လက်ဖတော့နှင့်နယ်စပ်ဖြတ်ကျော်ရင်

ရှေးအစဉ်အဆက်ကတည်းက ခရီးသွားများနှင့် သူတို့ပစ္စည်းများကို နယ်စပ်တွင် စစ်ဆေးခွင့် အာဏာက အစိုးရမှာ ရှိပြီးသား ဖြစ်သည်။ သို့သော် နည်းပညာခေတ် ကြီးထဲမှာ ထိုစစ်ဆေးခွင့် အာဏာက ပြောစရာ ဖြစ်လာသည်။ နည်းပညာခေတ်တွင် လူတွေက သတင်းအချက် အလက်များ တနင့်တပိုး ထည့်သွင်းထားသည့် နည်းပညာပစ္စည်းများ နှင့် ခရီးလက်တံ ရှည်လျားကြသည်။ထိုနည်းပညာ ပစ္စည်းများကို ကြည့်ရှု စစ်ဆေးခွင့်က အများအားဖြင့် စစ်ဆေးခွင့် ဝရမ်း လိုအပ်သောကြောင့် ဖြစ်သည်။

ရာဇဝတ်ကျူးလွန်ကြောင်း သံသယဖြစ်စရာမရှိပါက ခရီးသွား များကို ဒုက္ခမပေးချင်ကြပေ။ ထို့ ကြောင့် ခရီးသွားတို့၏ လက်ပ်တော့ များ၊ ကင်မရာများနှင့် ဖုန်းများကို နယ်စပ်လုံခြုံရေး ဝန်ထမ်းများက ရှာဖွေခွင့်၊ မိတ္တူကူးယူခွင့်နှင့် သိမ်း ဆည်းခွင့်ကို တရားရုံးများက ကန့် သတ်ရန်ကြိုးစားနေကြသည်။

“လူတွေရဲ့ နည်းပညာပစ္စည်းတွေ ကို မစစ်ဆေးမီ သူတို့မှာ ပြစ်ချက် မကင်းတဲ့ ကိစ္စတစ်ခုရှိနေကြောင်း အစိုးရမှာ လက်ဆုပ်လက်ကိုင်ခိုင် လုံတဲ့အကြောင်းရှိသင့်တာကို တရား ရုံးတွေက အမိန့်ထုတ်ပေးဖို့ ကျွန်တော် တို့ တောင်းဆိုနေ တာပါ”ဟု American Civil Liberties Union ရှေ့နေ တစ်ဦးက ပြောသည်။ ထိုရှေ့နေက နယ်စပ် ဒီဂျစ်တယ် ပစ္စည်း စစ်ဆေးမှုများကို စိန်ခေါ်သည့် အမှုနှစ်ခုကို လိုက်နေရသူဖြစ်သည်။

ထိုအမှုနှစ်ခုအနက် တစ်ခုက ဆုံးဖြတ်ချက်ချဖို့ နီးနေပြီ။

ထိုအမှုတွင် အစ္စလာမ်ဘာသာရေး စာပေပါရဂူဘွဲ့ သင်တန်းတက်နေသူ တစ်ဦးက အစိုးရကို တရားစွဲထား ခြင်းဖြစ်သည်။ ထိုကျောင်းသားက မွန်ထရီယယ်လ်မှ နယူးယောက်သို့ ခရီးသွားစဉ်၊ နယ်စပ်၌ လက်ထိပ် ခတ်ခံရပြီး ခေတ္တထိန်းသိမ်းခံခဲ့ရ သည်။ သူ့ကို အခန်းတစ်ခုထဲမှာ နာရီအနည်းငယ်ထား၍ စစ်ဆေးမေး မြန်းခဲ့သည်။ သူ့လက်ပ်တော့ကို လည်း မွှေနှောက် ရှာဖွေ ခဲ့ကြရုံမက ၁၁ ရက်ကြာသိမ်းဆည်းထားသည်။

