လွတ်လပ်ပွင့်လင်းလာသော ကမ္ဘာ့အခင်းအကျင်းမှာ တိုင်းပြည်အတွက် ရွေးချယ်ရမည့် အနာဂတ်လမ်း

လွတ်လပ်ပွင့်လင်းလာသော ကမ္ဘာ့အခင်းအကျင်းမှာ တိုင်းပြည်အတွက် ရွေးချယ်ရမည့် အနာဂတ်လမ်း ( အောင်ခိုင်မြင့် )



၂၁ မေ ၂၀၁၃

နိုင်ငံရေး ၊ စီးပွားရေး လွတ်လပ်ပွင့်လင်းလာသော ကမ္ဘာ့အခင်းအကျင်း



ခေတ်မီတိုးတက်သော နည်းပညာများကို ဗဟိုပြုပြီး ထောင့်ပေါင်းစုံတွင် အလျင်အမြန်ပြောင်းလဲနေသော ကမ္ဘာကြီးသည် ရွာတစ်ရွာကဲ့သို့ တစ်ဖက်၌ကျဉ်းမြောင်းလာပေသည်။ တစ်ခြားတစ်ဖက်တွင်မူ နိုင်ငံများစွာသည် အသားအရောင်၊ ဘာသာတရား ၊လူမျိုးရေး ခွဲခြားမှုမရှိပဲ အမြင်ကျယ်ပြန့် ကာ တိုးတက်ဖွံ့ ဖြိုးစွာ ရပ်တည်နိုင်အောင်အပြိုင်အဆိုင် ကြိုးစားလျက်ရှိပေသည် ။ထို့ ကြောင့် တစ်ချိန်က လူမဲမှန်လျှင် လူဖြူများက ကျွန်လူတန်းစားဟူ၍ သတ်မှတ်ခဲ့သော အမေရိကန်နိုင်ငံတွင် လူဖြူအမေ လူမဲ အဖေမှ မွေးဖွားလာခဲ့သော သမ္မတအိုဘားမားသည် အိမ်ဖြူတော်တွင် သမ္မတ ဖြစ်နေပေပြီ။



ကမ္ဘာ့နိုင်ငံများတွင် အတွေးအခေါ်မတူညီမှုများကို ညှိနှိုင်းဆောင်ရွက်ကာ လူ့ အခွင့်အရေးများကို လေးစားလိုက်နာသော အစိုးရနှင့်ပြည်သူ တို့ အေးအတူပူအမျှ ယှဉ်တွဲနေထိုင်သည့် နိုင်ငံများသည် ခေတ်မီ ဖွံ့ ဖြိုးတိုးတက်လျက်ရှိသော်လည်း အဓမ္မ၀ါဒများကို ကျင့်သုံးကာ အစိုးရမှ လူထုကို ဖိနှိပ်ပြီး လူ့ အခွင့်အရေးချိုးဖောက်သော နိုင်ငံများသည် ပဋိပက္ခများ ၊ ပြဿာနာများ ရှုပ်ထွေးကာ နိုင်ငံရေးမတည်ငြိမ်မှုများ ပြင်းထန်လျက် စီးပွားရေးဆုတ်ယုတ်ပြီး ဆင်းရဲမွဲတေနေသည်ကို တွေ့ ရှိရပေမည် ။



နိုင်ငံရေးတည်ငြိမ်မှုသည် စီးပွားရေးဖွံဖြိုးတိုးတက်မှုကို အထောက်အကူပြုသည်မှာ မှန်ကန်သော်လည်း ခေတ်သစ်ကမ္ဘာတွင်မူ နိုင်ငံရေးတည်ငြိမ် ယုံမျှဖြင့် စီးပွားရေး ရင်းနှီးမြုပ်နှံမှုများအား ဆွဲဆောင်ရာ၌ အတော်အသင့်သာ အထောက်အကူပြုနိုင်သည်ကို တွေ့ ရှိရပေမည် ။ လွတ်လပ်သော ကမ္ဘာတွင် ပွင့်လင်းမြင်သာသောစနစ်များကို ကျင့်သုံးလာရာ အရင်းရှင်စီးပွားရေးစနစ်၌ စီးပွားရေးလုပ်ငန်းရှင်များသည် နိုင်ငံရေးတည်ငြိမ်ယုံမက စီးပွားရေး ရင်းနှီးမြုပ်နှံမူ ဥပဒေသများ ခိုင်မာကောင်းမွန်ကာ အခွန်အကောက်နည်းသော ၊ လုပ်အားခဈေးပေါသော၊ သဘာဝအရင်းအမြစ်သာမက လူသားအရင်းအမြစ်ပေါကြွယ်ဝသောနိုင်ငံများကို ရင်းနှီးမြုပ်နှံ လုပ်ဆောင်လာကြသည်မှာ သဘာဝကျပါသည် ။



