Wednesday 7 November 2012

ကလုံးထာ ရွာသူရွာသားများမှ နိုင်ငံတော် သမ္မတဆီ ရေလှောင်တမံ စီမံကိန်း ကန့်ကွက်လွှာ ပို့


 သို့
ဦးသိန်းစိန်
နိုင်ငံတော်သမ္မတ
 နေပြည်တော်
နေ့စွဲ၊ ၂၊ ၁၁၊ ၂၀၁၂

အကြောင်းအရာ။           ။           ကလုံးထာရေကာတာစီမံကိန်းအား ကလုံးထာရွာသူ၊ ရွာသားများမှ
ကန့်ကွက်လွှာ တင်သွင်းခြင်း

အထက်ပါအကြောင်းအရာနှင့် ပက်သက်၍ တနင်္သာရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ်၊ တလိုင်းယာကျေးရွာအုပ်စု၊ ကလုံးထာကျေးရွာရှိ ပြည်သူလူထု၏ ထားဝယ်အထူးစီးပွားရေးဇုန်စီမံကိန်းနှင့် ဆက်စပ်ပက်သက်သော လက်ရှိအခက်အခဲများနှင့် ပက်သက်၍ တင်ပြအပ်ပါသည်။


ကလုံးထားကျေးရွာအကြောင်း
(၁)။      ကလုံးထာကျေးရွာသည် ထားဝယ်ခရိုင်အတွင်း၊ ရေဖြူမြို့နယ်၊ တလိုင်းယာကျေးရွာအုပ်စုတွင် ပါဝင်ပြီး ၁၈၈၁ ခုနှစ်ခန့်က အိမ်ခြေ (၁၅) လုံးဖြင့်စတင်တည်ထောင်ခဲ့ကာ ယခုအချိန်တွင် အိမ်ခြေ (၁၈၂) အိမ်၊ လူဦးရေ (၁၀၀၀) ကျော် နှင့် စိုက်ပျိုးမြေဧရိယာ (၉၂၄၀) ဧက ရှိပြီး ရွာသားများမှာ ဥယျဉ်ခြံလုပ်ငန်းနှင့် တောတွင်းမှ သဘာဝ အတိုင်း ရရှိသော ဖာလာ၊ ဓညင်း၊ ၀ဥ စသော သီးနှံများကို အမှီပြု၍ အဓိကအသက်မွေးဝမ်းကြောင်း ပြုသူများ ဖြစ်ကြပါသည်။
(၂)။      ကလုံးထာကျေးရွာဆရာတော်၏ လမ်းညွှန်မှုဖြင့် ရွာသူရွာသားများသည် လမ်းတံတားများ တည်ဆောက် ပြုပြင်ခြင်း၊ ဘာသာရေး၊ လူမှုရေး၊ ကျန်းမာရေး၊ ပညာရေးကဏ္ဍများတွင် မိမိတို့ ကိုယ်စွမ်း၊ ဥာဏ်စွမ်းရှိသလောက် ပါဝင်ဆောင်ရွက်ကာ ချစ်ခင်စည်းလုံးစွာဖြင့် မိမိတို့ ရပ်ရွာဖွံ့ဖြိုးတိုးတက်ရေးကို ဆောင်ရွက်ခဲ့ကြပါသည်။
(၃)။      စမ်းချောင်းများ၊ ရေပူစမ်း၊ ရေတံခွန်များ၊ လိပ်ကျေး၊ ကြံ့သူတော်၊ ဂျီလှောင်စသော ရှားပါးသားရဲ တိရိစ္ဆာန်များ နေထိုင်ကျက်စားရာနေရာဖြစ်ပြီး သဘာဝ သစ်တောထိန်းသိမ်းရေး နယ်မြေနှင့်လည်း ကပ်လျှက် တည်ရှိပါသည်။
လက်ရှိ အစိုးရအပေါ် ပြည်သူများ အားကိုးယုံကြည်မှု

