Monday 10 December 2012

လူ့ အခွင့်အရေးဆိုတာ ဘာလဲ


ဒီနေ့ဟာ ဒီဇင်ဘာလ ၁၀ ရက်နေ့၊ အပြည်ပြည်ဆိုင်ရာ လူ့အခွင့်အရေးနေ့ ဖြစ်ပါတယ်။ မြန်မာနိုင်ငံမှာ လူ့ အခွင့်အရေးနဲ့ ပတ်သက်လို့ အခြေအနေတွေက ဘယ်လိုရှိနေပြီလဲ။ လူတိုင်း လူ့အခွင့်အရေးဆိုတာ ဘာ လဲ ဆိုတာ သိရှိနားလည်ခွင့် ရပြီး အဲဒီလူ့အခွင့်အရေးတွေကို လူတိုင်း အပြည့်အ၀ လေးစားစွာနဲ့ တပြေးညီ ရသင့်ကြပါတယ်။ 



ပွင့်လင်းစ မြန်မာနိုင်ငံမှာ သန်းပေါင်း ၆၀ ကျော် တဲ့ မြန်မာနိုင်ငံသားတွေဟာ လူ့အခွင့်အရေးဆိုတာ ဘာလဲ ဆိုတာ သိခွင့် ရကြရဲ့ လား? 



မြန်မာနိုင်ငံရဲ့ လူဦးရေ ဘယ်လောက်ရာခိုင်နှုန်းက လူ့ အခွင့်အရေးဆိုတာကို သိကြလဲဆိုတာ အတိအကျ မပြောနိုင်ပေမယ့် လွန်ခဲ့တဲ့ နှစ်ပေါင်း ၂၀ ကျော် ကာလအတွင်းမှာ လူ့အခွင့်အရေး ကြေညာစာတမ်း အ ချက် ၃၀ ကို တက်ကြွလှုပ်ရှားလှုပ်ရှားသူတွေက ဝေငှ ပညာပေးခဲ့တာတောင် အကျဉ်းကျခံခဲ့ကြရတာ လူတိုင်း အသိပါဘဲ။ 

လွန်ခဲ့တဲ့ ကာလတွေက လူ့အခွင့်အရေး ကြေညာစာတမ်းပါ အသိပညာပေးမှုတွေဟာ အခက်အခဲများစွာ 
ကြားထဲက  လုပ်ဆောင်ခဲ့ကြရတာပါ။ အခုလိုအချိန်မှာ ဒီမိုကရေစီ ပြုပြင်ပြောင်းလဲမှုတွေ လုပ်ဆောင်နေ တဲ့ မြန်မာအစိုးရကိုယ်တိုင်ကပါ လူ့အခွင့်အရေးဆိုတာ ဘာတွေဖြစ်တယ်ဆိုတာ နိုင်ငံသားတိုင်းကို အသိပညာ ပေးသင့်ပါတယ်။ 

မြန်မာနိုင်ငံဟာ လူ့အခွင့်အရေး ကြေညာစာတမ်းကို ၁၉၄၈ ခုနှစ်ကတည်းက ထောက်ခံခဲ့တဲ့ နိုင်ငံတနိုင်ငံ လည်း ဖြစ်ပါတယ်။ 

ဒီကနေ့ မြန်မာ့အလင်း သတင်းစာမှာတော့ မြန်မာနိုင်ငံ လူ့အခွင့်အရေး ကော်မရှင်က ထုတ်ပြန်ချက် တစောင်ကိုလည်း ဖော်ပြထားပါတယ်။  



အခုတော့ အပြည်ပြည်ဆိုင်ရာ လူ့အခွင့်အရေး ကြေညာစာတမ်း၊ Universal Declaration of Human Rights (UDHR) ပါ အချက် ၃၀ ရဲ့ အကျဉ်းကို ပြန်လည် မျှဝေ ပေးလိုက်ပါတယ်။ 

အပိုဒ် (၁) - လူတိုင်းသည် မွေးဖွား လာကတည်းက တန်းတူညီမှုရှိသည်။ 

အပိုဒ် (၂) - မည်သူ့ ကိုမှ ခွဲခြားဖိနှိပ်ခြင်းမရှိစေရ။ 

အပိုဒ် (၃) - လူတိုင်း အသက်ရှင်ခွင့်၊ လွတ်လပ်ခွင့်နှင့် လုံခြုံခွင့်ရှိသည်။ 

အပိုဒ် (၄) - မည်သူ့ ကို့မှ ကျွန်အဖြစ်စေခိုင်းခြင်း၊ ရောင်းဝယ်ခြင်းမပြုရ။ 

အပိုဒ် (၅) - မည်သူ့ ကိုမှ မတရားနှိပ်စက်ခြင်း၊ လူမဆန်စွာ၊ ရက်စက်စွာ ဆက်ဆံခြင်း အပြစ်ပေးခြင်း မပြုရ။ 