ဖောက်ပြန်မှုတွေကြား မြန်မာ့စီးပွားရေး ခေါင်းမော့ လာမည်လား



မြန်မာပြည်တွင် စီးပွားရေးရင်းနှီးမြုပ်နှံမှု အခွင့်အရေးများရရှိဖို့ ရာ သက်ဆိုင်ရာအာဏာပိုင်များကို လာဘ်ထိုးမှုများရှိနေသေးသ၍ စီးပွားရေးသည် ယခင် အာဏာရှင်လက်ထက်က ကဲ့သို့  ပင် အစိုးရပိုင်သတင်းစာခေါင်းကြီးပိုင်းတွင်သာ စာလုံးမဲ ကြီးများဖြင့် မိုးမွှန်အောင် တိုင်းပြည်၏ စီးပွားရေး တိုးတက်နေပေမည် ။လွတ်လပ်စွာ ပြိုင်ဆိုင်မှုအစား အစိုးရအာဏာပိုင် ဆွေမျိုးများကသာ စီးပွားရေး အခွင့်အလမ်းများကို ကြိုးကိုင်ထားမှုသည် ရေရှည်တွင် ဖွံ့ ဖြိုးတိုးတက်မှုအား ကြီးမားစွာ အနှောက်အယှက် ဖြစ်နေသည်ကို တွေ့ ရပေမည် ။



စစ်အာဏာရှင်စနစ်လက်ထက်မှ မှားယွင်းသော နိုင်ငံရေးအမွေကို ဆက်ခံကျင့်သုံးနေသမျှ တိုင်းပြည်သည် ရေရှည် ပြည်တွင်းစစ်ဖြစ်ပွားကာ တိုင်းပြည်သည် နိုင်ငံရေးတည်ငြိမ်မှုမရှိဖြစ်နေပေမည် ။ မြန်မာနိုင်ငံသည် ကမ္ဘာ့အလယ်တွင် ဆင်းရဲမွဲတေမှုဖြစ်ရခြင်း၏ အဓိက တရားခံမှာ စစ်ရေးကိုသာ ကျွမ်းကျင်သောစစ်အုပ်စုမှ ဦးဆောင်ကာ ဦးပိုင်လို အကျင့်ပျက် ခြစား စီးပွားရေးစနစ်ကို လက်ခံကျင့်သုံးနေခြင်းကြောင့်ပင်ဖြစ်ပေသည် ။



ကျနော်နေထိုင်ရာ တရားဥပဒေစိုးမိုးသော ကနေဒါတွင်မူ အစိုးရမှ ပြုလုပ်သော ဖောက်ပြန်မှား ယွင်းမှုများကို အတိုက်အခံ အင်အားစုများသာမက မီဒီယာများမှ စောင့်ကြည့်နေပေသည် ။ယခုတစ်လောတွင် ပါလီမန်အမတ်များ၏အကျင့်ပျက် ခြစားမှုများ ဗူးပေါ်သလို ပေါ်လာသဖြင့် တရားရုံးသို့ တက်ရသော မြို့ တော်ဝန်အပါအ၀င် ရာထူးမှ နှုတ်ထွက်ရသော လွှတ်တော်အမတ်များ သတင်းက သတင်းစာများတွင် ရေပမ်းစားနေပေသည် ။အပြည့်အစုံကို အောက်ပါ ၀က်ဆိုက်မှာ ကြည့်ပါ..။

http://www.theloop.ca/news/ctvnews/article/-/a/2406500/Harper-s-chief-of-staff-Nigel-Wright-resigns-amid-Duffy-scandal