အစိုးရဘက်ကပြောတာကတော့ ဒီအဖြစ်မျိုးဖြစ်ခဲပါသည်ဟူ၏။ အမေရိကန်အကောက်ခွန်နှင့် နယ်စပ် ကာကွယ်ရေး ဌာနက (ဒုတိယဆင့်အဖြစ်) ထပ်မံစစ်ဆေးရန် လူ ၃၆ဝဝဝ ခန့် ကို နေ့စဉ် လွှဲပြောင်းပေး နေရသည်။ သူတို့အနက်မှ ခန့်မှန်းခြေ လူ တစ်ဒါဇင်ခန့်ကသာ (ထိုကဲ့သို့) သူတို့၏ နည်းပညာပစ္စည်းများကို စစ်ဆေးဖို့ လိုအပ်တတ်သည် ဟု ပြောသည်။

အကြောင်းပြချက် မခိုင်လုံသည့် ရှာဖွေမှုများအပေါ် ဥပဒေအရ ကန့်သတ်မှုများ ရှိနေသော်လည်း နယ်စပ် များမှာတော့ ဒါကို တိတိကျကျ လိုက်နာကျင့်သုံးမှု မရှိပေ။ နယ်စပ်ဒေသ ရာဇဝတ်မှုများနှင့် အကြမ်းဖက်မှုများ နှိမ်နင်းရေးမှာ လိုအပ်ချက် ရှိနေတာကြောင့်ဖြစ်၏။ သို့သော် ထိုကျောင်းသားအမှု ကတော့ သာမန်နယ်စပ် ရှာဖွေရေး ကိစ္စများ မှာ ဆောင်ရွက်ပုံထက် ကျော်လွန်နေသည်။ လက်ပ်တော့ကို ဘာကြောင့် ရက်ပေါင်းများစွာ သိမ်းဆည်း ထားခဲ့ရသလဲ။ လက်ပ်တော့ ထဲမှ ဒေတာများကို ဘာကြောင့် အခြားတစ်နေရာ ပို့ပြီး စစ်ဆေးခဲ့ ရသလဲ။ ကလေးသူငယ် ညစ်ညမ်းပုံများ လက်ဝယ်ထားရှိမှု ကဲ့သို့ အခြားနည်းပညာ ရှာဖွေမှုများမှာတောင် မလုပ်သည့် ထူးထူးခြားခြား ဆောင်ရွက် မှုတွေ ဘာကြောင့် လုပ်ခဲ့ရသလဲ။

နောက်တစ်မှုက ရှီကာဂိုမြို့ အို ဟဲယားေ လဆိပ်တွင် ဖြစ်ပွားခဲ့သည့် ကွန်ပျူတာ ပရိုဂရမ်မာ တစ်ဦးထံမှ နည်းပညာ ပစ္စည်းများကို နယ်စပ် လုံခြုံရေး ဝန်ထမ်းများက ၇ ပတ်ကြာ သိမ်းဆည်း ခဲ့တာကြောင့် တရားစွဲခြင်းဖြစ် သည်။

ထိုကွန်ပျူတာ ပညာရှင်ကိုမှ ရွေးချယ်၍ ပြဿနာရှာခြင်းက ဘရက်ဒ် လေမင်နင်း ထောက်ခံရေးကွန်ရက်နှင့် ပတ်သက်နေတာကြောင့်ဖြစ်သည်ဟု အမှုမှာ တရားလိုက စွပ်စွဲထားသည်။ ဘရက်ဒ်လေ မင်နင်းသည် စစ်ဘက် ထောက်လှမ်းရေး သုံးသပ်သူ ဝန်ထမ်း ဟောင်းတစ်ဦးဖြစ်ပြီး Wiki Leaks လျှို့ဝှက်ချက် ဖော်ထုတ်ရေးအုပ်စုထံ စစ်ရေးနှင့် သံတမန်ရေး ဆိုင်ရာ စာရွက်စာတမ်း ထောင်ပေါင်းများစွာ ပေးပို့ခဲ့သည်ဟု စွပ်စွဲခံထားရသည်။