(၄)။      လက်ရှိမြန်မာနိုင်ငံသည် ဒီမိုကရေစီလမ်းကြောင်းပေါ်တွင်ရောက်ရှိကာ နိုင်ငံတော်သမ္မတကြီး ဦးဆောင်သော အစိုးရအဖွဲ့ နှင့် လွှတ်တော်အသီးသီးမှ ကဏ္ဍပေါင်းစုံတွင်
အပြောင်းအလဲများ ဖော်ဆောင်နေခြင်းအား မိမိတို့သည် နိုင်ငံသားများဖြစ်သည့် အားလျော်စွာ ၀မ်းသာပိတီ ဖြစ်ရပါသည်။
(၅)။      လက်ရှိအစိုးရသည် လူထုမှ ရွေးကောက်တင်မြောက်သော အစိုးရတစ်ရပ်ဖြစ်သည်နှင့် လျော်ညီစွာ လူထု၏ အခက်အခဲများ နှင့် လူထုအသံအား နားစွင့်ကာ တရားဥပဒေနှင့် အညီ ဖြေရှင်းဆောင်ရွက် ပေးမည်ဟုလည်း အလေးအနက်ယုံကြည်ထားပါသည်။

ကလုံးထာရေကာ စီမံကိန်း နှင့် အီတာလျံထိုင်း ကုမ္ပဏီမှ လုပ်ဆောင်ချက်များ

(၆)။      မိမိတို့ ကလုံးထာကျေးရွာသည် ထားဝယ်ရေနက်ဆိပ်ကမ်းနှင့် အထူးစီးပွားရေးဇုန်အား ထောက်ပံ့ရန် ရေကာတာတည်ဆောက်ပါက ရေမြုပ်ဧရိယာတွင် ပါဝင်သည့်အတွက် ပြောင်းရွှေ့ပေးရန် အီတာလျံထိုင်း ကုမ္ပဏီ မှ အဆိုပြုသည့် အပေါ် ရွာသူ၊ ရွာသားများမှ မပြောင်းရွှေ့လိုကြောင်း နိုင်ငံတော်သမ္မတကြီးထံသို့ အသနားခံစာတင်သွင်းခဲ့ပြီး အီတာလျံထိုင်းကုမ္ပဏီ တာဝန်ရှိသူများနှင့် တွေ့ဆုံမှုများ၊ အစည်းအဝေးများတွင်လည်း တရားဝင်ထုတ်ဖော်ခဲ့ပါသည်။
(၇)။      ၂၈.၁၀.၂၀၁၁ မှ ၂၅.၁၁.၂၀၁၁ အတွင်း (၅) ကြိမ်တိုင်တိုင် ထားဝယ်အထူးစီးပွားရေးဇုန်လုပ်ငန်း အထောက်အကူပြုအဖွဲ့ ဥက္ကဌ ဦးတင်မောင်ဆွေ၊ မြို့နယ်အုပ်ချုပ်ရေးမှုး၊ ကျေးရွာအုပ်ချုပ်ရေးမှုး၊ အီတာလျံထိုင်း ကုမ္ပဏီတာဝန်ရှိသူများမှ လာရောက်၍ ရေကာတာစီမံကိန်းဆောင်ရွက်မှု နှင့် ပြောင်းရွှေ့ရန် သဘောတူကြောင်း လက်မှတ်ရေးထိုးရန် ပုံစံများဝေငှသော်လည်း တစ်ဦးတစ်ယောက်မှ လက်မှတ်ရေးထိုးခဲ့ခြင်းမရှိပါ။
(၈)။      ၁၆.၇.၂၀၁၂ တွင် အီတာလျံထိုင်းကုမ္ပဏီတာဝန်ရှိသူများနှင့် ရွာသားများ တွေ့ဆုံရာတွင်လည်း မည်သူမျှ မပြောင်းလိုကြောင်း ဆန္ဒထုတ်ဖော်ခဲ့ပါသည်။
(၉)။      လက်ရှိတွင် ကလုံးထာကျေးရွာရှိ မြေလွတ်မြေရိုင်းများအား ရောင်းချထားသူလူတစ်စုနှင့် အီတာလျှံထိုင်းကုမ္ပဏီထံမှ လျှော်ကြေးငွေ ရရှိလိုသူများမှ ကလုံးထာကျေးရွာတွင် ရေကာတာ တည်ဆောက်ရန်နှင့် ရွာပြောင်းရွှေ့ရန် သဘောတူကြောင်းလက်မှတ်ရေးထိုးကာ သက်ဆိုင်ရာ အစိုးရ တာဝန်ရှိသူများထံ တင်ပြထားသည်ကို မိမိတို့ရွာသူရွာသားအများစု အနေဖြင့် လုံးဝ ကန့်ကွက်ကြောင်းနှင့် မိမိတို့ ရွာသူရွာသားများအနေဖြင့် ပြောင်းရွှေ့ရန်ဆန္ဒမရှိကြောင်း တင်ပြအပ်ပါသည်။
စီမံကိန်းကြောင့် ရပ်ရွာအပေါ် လူမှုစီးပွားရေး သက်ရောက်မှုများ နှင့် အခက်အခဲများ