ပြုပြင်ပြောင်းလဲဖို့ အထူးလိုအပ်နေသော တိုင်းပြည်



၂၅ နှစ်ကြာ ခွဲခွာခဲ့သော မြန်မာပြည်အား ပြီးခဲ့သော ၂၀၁၃ ဧပြီလက အလည်အပတ်ရောက်ရှိခဲ့ရာ တိုင်းပြည်၏ နိုင်ငံရေး ၊ စီးပွားရေး အခြေအနေများနှင့်အတူ အကျင့်ပျက် ခြစားမှုများကို ကြားသိတွေ့ မြင်ခဲ့ရသည် ။မြစ်ကူးတံတားတွေက ကောင်းမွန်လာသော်လည်း လူတွေ၏ အကျင့်စာရိတ္တကတော့ အတော်ကို ပြုပြင်ရပေဦးမည်ကို တွေ့ ရှိခဲ့ရသည် ။



အမေရိကန် ၊ ဂျပန်နိုင်ငံလို ခမ်းနားကြီးကျယ်သော နိုင်ငံတကာလဆိပ်များတွင် အနှောင့်အယှက်မရှိ ခရီးသွားလာခဲ့သော ကျနော်သည် သေးငယ်၍ မခမ်းနားသည့် ရန်ကုန်လေဆိပ်အရောက်၌ မိမိထံမှ ခရီးဆောင်အိပ်ကိုမပြောမဆို ယူသွားသူနောက်သို့  အပြေးလိုက်ရင်း လက်ဖက်ရည်ဖိုးတောင်းခြင်းကို စတင်ခံစားလိုက်ရသည် ။ပြည်သူတွေ၏ စားဝတ်နေရေးမပြည်လည်မှုသည် တိုင်းပြည်ကို ရိုက်ခတ်နေပြီး အစိုးရ၏ အလုပ်အကိုင်မဖန်တီးပဲ ပြည်တွင်းစစ်ကိုသာ ဖန်တီးနေခြင်းသည် တိုင်းပြည်၌ ပြုပြင်ပြောင်းလဲရန် အမှန်တစ်ကယ်လို အပ်နေသလို ခံစားလိုက်ရပေသည် ။



ယခင် စစ်အာဏာရှင် လက်ထက်တွင် အကျင့်ပျက် ခြစားသော ၀န်ကြီးတစ်ဦးသည် နယ်မြို့ များသို့ အကြောင်းအမျိုးမျိုးပြပြီး လိုက်လံစစ်ဆေးကာ လိုအပ်သည်များကိုညွှန်ကြားရာတွင် လက်ဆောင်ပစ္စည်းများကို သက်ဆိုင်ရာမြို့ မှ ပေးရယုံမက ည၌ အတူတူအပျော်အိပ်မည့် မိန်းမပျိကိုပါ ထိုဝန်ကြီးအတွက် စီစဉ်ဆောင်ရွက်ပေးခဲ့ရပေသည် ။ အထက်ပါ ၀န်ကြီးသည် မြို့ တစ်မြို့ အရောက်တွင်မူ မိန်းမပျိုအား ရှာမပေးနိုင်သော မြို့ နယ်ဝန်ထမ်းများသည် အလုပ်ပြုတ်မည်ကို စိုးရိမ်ပြီး ၀န်ထမ်းထဲမှ အရွယ်ရောက် သမီးပျိုကို ၀န်ကြီးနှင့် အိပ်ရန်စီစဉ်ပေးရသည့် အဖြစ်မျိုး မြန်မာပြည်တွင် အမှန်တကယ် ဖြစ်ပွားခဲ့ကြောင်း ရင်နာနာနှင့် မကောင်းသတင်းကို ကြားခဲ့ရပေသည် ။



