Saturday, 23 February 2013

မြောက်ကိုရီးယားအရေး အမေရိကန်နဲ့ဂျပန် ဆွေးနွေး

 23/02/2013


အမေရိကန်နိုင်ငံကို ရောက်နေတဲ့ ဂျပန်ဝန်ကြီးချုပ် ရှင်ဇိုအာဘေးနဲ့  အမေရိကန်သမ္မတ ဘာရက် အိုဘားမားတို့ဟာ မြောက်ကိုးရီးယားရဲ့  နျူကလီယား စမ်းသပ်မှုနဲ့ မစ်ဆိုင်းဒုံးပစ်လွှတ်မှုတွေနဲ့ ပတ်သက်ပြီး ဘယ်လို တုံ့ပြန်အရေးယူမယ်ဆိုတာကို ဆွေးနွေးခဲ့ကြပါတယ်။ဂျပန်ဝန်ကြီးချုပ် ရှင်ဇိုအာဘေးကို သမ္မတအိုဘားမားက အိမ်ဖြူတော်မှာ လက်ခံတွေ့ဆုံခဲ့ပါတယ်။ ဂျပန်ဝန်ကြီးချုပ်နဲ့ တွေ့ဆုံစဉ်မှာ လုံခြုံရေးကိစ္စတွေ အထူးသဖြင့် မြောက်ကိုးရီးယားရဲ့ ရန်လိုတဲ့ အပြုအမူတွေ နဲ့ ပတ်သက်ပြီး နိုင်ငံတကာရဲ့ စိုးရိမ်မှုတွေအပြင် မြောက်ကိုးရီးယားအပေါ် တုံ့ပြန်အရေးယူမဲ့ ကိစ္စတွေကို ဆွေးနွေးခဲ့ကြတယ်လို့ သမ္မတအိုဘားမားက ပြောပါတယ်။


ဂျပန်ဝန်ကြီးချုပ် ရှင်ဇိုအာဘေးကလည်း မြောက်ကိုးရီးယားရဲ့ အပြုအမူကို နိုင်ငံတကာ အသိုင်းအ၀ိုင်း က လက်မခံနိုင်ကြောင်းနဲ့  အမေရိကန်နဲ့ ဂျပန် ၂ နိုင်ငံ အနေနဲ့ မြောက်ကိုးရီးယားအပေါ် ကုလသမဂ္ဂရဲ့  စီးပွားရေးအရ ပိတ်ဆို့အရေးယူမှုတွေအတိုင်း ဆက်လက် ဆောင်ရွက်မှာဖြစ်တယ်လို့ ဆိုပါတယ်။
သမ္မတအိုဘားမားနဲ့ ဂျပန်ဝန်ကြီးချုပ်တို့ဟာ မြောက်ကိုးရီးယားအရေးအပြင် တရုတ်နဲ့ဂျပန် ၂ နိုင်ငံ အကြား ရေပိုင်နက် အငြင်းပွားမှုပြဿနာ နဲ့ ဂျပန်နဲ့  အမေရိကန် စီးပွားရေးဆိုင်ရာ ပူးပေါင်းဆောင်ရွက်မှု ကိစ္စတွေလည်း ဆွေးနွေးခဲ့ကြပါတယ်။ မစ္စတာရှင်ဇိုအာဘေးဟာ ဂျပန်နိုင်ငံရဲ့ ၀န်ကြီးချုပ်အဖြစ် ဒုတိယသက်တမ်းကို ပြီးခဲ့တဲ့ ဒီဇင်ဘာလမှာ စတင်တာဝန်ယူခဲ့တာပါ။ ၀န်ကြီးချုပ်ဖြစ်လာချိန်မှာ မစ္စတာ ရှင်ဇိုအာဘေးဟာ တရုတ်နိုင်ငံနဲ့ ရေပိုင်နက် အငြင်းပွားမှုတွေ တိုးမြင့်နေပြီး အမေရိကန်နိုင်ငံနဲ့  ပိုပြီး အနီးကပ်ဆက်ဆံဖို့ ဆုံးဖြတ်ခဲ့ပါတယ်။


ဂျပန်-အမေရိကန်ခေါင်းဆောင် ၂ ဦး လုံခြုံရေး၊ စီးပွားရေး ထပ် ဆွေးနွေးမည်

ဂျပန်ဝန်ကြီးချုပ် Shinzo Abe ဟာ ဒီကနေ့ အမေရိကန်သမ္မတ Barack Obama နဲ့ ၀ါရှင်တန် ဒီစီမြို့မှာ တွေ့ဆုံတဲ့အခါ ဒေသတွင်း လုံခြုံရေးနဲ့ စီးပွားရေးဆိုင်ရာ ကိစ္စရပ်တွေကို ဆွေးနွေး လိမ့်မယ်လို့ မျှော်လင့်ရပါတယ်။ပထမဆုံးအကြိမ်အဖြစ် တွေ့ဆုံကြမယ့် ဒီခေါင်းဆောင် ၂ ယောက်ရဲ့ ဆွေးနွေးပွဲကိုတော့ သမ္မတ အိမ်ဖြူတော်က Oval ရုံးခန်းလို့ခေါ်တဲ့ သမ္မတရဲ့ သီးသန့် ရုံးခန်းအတွင်းမှာ ပြုလုပ်မှာ ဖြစ်ပြီး တရုတ်နဲ့ဂျပန်အကြား နယ်မြေပိုင်ဆိုင်မှု အငြင်းပွားနေတဲ့ကိစ္စ၊ မြောက်ကိုရီးယားနိုင်ငံက နောက်ဆုံး အကြိမ် ပြုလုပ်လိုက်တဲ့ နျူကလီယား စမ်းသပ်ဖောက်ခွဲမှု စတဲ့ အကြောင်းအရာတွေဟာလည်း ဦးစားပေးဆွေးနွေးမယ့်အထဲမှာ ပါဝင်မယ်လို့ အိမ်ဖြူတော် အရာရှိတွေက ပြောပါတယ်။

နေ့လည်စာသုံးဆောင်ရင်း ပြုလုပ်မယ့် စည်းဝေးပွဲအတွင်းမှာတော့ ကမ္ဘာ့ ပထမနဲ့တတိယ အင်အားအကြီးဆုံး စီးပွားနိုင်ငံတွေအကြား စီးပွားရေးဆိုင်ရာ ပူးပေါင်း ဆောင်ရွက်မှုနဲ့ဆိုင်တဲ့ အကြောင်းအရာတွေကို ဆွေးနွေးကြဖို့ ရှိပါတယ်။ ဆွေးနွေးမှုတွေအတွင်း အမေရိကန်က ဦးဆောင်ဖွဲ့စည်းထားတဲ့ ပစိဖိတ်သမုဒ္ဒယာ တစ်ဖက် တစ်ချက်ကနိုင်ငံတွေအကြား စီးပွား ပူးပေါင်းဆောင်ရွက်မှုအတွင်း ဂျပန်ရဲ့ ပါဝင် ပတ်သက်မှုကိုလည်း ဆွေးနွေးမယ်လို့ မျှော်လင့်ရပါတယ်။

အမေရိကန်နိုင်ငံ ၀ါရှင်တန် ဒီစီမြို့ကို ကြာသပတေးနေ့က ရောက်ရှိခဲ့တဲ့ ၀န်ကြီးချုပ် ရှင်ဇိုအာဘေးဟာ သူ့ရဲ့ ၀န်ကြီးချုပ် ဒုတိယသက်တမ်းကို ဒီဇင်ဘာလမှာ စတင် ထမ်းဆောင်တာ ဖြစ်ပါတယ်။


No comments:

Post a Comment