အဆိုပါ တရားစွဲဆိုချက်ကို အစိုးရက ပယ်ဖျက်ခွင့်တောင်းခံခြင်း မရှိကြောင်း မက်ဆာချူးဆက်ပြည်နယ်၊ ခရိုင်တရားသူကြီးက ပြောသည်။ နယ်စပ်တွင် လက်ပ်တော့ ရှာဖွေခွင့်နှင့် ပတ်သက်၍ ခိုင်လုံသည့် သံသယ ဖြစ်မှု မလိုအပ်သော်လည်း တရားလို ကွန်ပျူ တာပရိုဂရမ်ကို ဥပဒေအရ အခွင့် အရေးများ ခံစားခွင့်မရှိဟု ဆိုလိုခြင်း မဟုတ်ကြောင်း ထိုတရားသူကြီးက ပြောသည်။ ဥပဒေရေးပညာရှင်များ ကတော့ ဤအမိန့်ကြောင့် နည်းပညာ ပစ္စည်းများရှာဖွေမှုကို မည်သို့ ဖြစ်သင့်ကြောင်း တရားရုံးများက သတ်မှတ် ပေးနိုင်တော့မည်ဟု ပြော နေကြသည်။

“ခရိုင်တရားရုံးကတော့ နယ်စပ် နည်းပညာပစ္စည်းရှာဖွေမှုကို သံသယ ဖြစ်စရာအခြေအနေ ရှိရှိ၊ မရှိရှိ လုပ်နိုင်တယ်လို့ ဆိုထားတယ်။ ဒါကတော့ ဟုတ်ပါပြီ။ ဒါပေမယ့် သူတို့ အပြောအဆိုခံနေရတာက အစိုးရက ဒီပစ္စည်းတွေကို ၄၉ ရက်ကြာ သိမ်းဆည်းထားတဲ့ အချက်ကြောင့် ဖြစ်နေတာပဲ” ဟု မီရှီဂန်ပြည်နယ်၊ လင်ဆင်းမြို့ Thomas M. Cooley Law School မှ ရာဇဝတ်မှုဆိုင်ရာ ဥပဒေနှင့် ကျင့်ထုံးပါမောက္ခ က ပြောသည်။

အကောက်ခွန်နှင့် နယ်စပ်ကာကွယ် ရေးဌာနသည် နိုင်ငံတော်လုံခြုံရေးဌာန ၏ ဌာနခွဲဖြစ်သည်။ အကောက်ခွန် နှင့် နယ်စပ်ကာကွယ်ရေး ဌာနက ဤကိစ္စနှင့် ပတ်သက်၍ အင်တာဗျူး ကိစ္စ လက်ခံတွေ့ဆုံရန် ငြင်းဆိုသည်။ သို့သော် ထိုဌာနမှ ပြောခွင့်ရ အမျိုးသမီးက “တစ်နေ့တခြား နည်းပညာနှင့် ပို၍ပတ်သက်လာနေရသော ကမ္ဘာ ကြီးမှာ အမေရိကန် နိုင်ငံသားဘေး အန္တရာယ်ကင်းရှင်းရေးနှင့် နိုင်ငံတော် ၏ တရားဥပဒေကို စောင့်ထိန်းရေးက နည်းပညာပစ္စည်းဖြစ်စေ၊ အခြား ပစ္စည်းဖြစ်စေ ပစ္စည်းအားလုံးကို ဥပဒေနှင့်အညီ စစ်ဆေးနိုင်မှသာလျှင် အောင်မြင်နိုင် ပါမည်။ နိုင်ငံတော် လုံခြုံရေးဌာနက နယ်စပ်လုံခြုံရေး အတွက် ဥပဒေအရ လိုအပ်သည့် ဆောင်ရွက်မှု များကို ဆောင်ရွက်နေ သော်လည်း ခရီးသွားအားလုံး၏ အခွင့်အရေး များနှင့် ပရိုက်ဗေစီများ ကို လေးစားလိုက်နာ သွားပါမည်” ဟု အီးမေးလ်နှင့် ပြန်ကြား ထားသည်။