ဧရာဝတီတိုင်းရှိ မြို့ နယ် တစ်မြို့ နယ်တွင်မူ သက်ဆိုင်ရာ အာဏာပိုင်တစ်ဦးသည် ဗလီကို နှစ်လက်မမြင့်ပြီး ပြန်ဆောက်ခွင့်ကိုတိုးတိုးတိတ်တိတ် ခွင့်ပြုခဲ့ရာမှ လာပ်လာဘ မြိုးမြိုးမြက်ရရှိခဲ့ရာ အဆိုပါ အစိုးရ အာဏာပိုင်သည် ရန်ကုန်တွင် တိုက်ခန်းများ ၊ ကားများ ၀ယ်ယူကာကြီးပွားချမ်းသာသွားမှုက တမြို့ နယ်လုံး ဟိုးလေးတကျော် ကျောဖြစ်ခဲ့ပေသည် ။ ၁၉၈၈ မှစတင်ပြီး ယုံကြည်မှုဖြင့် လက်နက်ကိုင်တောခို ခဲ့သော ကျနော်သည် မြန်မာပြည်သို့ ပြန်အရောက်၌ မိဘတို့ ဆန္ဒအတိုင်း ( ၅ )ရက်ကြာ ဘုန်းကြီးဝတ်ခဲ့ပေသည် ။ ထိုအခါ ဘုန်းကြီးကျောင်းသို့ လာရောက်ကာ လူ့ ဘ၀ရောက်ခိုက် အလှူအတန်းအားလက်နှင့် မပြတ်လိုသော ဒကာ ၊ဒကာမများသည် ဆွမ်းဟင်းများကို လှူဒန်းရန် ယူဆောင်လာယုံမက တော်လှန်ရေးဖြင့်တောခိုသွားခဲ့သော ကျနော်လိုဘုန်းကြီးအတွက် သတင်းများကိုလည်း ယူဆောင်လာခဲ့ကြပေသည် ။



နိုင်ငံတကာတွင် လက်ကိုင်ဖုန်းများကို နေရာတကာ၌ အချိန်မရွေး စိတ်ကြိုက် ၀ယ်ယူနိုင်သော်လည်း မြန်မာပြည်တွင်မူ ၁၅၀၀ ကျပ်တန် ဖုန်းကဒ် အတွက် ရပ်ကွက်အာဏာပိုင်များသို့ လျှောက်လွှာများတင်ပြီး မဲနှိုက် ယူရမည့် စနစ်သည်လည်း ကျနော့အဖို့ အလွန်ထူးဆန်းနေပေသည် ။သို့ သော် ယခု ဖောက်ပြန်မှုများသည် မြန်မာလူထုအတွက်တော့ ရိုးအီနေပြီ ဖြစ်သော ကိုးရီးယားဇာတ်လမ်းတွဲများလို ဖြစ်ကာ တိုင်းပြည်၏ အထက်အာဏာပိုင်များ အဆင့်ဆင့်သည် ၄င်းကဲ့သို့ ခေတ်အဆက်ဆက် ဖောက်ပြန်နေကြဖြစ်ကြောင်း ကျနော့ကို ရှင်းပြကာ အထူးအဆန်းဖြစ်နေသော ကျနော်ကိုပင် အထူးအဆန်းသဖွယ် ပြန်ကြည့်တာကို ခံလိုက်ရပါသည် ။



ရိုးသားသောသူများနှင့် ဖောက်ပြန်သောခေတ်



ခေတ်အဆက်ဆက်တွင် သမိုင်း အဖြစ်အပျက်တို့ သည် မျိုးဆက်တစ်ခုမှ တစ်ခုသို့ ကောင်းခြင်း ဆိုးခြင်းကို အမွေအဖြစ် မလွဲမသွေသယ်ဆောင်လာပေသည် ။ ကျနော်တို့ အဖေလက်ထက်တွင် စနစ်ဆိုးထဲ ရုန်းကန်ခဲ့ရသော အဖေသည် ကျနော်၏ စစ်အာဏာရှင်စနစ်အပေါ် တော်လှန်ရေးလုပ်မှု၌ သူ့ အစိုးရအလုပ်ကို ထိခိုက်မှန်းသိသော်လည်း မသိကျိုးကျွံပြုကာ ခွင့်ပြုခဲ့ပေသည် ။လ၀က ဒုလက်ထောက် တိုင်းဦးစီးမှူး လုပ်ကိုင်ခဲ့သော အဖေသည် လာပ်ပေးလာပ်ယူ မလုပ်ပဲ ရိုးသားကြိုးစားမှုကြောင့် လ၀က လောကတွင် နာမည်ကောင်းရခဲ့ပေသည် ။



