဆိုတဲ့ နိုင်ငံရေး ဆန္ဒ (Political Will)နဲ့ မဖြစ်မနေ ကျော်လွှားသွားမယ်ဆိုတဲ့ နိုင်ငံရေး ပိုင်းဖြတ်ချက် (Political Determination)သာ ဖြစ်ပါတယ်။ အဲဒီနိုင်ငံရေးဆန္ဒနဲ့ နိုင်ငံရေးပိုင်းဖြတ်မှုကြောင့်ပဲ စစ်အာဏာရှင်စနစ်ကို အလျှော့မပေးစတမ်း အာခံ ဖီဆန်တိုက်ပွဲဝင် လာခဲ့တဲ့ အတိုက်အခံပါတီကြီးဟာ လက်ရှိ အခြေခံဥပဒေဘောင်ထဲမှာပဲ ပါတီမှတ်ပုံတင် ခဲ့တယ်။ ပါတီ ခေါင်းဆောင်နဲ့ အဖွဲ့ဝင်တွေ လွှတ်တော်ထဲ ရောက်သွားတဲ့ အခြေအနေ ဖြစ်ပေါ်ခဲ့တယ်။ အဲဒီလုပ်ရပ်တွေရဲ့ ဦးတည်ချက်တစ်ခုက ပြည်သူလူထု အများစုကြီးလက်ခံတဲ့ အခြေခံဥပဒေပေါ်ပေါက်လာအောင် ကြိုးစားသွားဖို့ ဖြစ်တယ်လို့ တိုင်းပြည်ကို တင်ပြခဲ့တယ်။

● ထီးလိုမင်းလို အချိန်ကောင်း

ဒီအချက်အပေါ်မှာ အာဏာရပါတီကြီးရဲ့ ခေါင်းဆောင်တွေရဲ့ သဘောထားကလည်း လွန်ခဲ့တဲ့ တစ်နှစ်လောက်ကနဲ့ မတူတော့တာ တွေ့ရတယ်။ အရင်ကဆိုရင် လက်ရှိ အခြေခံဥပဒေကို ပြင်ဆင်ပြောင်းလဲ စရာ မလိုပါဘူးလို့ တွင်တွင်ကြီး ပြောနေခဲ့တာကလား။ ခုတော့ အာဏာရပါတီကြီး ကပဲ ကမကထပြုင်္ပြီး အခြေခံဥပဒေပြင်ဆင်ရေးနဲ့ ပတ်သက်တဲ့ အချက်အလက် တွေ၊  သဘောထားအမြင်တွေကို စုဆောင်းနေပြီ ဖြစ်ပါတယ်။ အခုအချိန်မှာ အခြေခံဥပဒေ ပြင်ဆင်ရေးကိစ္စဟာ ထီးလို မင်းလို လူလို နတ်လို အချိန် ဖြစ်ပါတယ်။ ခေတ်သစ် မြန်မာ့သမိုင်းကို တစ်ဆစ်ချိုး ပြောင်းလဲသွားစေနိုင်တဲ့ နှစ်တစ်နှစ်ဖြစ်လာမယ့် ၂၀၁၅ မတိုင်မီ အခြေခံဥပဒေ ပြင်ဆင်ရေးကိစ္စဟာ ဖြစ်နိုင်စရာ လုံးလုံးမရှိတဲ့ ကိစ္စ မဟုတ်ပါဘူး။ အားလုံး ပြိုင်တူ တွန်းရင် ရွေ့ကို ရွေ့ရမှာပါ။

ပြင်းပြသော ဆန္ဒရှိသူများအတွက် လောကမှာ မဖြစ်နိုင်သော အရာဟူသည် မရှိ ဆိုတဲ့ မြတ်စွာဘုရားရဲ့ ဟောကြားချက်တစ်ခုကို အခု အချိန်မှာ ကျွန်တော် သတိရနေမိပါတယ်။

၀၂ ၀၆ ၂၀၁၃

maungwuntha@gmail.com