ထိုထုတ်ပြန်ချက်က သူတို့ဌာန ၏ နယ်စပ်ရှာဖွေမှုဆိုင်ရာ မူဝါဒ ကိုလည်း ရည်ညွှန်းထားသေးသည်။ ထိုမူဝါဒ အရ အရာရှိများက ပစ္စည်း များကို အခိုက်အတန့်အားဖြင့် သိမ်း ဆည်းထားနိုင်ပြီး ထိုပစ္စည်းတွင် ပါဝင်သည့် အချက်အလက်များကို စကားဝှက်ဖော်ရန်၊ ဘာသာပြန်ဆို ရန်နှင့် အဓိပ္ပာယ်ဖွင့်ရန်တို့အတွက် အခြားအစိုးရ ဌာနများကို အကူအညီ တောင်းခံနိုင်သည်။ အကယ်၍ ခရီး သည်က သူ၏စကားဝှက်ကို မပေးလိုပါက ထိုအချက်လက် ဒေတာများ ကို ဖတ်ရှုနိုင်မည့်နည်းလမ်းကို ရှာဖွေရန်အတွက် အစိုးရက ပစ္စည်းကို ခေတ္တ သိမ်းဆည်းထားနိုင်သည်။

ထိုဌာနကခရီးသည်မည်မျှစစ်ဆေး ခံခဲ့ရသည်ကိုတော့ ထုတ်ပြောသည်။ ၂ဝ၁၁ ခုနှစ်၊ အောက်တိုဘာ ၁ ရက် မှ ၂ဝ၁၂ ခုနှစ်၊ ဩဂုတ် ၂၁ ရက် အထိ ခရီးသည်ပေါင်း ၁၁ ဒသမ ၉ သန်း ထပ်ဆင့်စစ်ဆေးမှုခံယူခဲ့ကြ ရသည်။ ဤရှာဖွေမှုများအနက် ၄၈၉၈ ဦးက နည်းပညာပစ္စည်းနှင့် ဆက်စပ်နေသည်။ လွန်ခဲ့သော တစ်နှစ်ကမူ ထပ်ဆင့် စစ်ဆေးခံရသူ ၁၂ ဒသမ ၁ သန်းရှိခဲ့ပြီး ရှာဖွေမှု ၄ç၇၈၂ ခုက နည်းပညာပစ္စည်းနှင့် ပတ်သက်နေသည်။

ထပ်ဆင့်စစ်ဆေးမှုက မည်သည့် အခြေအနေကြောင့် ပြုလုပ်ရသည် ကို လူထုသိရှိနိုင်အောင် သတင်း ထုတ်ပြန်မှု မရှိသလောက် နည်းပါး သော်လည်း သူတို့ လက်ပ်တော့ များကို စစ်ဆေးခံခဲ့ရသူများက ထိုစစ် ဆေးမှုများသည် ပညာရေး၊ သတင်း သမားဖြစ်မှုနှင့် နိုင်ငံရေးအရ ပတ်သက်မှုများ စသည့်အကြောင်း တရားများကြောင့် စစ်ဆေးခံခဲ့ရ သည်ဟု ပြောကြသည်။

သတင်းမှတ်တမ်း ရုပ်ရှင်ဒါရိုက်တာနှင့် ၂ဝ၁၂ ခုနှစ် မက်အာသာ သုတေသန ဆုကြေးငွေ ရရှိထားသူက သူမ၏ အမေရိကန်နိုင်ငံသို့ အပြန်ခရီး မှာ အကြိမ်ပေါင်း ၄ဝ ကျော် ခေတ္တ ထိန်းသိမ်းခံ ခဲ့ရကြောင်း ပြောသည်။ နိုင်ငံခြားတွင် တက်ရောက်ခဲ့သော အစည်းအဝေးများ အကြောင်း၊ မေး မြန်းခံရတာ၊ သူမ၏ ခရစ်ဒစ်ကတ် နှင့် မှတ်စုတွေ ကို မိတ္တူကူးယူခြင်း ခံရတာတွေ ရှိခဲ့ပြီး တစ်ကြိမ်မှာ သူမ၏ လက်ပ်တော့၊ ကင်မရာနှင့် ဖုန်းတို့ကို ၄၁ ရက်တိတိ သိမ်း ဆည်းခံခဲ့ရဖူးသည်။

