ဧရာဝတီဖေ့စ်ဘုတ် http://www.facebook.com/IrrawaddyBurmese မှာ တွေ့ရတဲ့ စာဖတ်သူတဦးရဲ့ ရေးသားချက်ကို ကူးယူ ဖော်ပြလိုက်ပါတယ်။
(၂၁.၁.၂၀၁၃)ရက်နေ့မှာ ဧရာဝတီ Blogတွင် ဖော်ပြခဲ့သော သမ္မတကြီးတံတားဖွင့်ပြီး ၁၀လ ကြာသော် သတင်းနဲ့ပတ်သက်ပြီး ပြန်လည်ရှင်းလင်းဖော်ပြပေးပါရစေ။
ပုသိမ်-ငပုတောလမ်းသည် (၂၁မိုင် ၅ဖာလုံ)ရှည်လျားပြီး မိုင်(၀/၀)ပုသိမ်မြိုမှ ရှမ်းရွာလမ်းဆုံမိုင်(၄/၂) အထိ(၄မိုင် ၂ဖာလုံ)အား ပုသိမ်မြို့နယ်၊ စည်ပင်သာယာရေးအဖွဲ့မှတာဝန်ယူဆောင်ရွက်ခဲ့ပြီး မိုင်(၄/၂)မှမိုင်(၂၁/၅)အထိ(၁၇မိုင် ၃ဖာလုံ)အား ပြည်သူ့ဆောက်လုပ်ရေးလုပ်ငန်းမှ တာဝန်ယူဆောင်ရွက်ခဲ့ပါသည်။
ပြည်သူ့ဆောက်လုပ်ရေးလုပ်ငန်းက တာဝန်ယူဆောင်ရွက်သည့်
- (၁၇မိုင် ၃ဖာလုံ )နှင့် (၁၈၀)ပေအထက်တံတား (၂)စင်း
- (၁၈၀)ပေအောက်တံတား(၄)စင်း၊
- Box Culvert(၁၁)စင်းတို့ကို
လမ်းအထူးအဖွဲ့(၃)ဖွဲ့၊
လေယာဉ်ကွင်းအထူးအဖွဲ့(၁)ဖွဲ့၊
အဆောက်အဦအထူးအဖွဲ့(၁)ဖွဲ့၊
ခရိုင်အဖွဲ့(၂)ဖွဲ့၊ တံတားအထူးအဖွဲ့ကြီး(၃)ဖွဲ့တို့ဖြင့် ဆောင်ရွက်ခဲ့ရာ အားလုံးပြီးစီးခဲ့ပြီးဖြစ်ပြီး ယခုအခါ သက္ကယ်ချောင်းမြစ်ကူးတံတားတည်ဆောက်မှုသာ
ဆောင်ရွက်ဆဲကျန်ရှိ၍ ၂၀၁၂-၂၀၁၃ဘဏ္ဍာရေးနှစ်အတွင်း ပြီးစီးမည်ဖြစ်ပြီး ပုသိမ်မှငပုတောမြို့အထိ ကားဖြင့် တိုက်ရိုက်သွားလာနိုင်တော့မည်ဖြစ်ပါသည်။
၎င်းတံတားတည်ဆောက်ခြင်းနှင့်ကျောက်ပြားအလှဆင်ခြင်းတို့ကို တံတားအထူးအဖွဲ့(၇)က တာဝန်ယူ တည်ဆောက်ခဲ့ပြီး ချဉ်းကပ်လမ်း မြေသား တာဘောင်နှင့်လမ်းခင်းခြင်းတို့ကို ပုသိမ်ခရိုင်၊ ကန်ကြီးထောင့်မြို့နယ်က ဆောင်ရွက်ခဲ့ပါသည်။
ဆောင်ရွက်စဉ်တွင် အရည်အသွေး စမ်းသပ်စစ်ဆေးမှု(Q.C)ကို ပြည်သူ့ဆောက်လုပ်ရေး လုပ်ငန်း၊ ရုံးချုပ်က စောင့်၍စစ်ဆေးခဲ့ပါသည်။
သို့အတွက် ချဉ်းကပ်လမ်း အနည်းငယ် နိမ့်ကျမှုကြောင့် လမ်း အနည်းငယ် ပျက်စီးခြင်း၊ အလှဆင်ကျောက်ပြား များကွဲအက်ခြင်း၊ ကျောက်စာတိုင် ဆိုင်းဘုတ်အောက်မှ ပလက်ဖောင်းတုံးများ အနည်းငယ် အက်ခြင်းတို့ဖြစ်ပေါ်ခဲ့ပါသည်။
မူလ တံတားမှာ လုံးဝ ထိခိုက်ခြင်း၊ နိမ့်ကျခြင်း၊ ပျက်စီးခြင်းတို့ မရှိပါ။ ချဉ်းကပ်လမ်းပေါ်ရှိ အစိတ်အပိုင်းအချို့သာ ပျက်စီးခြင်းဖြစ်ပါသည်။
၎င်းပျက်စီးမှုများကို ပွင့်လင်းရာသီမှစ၍ ပြင်ဆင်ခဲ့ပါသည်။
No comments:
Post a Comment