ကနေဒါမှ မြန်မာပြည်သို့  ကျနော်ပြန်အလာကို အဖေသည်အိပ်ယာထဲမှ စောင့်နေခဲ့ပြီး ပူလောင်လှသော နွေရာသီ ဧပြီလ ( ၂၁ )ရက်နေ့ တွင် ကွယ်လွန်ခဲ့ပေသည် ။ အဖေ့၏ ရိုးဂုဏ်ကြောင့် အဖေ့ အသုဘသို့ လူပေါင်းစုံ လာရောက်ကျရာ အဖေ့သူငယ်ချင်း တစ်ဦးဖြစ်သော ဦးတင်အေးသည် ပုသိမ်မြို့ နယ်မှ ပြည်သူ့ လွှတ်တော်ကိုယ်စားလှယ်တစ်ဦးဖြစ်ကာ အဖေ့နှင့် အလုပ်အတူတူ လုပ်ခဲ့သော လ၀က အကြောင်းကို ပြောပြခဲ့ပေသည် ။အဆိုပါ အန်ကယ်သည်လည်း ရိုးသားကြိုးစားသူ တစ်ဦးဖြစ်လျက် ယခုအခါ ပြည်သူ့ လွှတ်တော်ကိုယ်စားလှယ်အဖြစ်မှ အနားယူကာ ဘာသာရေးကို ဇောက်ချလုပ်ကိုင်နေပေသည် ။



ပုသိမ်မြို့ တွင် ပြုလုပ်သော အဖေ့အသုဘသို့ လာရောက်သော တစ်ခြားတစ်ယောက်မှာ သမ္မတကြီး ဦးသိန်းစိန်၏ မိန်းမရဲ့ တူတော်မောင်ဖြစ်ပေသည် ။ ထိုသူသည် ကျနော့ ညီနှင့် ခင်မင်ရင်းနှီးသူဖြစ်ပြီး ဘ၀ကို ရိုးသားကြိုးစားကာ မုန့် ဟင်းခါးရောင်းချခြင်းဖြင့် အသက်မွေးဝမ်းကျောင်းလျက်ရှိပေသည် ။



ကျနော့်ညီသည် ( ၁၈ ) နှစ်ကြာ လ၀က လက်ထောက်မြို့ နယ်မှူးလုပ်ကိုင်ရာမှ ၂၀၀၆ တွင် ထိုင်းမြန်မာနယ်စပ်၌ ကျနော်နှင့်တွေ့ ဆုံမှုကြောင့် အကြောင်းအမျိုးမျိုးပြကာ ရာထူးမှအနေားပေးခံခဲ့ရပါသည် ။ ကျနော့ညီသည်လည်း စီးပွားရေး အဆင်မပြေပေမဲ့ ရိုးသားကြိုးစားလျက် ဆိုင်ကယ်ကယ်ရီမောင်းလိုက် ကွမ်းယာရောင်းလိုက် VCD အခွေဆိုင်ဖွင့်လိုက် ကြုံရာအလုပ်ဖြင့် စီးပွားရှာရာ သမ္မတ၏ တူတော်မောင်နှင့် ခင်မင်လျက်ရှိပေသည် ။