အပိုဒ် (၆) - တရားဥပဒေရှေ့ မှောက်တွင် လူတိုင်းအား လူသားအဖြစ် အသိအမှတ်ပြု ခံပိုင်ခွင့်၊ 

အပိုဒ် (၇) - တရားဥပဒေရှေ့ တွင် တန်းတူညီခွင့်၊ 

အပိုဒ် (၈) - မိမိပိုင်အခွင့်အရေး ချိုးဖောက်ခံရပါက ဥပဒေအကူအညီ ရယူခွင့်၊ 

အပိုဒ် (၉) - မတရားဖမ်းဆီးခြင်း၊ တိုင်းပြည်မှ နှင်ထုတ်ခြင်းအား ကာကွယ်မှု ရရှိခွင့်၊ 

အပိုဒ် (၁၀) - လူအများကြားနာပြီး တရားမျှတသော တရားစီရင်မှုရရှိခွင့်၊ 

အပိုဒ် (၁၁) - ခိုင်လုံသော အထောက်အထားမရှိမချင်း ထိုသူသည် အပြစ်မရှိဟူ၍ သတ်မှတ်ခံပိုင်ခွင့်၊ 

အပိုဒ် (၁၂) - ပုဂ္ဂလိက ကိုယ်ရေးကိုယ်တာများအား ဝင်ရောက်စွက်ဖက်ခြင်းမှ ကာကွယ်ပေးခြင်း၊ 

အပိုဒ် (၁၃) - လွတ်လပ်စွာ လှုပ်ရှားသွားလာခွင့်၊ 

အပိုဒ် (၁၄) - မတရားအပြစ်ပေးခံရမည်ဆိုပါက အခြားနိုင်ငံများတွင် ခိုလှုံခွင့် တောင်းခံပိုင်ခွင့်၊ 

အပိုဒ် (၁၅) - နိုင်ငံသား ဖြစ်ခွင့်၊ 

အပိုဒ် (၁၆) - အရွယ်ရောက်သူတိုင်း မိမိဆန္ဒဖြင့် လက်ထပ် အိမ်ယာ ထူထောင်ခွင့်၊ 

အပိုဒ် (၁၇) - ပစ္စည်းဥစ္စာ ပိုင်ဆိုင်ခွင့်၊ 

အပိုဒ် (၁၈) - လွတ်လပ်စွာ တွေးခေါ် ယုံကြည် ကိုးကွယ်ခွင့်၊ 

အပိုဒ် (၁၉) - လွတ်လပ်စွာ ထုတ်ဖော်တင်ပြ ပြောဆိုခွင့်၊ သတင်းရယူခွင့်၊ 

အပိုဒ် (၂၀) - ငြိမ်းချမ်းစွာ ဖွဲ့ စည်းထားသောအဖွဲ့ များအား လွတ်လပ်စွာ ဝင်ရောက်ခွင့်၊ စုဝေးခွင့်၊ 

အပိုဒ် (၂၁) - အစိုးရတွင် ပါဝင်ခွင့်၊ 

အပိုဒ် (၂၂) - လူမှုဖူလုံရေး ခံစားခွင့်၊ 

အပိုဒ် (၂၃) - အလုပ်လုပ်ခွင့်၊ အလုပ်သမား သမဂ္ဂများဝင်ရောက်ခွင့်၊ 

အပိုဒ် (၂၄) - အပန်းဖြေအနားယူခွင့်၊ 

အပိုဒ် (၂၅) - လုံလောက်သော လူမှုအဆင့်အတန်း ခံစားခွင့်နှင့် ဆေးကုသခံပိုင်ခွင့်၊ 

အပိုဒ် (၂၆) - ပညာ သင်ကြားပိုင်ခွင့်၊ 

အပိုဒ် (၂၇) - ယဉ်ကျေးမှုဘဝတွင် ပါဝင်ပိုင်ခွင့်နှင့် မိမိတီထွင်မှု အကျိုးကို မိမိခံစားပိုင်ခွင့်၊ 

အပိုဒ် (၂၈) - အထက်ပါ အခွင့်အရေးများကို လေးစားရန် တာဝန်၊ 

အပိုဒ် (၂၉) - အခြားသူများ၏ အဆိုပါ အခွင့်အရေးကို လေးစားလိုက်နာရန်၊ 

အပိုဒ် (၃၀) - မည်သူမှ ဤအခွင့်အရေးများကို မချိုးဖောက်ရန်တာဝန်၊

No comments:

Post a Comment