Tuesday 11 June 2013

ဒေါ်အောင်ဆန်းစုကြည်၏ (ဘုန်းကြီးတစ်ပါး၏ မေးခွန်းအပေါ်) အဖြေ




တပည့်တော်မ ဒီကိစ္စကို မကြာခင်တုံးက ကမ္ဘာ့စီးပွားရေးဖိုရမ် တက်ခဲ့တယ်၊ ၅ရက် ၆ရက် ၇ရက် မှာ။ အဲဒီမှာဆိုရင် တစ်ကမ္ဘာလုံးမှာ နေပြီးတော့ လူမျိုးစုံ ဘာသာစုံ ရောက်ကြပါ တယ်။ ရောက်ကြ တဲ့အခါကြတော့ လူမျိုးစုံ၊ ဘာသာစုံဟာ အားလုံးပဲ ညီညီညွတ်ညွတ်နဲ့ သူတို့အတူတူအလုပ် လုပ်ကြတယ်၊ အတူတူနှီးနှော ဖလှယ်ကြတယ်။ အဲဒီတော့ အဲဒီက လူငယ်တွေကို တပည့်တော် က မေးကြည့်ပါတယ်။ အခုဆိုရင် ဘာသာရေးနဲ့ ပတ်သက်လို့၊ လူမျိုးရေးနဲ့ ပတ်သက်လို့ ပဋိပက္ခတွေဖြစ်နေတာတွေဟာ ဘာဖြစ်လို့ ဖြစ်နေတယ်ထင် သလဲ၊ ဒါတွေကို ဘယ်လိုလုပ် ပြေ လည်အောင် လုပ်ရမလဲ၊ လုပ်ကိုလုပ်လို့ ရမလဲလို့ ထင်သလဲ ဆိုတော့ အဲဒီတော့ တပည့်တော်မ တို့ ဆွေးနွေးတဲ့ အခါကြတော့၊ အခြေခံအားဖြင့် လိုအပ် ချက်ကတော့ အပြန်အလှန် နားလည်မှု ရှိရမယ်၊ အပြန်အလှန် လေးစားမှုရှိရမယ်၊ တဖက် ကနေ တစ်ဖက်ကို အထင်သေးရင်၊ တဖက် ကနေ တစ်ဖက်ကို နိုင့်ထက်ကလူပြုတယ် ဆိုတာမရှိရဘူး။ နောက်ပြီးတော့ ကိုယ်နဲ့မတူလို့ ကိုယ့်ရန်သူလို့ စိတ်ထဲမှာ ထားလို့မဖြစ်ဘူး။ အဲဒီတော့ တပည့်တော်မတို့ ပဋိပက္ခဖြစ်တယ် ဆိုတာ နှစ်ဖက် ဖြစ်ပါတယ်။ နှစ်ဖက်စလုံးက ကြိုးစားရမှာပါ။


ဒီတော့ တပည့်တော်မတို့ရဲ့ နိုင်ငံ အတွင်းက နိုင်ငံသူ နိုင်ငံသားများဟာ ကိုယ့်ရဲ့နိုင်ငံကို ဦးထိပ် ထားပြီးတော့ ဒီနိုင်ငံအတွင်း မှာ အေးချမ်းဖို့အတွက်ကို အဲဒါကို အဓိကထားပြီး လုပ်ဖို့ အရေးကြီး ပါတယ်။ အဲဒီတော့ တပည့်တော်မတို့လည်း ပြောပါတယ်၊ ဒီနိုင်ငံမှာ၊ အခုခေတ်မှာ ဆိုလို့ရှိရင် တနိုင်ငံတွင်းမှာ ဖြစ်နေ တဲ့ ကိစ္စတွေဟာ သူ့ချည်းပဲ ထီးထီး အထီးကျန်ထားလို့ မရဘူး။ တကမ္ဘာ လုံး အဖြစ်အပျက်တွေနဲ့ ဆက်နွယ်နေတယ်။ အဲဒီဆက်နွယ်နေတာကြောင့် မို့လို့ အမြင်ကျယ် ကျယ်နဲ့ ကြည့်ရမယ်။ အပြင်ကနေ အထဲကိုကြည့်တဲ့အခါကြရင်လည်း နားလည်မှုနဲ့ ကြည့်ရမယ်။ အထဲကနေ အပြင်ကို ကြည့်တဲ့အခါကြရင်လည်း နားလည်မှုနဲ့ ကြည့်ရမယ်။ အဲဒီတော့ တပည့်တော်မတို့ ရဲ့ ပြည်သူပြည်သားတွေဟာ သဘောထားလည်း ကြီးရမယ်၊ အမှန်တရားကို လည်း မြတ်နိုး ရမယ်။ နောက်ပြီးတော့ တပည့်တော်မတို့ ဗုဒ္ဓ ဘာသာများ ဖြစ်တဲ့အတွက် မေတ္တာ၊ ဂရုဏာကို လည်း တတ်နိုင်သလောက် ပွားရမယ်။ ဒါပေမဲ့ အဓိက အရေးကြီးဆုံးကတော့ စောစာက တပည့်တော်မပြောတဲ့ တရားဥပဒေစိုးမိုးရေးပဲ။ အဲဒီဟာနဲ့ စတာပဲ။