ကျနော်သည် ဖေ့ဘုတ်နှင့် အင်တာနက်စာမျက်နှာများတွင် ပျံ့ နှံ့ လျက်ရှိသော သမ္မတဦးသိန်းစိန်အကြောင်းကို သိလို၍ မေးမြန်းခဲ့ရာ သူသည်စိတ်ရှည်လက်ရှည်ဖြင့် ကျနော့ကို ပြန်လည်ဖြေကြားခဲ့ပါသည် ။ သမ္မတ ဦးသိန်းစိန်သည် ကျနော့ အမေ အထက်တန်းပြ ဆရာမလုပ်ရာ ပုသိမ်မြို့ အထက ( ၁ ) ကျောင်းထွက်တစ်ဦးလည်း ဖြစ်ပေသည် ။ သမ္မတဦးသိန်စိန်သည် လာပ်ပေးလာပ်ယူမှုကို အလွန်ပင် မုန်းတီးကြောင်းအပါအ၀င် သမ္မတကို လက်ဆောင်ပေးသည့် အနွေးထည်အိပ်ထဲသို့ ရွှေချောင်းထည့်ပေးရာ အဆိုပါရွှေချောင်းအား လာပ်ထိုးသူထံ ပြန်လည်ပေးအပ်ခဲ့ကြောင်း ၊ဦးသိန်းစိန်တို့ လင်မယား( ၂ ) ယောက် ကြက်မွေးပြီး ကြက်ဥကောက်ကာ အိမ်နီးချင်းများကို ပေးခဲ့တဲ့အကြောင်း ၊ သမ္မတဦးသိန်းစိန်တွင် ညီအစ်ကို မောင်နှမ ( ၃ ) ယောက်ရှိပြီး ထိုအထဲမှ တစ်ယောက်သည် ကျိုင်းတုံတွင် သေဆုံးခဲ့ပြီး တစ်ယောက်သည် ငပုတောမြို့ နယ်ရှိရွာတစ်ရွာတွင် နေထိုင်ပြီး ထိုဒေသရှိ သမ္မတကြီး၏ တူတော်မောင်တို့ သည် အရက်ရောင်းပြီး စီးပွားရေးလုပ်ကိုင်ရာ သမ္မတဦးသိန်းစိန်အနေဖြင့် အလုပ်အကိုင်မပေးနိုင်သဖြင့် သူ၏ တူတော်မောင်များ အလုပ်အကိုင်သည် မိမိကို ဂုဏ်သိက္ခာကျစေမဲ့အကြောင်းသာ ပြောဆို ဆုံးမခဲ့ကြောင်းသိရှိခဲ့ရသည် ။အဆိုပါ တူတော်မောင်သည် NLD ကို ကြိုက်နှစ်သက်ပြီး ဒေါ်အောင်ဆန်းစုကြည်ကို ထောက်ခံသူလည်းဖြစ်ကာ တပ်မတော်မှ အဖြစ်မှန်တွေကို ရေးသားထားသော ကြပ်ပြေးအရှုပ်တော်ပုံစာအုပ်ကို လည်း ကြိုက်နှစ်သက်ကြောင်း ကျနော့ကို ပြောခဲ့ပါသည် ။



ဆိုလိုသညိမှာ ရိုးသားသောသူများနှင့် ဖောက်ပြန်သောခေတ်သည် အံဝင်ခွင်ကျ မဖြစ်သော်လည်း သမ္မတကြီးအပါအ၀င် ရိုးသားသူများသည် မြန်မာပြည်တွင် အမှန်တစ်ကယ်ရှိပါသည် ။ထို့ ကြောင့် ကိုယ်ကျိုးစွှန့် သော ဒေါ်အောင်ဆန်းစုကြည်သည် ရိုးသားသော သမ္မတဦးသိန်းစိန်နှင့် အလုပ်တွဲလုပ်နိုင်ခြင်းဖြစ်ပေမည် ။သို့ သော် သူများ၏ ရိုးသားမှုကို ခံတပ်သဖွယ် အခွင့်ကောင်းယူကာ မိမိကိုယ်ကျိုးအတွက် ဖောက်ပြန်သူများသည်လည်း လွှတ်တော်ထဲ အရပ်ထဲ နေရာတကာ ရှိနေသည်မှာ အမှန်ပင်ဖြစ်ပေသည် ။