ထိုသို့ စစ်ဆေးမေးမြန်း ခံနေရစဉ် သူမရေးသားခဲ့ဖူးသည့် ဆောင်းပါးတစ်ပုဒ်ကြောင့် သက်သာခွင့်ရရှိ ခဲ့ကြောင်း သူမက ပြောသည်။ ထို ဆောင်းပါးကို ၂ဝ၁၂ ခုနှစ် ဧပြီလက ထုတ်ဝေခဲ့သည်။ မည်သို့ဖြစ်စေ သူမ၏ သုတေသန လုပ်ငန်းစာရွက် စာတမ်းများ တစ်ပွေ့တစ်ပိုက်နှင့် နယ်စပ်ဖြတ်ကျော်နေရမှာ စိုးတာကြောင့် သူမ၏ နောက်ဆုံး ရိုက်ကူးသည့် ရုပ်ရှင်ကားကို ဥရောပမှာပင် တည်းဖြတ်လိုက်တော့သည်။ (အကြမ်းဖက်မှု တိုက်ဖျက်ရေး အကြောင်း ရိုက်ကူးထားသည့် ထို တတိယတွဲ ဇာတ်လမ်းက ပြည်တွင်း နိုးကြားမှုရှိရေးကို အခြေခံရိုက်ကူး ထားခြင်းဖြစ်သည်။)

ထိုရုပ်ရှင်ဒါရိုက်တာ အမျိုးသမီးလိုပင် နယ်စပ်တွင်ပြဿနာ အမြဲတက်တတ်သူက ပထမ တရားစွဲဆိုမှုမှ ပါရဂူ သင်တန်းသား ကျောင်းသားပင်။ ထို့ကြောင့် သူ၏ ခရီးသွားသည့်နည်းကို ပြောင်းလိုက်ရသည်။ ကနေဒါမှ အမေရိကန်သို့ ပြန်လည်ဝင်ရောက်ရာတွင် လက်ပ်တော့ထဲ၌ ဒေတာပါသည် ဆိုရုံထည့် ကာ ကားတစ်စီး ငှား၍ ပြန်သည်။ ထို့ကြောင့် နယ်စပ်တွင် ကြန့်ကြာမှုကြောင့် ရထားနောက်တစ်စင်း ထပ်စောင့်ရသည့် ဒုက္ခက လွတ်သွားသည်။ သို့တိုင် အမေရိကန် သို့ ပြန်တိုင်း သူ့အား ရတက်မအေးရှိအောင် လုပ်ကြတာကိုတော့ ခံတုန်းပင်။

သူက ရာဇဝတ်မှုမကင်းတာ ဘာမှမလုပ်ဖူးပါဟုဆိုသည်။ သူလို လူမျိုးပင် ဤမျှဖြစ်နေသည်ဆိုလျှင် တော့ ရာဇဝတ်မှု ရာဇဝင်တစ်ခုခု ရှိနေသူများဆိုလျှင်တော့ မှန်၏။ ရာဇဝတ်မှု သံသယ အဖြစ်ခံရသည် ဆိုပါကလည်း ထိုရာဇဝတ်မှု သံသယက နောက်ကြောင်း ရာဇဝင်နှင့် ပတ်သက်နေတာမျိုးဖြစ်နေနိုင်ပါသည်။ နယ်စပ်မှာ လက်ပ်တော့ အရှာခံရသည့် ခရီးသည်တစ်ဦးက သူ့နောက် ကြောင်းရာဇဝင်ကြောင့်ဟု ထင်နေသည်။ သူ့တွင် ကလေးသူငယ် ဆိုင်ရာ ပြစ်မှုတစ်ခု ရှိသည်။ သူ ၁၇ နှစ်အရွယ်က ၁၅ နှစ်အရွယ်တစ်ဦး နှင့် ချစ်သူထားမိ တာကြောင့် လိင်မှုကျူးလွန်သူ မှတ်တမ်းဝင် ဖြစ်သည်။

အများအားဖြင့် ကံကွက်ကျား ၍ အစစ်ဆေးခံရခြင်း အကြောင်းကို မည်သည့် ခရီးသည်မျှ ဂဃနဏ မသိကြပေ။

Ref: Border Agent’s Power to Search Devices Is Increasing Challenges in Court
မြန်မာအင်ဒီပဲန်ဒင့် ဂျာနယ်