“မရှိတဲ့ ကုလားထိုင်အတွက် ရန်မဖြစ်နေကြပါနဲ့။ မရှိတဲ့ ကုလားထိုင်ကို မလုနေပါနဲ့ ဆိုပြီးတော့ ကျမ ခဏခဏ ပြောပါတယ်။ အခု ကုလားထိုင်လေးကတော့ ရှိသလိုလို၊ မရှိသလိုလို ဖြစ်လာတော့ နည်းနည်းပိုပြီးတော့ ဒီကိစ္စကို သတိပေးရပါလိမ့်မယ်။ ကုလားထိုင်ဆိုတာ ဘယ်တော့မှ တည်မြဲတဲ့ကိစ္စ မဟုတ်ပါဘူး။ သေချာစဉ်းစားကြည့်ရင် ကုလားထိုင်ပေါ်မှာ ကြာကြာထိုင်လို့ရှိရင် အင်မတန်မှ ညောင်းလာပါတယ်။ ကျန်းမာရေးနဲ့လည်း မကိုက်ညီပါဘူး။ ဒီတော့ ကျမ သတိပေးပါရစေ။ ကုလားထိုင်မှာ ကြာကြာထိုင်တဲ့သူတွေဟာ ကျန်းမာရေး ချို့တဲ့တတ်ပါတယ်။ အဲ့ဒါဟာ ကိုယ်၏ကျန်းမာခြင်းတင် မဟုတ်ဘူး။ စိတ်၏ကျန်းမာခြင်းလည်း ချို့တဲ့တတ်ပါတယ်။ ဒါကြောင့်မို့လို့ ကုလားထိုင်ပေါ်မှာ ကြာကြာထိုင်ချင်တဲ့ စိတ်ဓာတ်တွေကို အခုကတည်းက ဖယ်ရှားပါ။ ကိုယ်က ကျန်းမာဖို့၊ သန်စွမ်းဖို့၊ ပြည်သူနဲ့ နိုင်ငံကို အကျိုးပြုနိုင်ဖို့ဆိုရင် ဖျတ်ဖျတ်လတ်လတ် သွက်သွက်လက်လက်နဲ့ တက်တက်ကြွကြွ ရှိရမယ်။ ကုလားထိုင်မှာ ထိုင်နေယုံနဲ့ ဘယ်လိုမှ မဖြစ်ဘူး။ တခါတလေတော့ အမောအောင် ထိုင်တာတော့ ကျမ မဆိုလိုပါဘူး။ ဒါပေမဲ့ တချိန်လုံး ကုလားထိုင်မှာ ကပ်နေချင်တယ်ဆိုရင်တော့ ကျမတို့ရဲ့ ရည်ရွယ်ချက်တွေကို အောင်မြင်အောင် လုပ်ပေးနိုင်မယ့် အဖွဲ့ဝင်တွေ ဟုတ်မှာ မဟုတ်ပါဘူး ဆိုတာကို ကျမ ပြောပါရစေ။”
ဒေါ်အောင်ဆန်းစုကြည်
ကိုထွန်းဝေမျှဝေပါတယ်။
27.5.2013
No comments:
Post a Comment