အခု ကျွန်မကနေ၊ တပည့်တော်မကနေ ဘယ်နေရာမှာ ဘာဆိုပြီတော့ အသေးစိတ် မပြော ချင်ဘူး။ ဒါပေမဲ့ ဖြစ်တဲ့ကိစ္စမှန်သမျှဟာ စောစာစီးစီးကတည်းက တရားဥပဒေစိုးမိုးရေးနဲ့ ကြပ်ကြပ် မတ်မတ် ထိန်းလိုက်လို့ရှိရင် အဲဒီလို အန္တရယ်တွေက ပွားသွားမှာ မဟုတ်ဘူး။ အဲဒီလို တရား ဥပဒေနဲ့ ကြပ်ကြပ်မတ်မတ် မထိန်းလို့ အဲလိုဖြစ်ခဲ့တာလို့ တပည့်တော်မ ဒီလိုပဲ ပြောချင်ပါတယ်။ ဘာဖြစ်လို့လဲဆိုတော့ တရာဥပဒေစိုးမိုးရေးရဲ့ အရေးအကြီးဆုံး ရလဒ်တစ်ခုက ဘာလဲဆိုတော့ လူတွေရဲ့ စိတ်လုံခြုံမှု၊ စိတ်လုံခြုံရင် ငါတို့အိမ်ကို ဘယ်သူ ကမှ လာမနှောင့်ယှက်ဘူး၊ ငါတို့ကို ဘယ်သူကမှ လာအန္တရာယ်မပြုဘူး။ စိတ်လုံခြုံမှုရှိရင် တစ်ယောက် နဲ့တစ်ယောက် နားလည်မှုယူ လို့ရတယ်။ စိတ်လုံခြုံမှုမရှိတဲ့ လူကို တစ်ယောက်နဲ့ တစ်ယောက် နားလည်မှုယူပါဆိုတာ ပြောလို့ မရဘူး၊ အဲဒါတော့ မဖြစ်နိုင်ဘူး။

ဒါကြောင့် တပည့်တော်မတို့ တရား ဥပဒေ စိုးမိုးရေးကို အလေးထားတဲ့ အလျှောက်၊ တရား ဥပဒေစိုးမိုးရေးကနေ စရမယ်လို့ပဲ တပည့်တော်မ လျှောက်ချင်ပါတယ်။

==========

မေးခွန်းမှာ -- ဦးဇင်းတို့ကလဲ တကာမကြီးကို မိခင်တစ်ယောက်လိုပဲ၊ တိုင်းသူပြည်သားတွေ ကလည်း တကာမကြီးကို မိခင်တစ်ယောက်လိုနဲ့ အားကိုးခဲ့တယ် နော်။ အခုလဲပဲ အနှစ်နှစ် ဆယ်ကျော်ကြာ အမေစုကိုမျှော်ခဲ့ရတယ်။ ဒီနေ့ ဒီအချိန်ကိုရောက်ပြီ။ ဒါပေမဲ့အခု ဒီနေ့ ဒီအချိန်မှာ ဦးဇင်းတို့ ပြည်တွင်းမှာဖြစ်နေတာ ဘာလဲဆိုတော့ မြန်မာနိုင်ငံရဲ့ အဓိကကျတဲ့ မြို့တော်တော် များများမှာ ဦးဇင်းတို့ ဘာသာတရားကို ချုပ်ချယ်ပြီးတော့ အမျိုးမျိုး ခုတုံးလုပ်ပြီးတော့ ဒါ နှိပ်စက် ခံနေရတာ၊ လူမျိုးခြားတွေက နှိပ်စက်နေတာ၊ အမေစုအနေနဲ့ အဲဒါ အတတ်နိုင်ဆုံး ဘယ်လိုများ အကောင်းဆုံးဖြစ်အောင် လုပ်ပေးနိုင်ပါ့မလဲ။....

Daw Aung San Suu Kyi ဒေါ်အောင်ဆန်းစုကြည် စာမျက်နှာ

No comments:

Post a Comment