တိုင်းပြည်အတွက် ရွေးချယ်ရမည့် အနာဂတ်လမ်း



မြန်မာပြည်သည် အီရတ် ၊ ဆီးရီးယား နိုင်ငံများကဲ့သို့ အစွန်းရောက် အတွေးအခေါ်ဖြင့် ဆူဇိုက်ဗုံးများ နေ့ စဉ်ကွဲမနေခြင်းသည် အဆိုးထဲမှ အကောင်းဖြစ်ပေသည် ။တော်လှန်ရေး တိုင်းရင်းသားလက်နက်ကိုင် အဖွဲ့ အစည်းများသည် နိုင်ငံရေး ပြဿနာကို လက်နက်ကိုင်မဖြေရှင်းပဲ စားပွဲဝိုင်းတွင် အဖြေရှာလို မှုကို လက်ရှိအစိုးရမှ ပြေလည်အောင်ဖြေရှင်းရင်း တိုင်းရင်းသားအရေး ၊ ကိုယ်ပိုင်ပြဌာန်းခွင့်များကို စနစ်ကတျလေ့လာပြီး အသိအမှတ်ပြုနိုင်ရန် အနာဂတ်တွင် အတူတကွ ယှဉ်တွဲနေထိုင်ရေးမူဝါဒများ ချမှတ်လုပ်ကိုင်ရပေမည် ။



သမ္မတကြီးဦးသိန်းစိန် အမေရိကန်ခရီးစဉ်များတွင် ကြိုဆိုမှုများ အပြင် ဆန္ဒပြမှုများ ရင်ဆိုင်ရမှုသည် ဒီမိုကရေစီ စနစ်ကို ကျင့်သုံးသော နိုင်ငံခေါင်းဆောင်များ ကြုံဆုံရမှုအနေဖြင့် သဘာဝကျပါသည် ။ သို့ သော် နိုင်ငံတကာသို့ သမ္မတဦးသိန်းစိန်လာရောက် လည်ပတ်စဉ် ဆန္ဒပြမှုတွင်ပါဝင်ခဲ့သူများ သည် မြန်မာပြည်သို့ ပြန်လည်ပတ်ရန် ဗီဇာမရရှိခြင်းများ ရှိနေခြင်းသည် ပြုပြင်ပြောင်းလဲရေးကို ဦးတည်ကာ မြန်မာပြည်သို့ ပြန်လာရန်ဖိတ်ခေါ်နေသော သမ္မတပုံရိပ်ကို ပြည်တွင်းစစ်ဖြစ်နေသကဲ့သို့ အရုပ်ဆိုး အကျည်းတန်နေပေသည် ။ရခိုင်အရေး ၊ကချင်အရေး ၊ ရှမ်းပြည်အရေး ၊၀ အရေး ၊ လက်ပန်တောင်းတောင်အရေး ၊ မိတ္ထီလာအရေးစသောအရေးများ ပြဿနာပေါင်း သောင်းခြောက်ထောင် ပူပူနွေးနွေးဖြစ်နေသော တိုင်းပြည်၏သမ္မတသည် နောက်ကြောင်းပြန်လှည့်လိုသော စစ်အုပ်စုလက်ကျန်များအပါအ၀င် အတိုက်အခံအတုများကို လည်းရင်ဆိုင်ရပေမည် ။



မည်သို့ ပင်ဖြစ်စေကာမူ ဦးသိန်းစိန်ကို လူလိမ်ဟု ပြောဆို ဆန္ဒပြမှုများ အပါအ၀င် မတူညီမှုများကို လွတ်လပ်ပွင့်လင်းစွာ တင်ပြပိုင်ခွင့်သည်ပင် ဒီမိုကရေစီ၏ အနှစ်သာရဖြစ်ပြီး အတိုက်အခံအင်အားစုများအပါအ၀င် အစိုးရသည်ပင် ဆန့် ကျင်ဖက်လူထုအသံများကို နားထောင်ကာ ရွေးချယ်ရမည့် အနာဂတ် စီးပွားရေး နိုင်ငံရေးလမ်းကို တိုင်းပြည်တွင် ချမှတ်ကျင့်သုံးနိုင်ရန် နားလည် ပြည့်ဝသော အရည်အချင်း ရှိရပေမည် ။





အောင်ခိုင်မြင့်

၂၁ မေ ၂၀၁၃

( ဘ၀တစ်ပါးသို့ ကူးပြောင်းသွားသော အဖေ့အတွက် တစ်လပြည့် အမှတ်တရ )