(၁၀)။   မိမိတို့ အနေဖြင့် နိုင်ငံနှင့် ဒေသဖွံ့ဖြိုးတိုးတက်ရေးအား လိုလားသူများဖြစ်ပါသည်။
(၁၁)။   မိဘဘိုးဘွားများလက်ထက်ကတည်းက ပင်ပန်းတကြီး ပြုစုပျိုးထောင်လာခဲ့သော ဥယျဉ်ခြံမြေများ မှ အကျိုးအမြတ်ရရှိစ ပြုလာသည့် အခြေအနေရောက်မှ အလုံးစုံဆုံးရှုံးပြီး အစမှ ပြန်လည်ထူထောင်ရလျှင် နောက်လာနောင်သားများအတွက်ပါ ၀န်ထုတ်ဝန်ပိုးဖြစ်စေမည်ဖြစ်ပြီး များစွာပင်ပန်းဆင်းရဲ မည်ဖြစ်သည်။
(၁၂)။   အီတာလျံထိုင်းကုမ္ပဏီမှ ရွှေ့ပြောင်းပေးရန် အဆိုပြုထားသည့် နေရာ နှင့် အနီးအနား တောရိုင်းများတွင် စီးပွားရေးသမားများမှ မြေနေရာလွတ်မကျန်သလောက် ၀ယ်ယူထားပြီးဖြစ်၍ ရွာသားများ စိုက်ပျိုးမြေများ ပြန်လည်ထူထောင်ရန် မြေနေရာ မရှိပါ။
 (၁၃)။  အီတာလျံထိုင်း ကုမ္ပဏီတာဝန်ရှိသူများသည် ရေကာတာတည်ဆောက်နိုင်ရေး ကြိုးပမ်းရာတွင် ၄င်းတို့နှင့် နီးစပ်ရာစည်းရုံးသိမ်းသွင်းခြင်းနည်းလမ်းကို သုံးလာခြင်းဖြင့် ရပ်ရွာအတွင်း အချင်းချင်းကြား စိတ်ဝမ်းကွဲပြားစေခြင်း၊ ရန်လိုမုန်းထားမှုများဖြစ်ပေါ်စေခြင်းဖြင့် ရပ်ရွာအေးချမ်းသာယာရေးကို တိုက်ရိုက် ထိခိုက်စေပါသည်။
(၁၄)။   ပြောင်းရွှေ့နေရာချထားပေးမည်ဟု အဆိုပြုသော နေရာများ နှင့် ရေမြုပ်ဧရိယာတွင် ပါဝင်နေသော မြေနေရာများအား ထားဝယ်မြို့ခံစီးပွားရေးသမားတစ်စုမှ လျော်ကြေးငွေရလိုစိတ်တစ်ခုတည်းဖြင့် ငွေအား လူအားဖြင့် ခုတ်ထွင်ရှင်းလင်းကာ ဟန်ပြဥယျဉ်များ ဖုတ်ပူမီးတိုက် စိုက်ပျိုးလာခြင်းဖြင့် ရွာသားအများစု မှီခိုအားထားနေရသော ဖာလာ၊ ဓညင်း၊ ၀ဥ၊ ၀ါး စသည့် သဘာဝတောထွက် သီးနှံပင်များ အကြီးအကျယ် ပျက်စီးကာ အိမ်ထောင်စုတိုင်းနီးပါး ယခုနှစ် မိသားစုဝင်ငွေလျော့ကျခဲ့ရပါသည်။
(၁၅)။   လျော်ကြေးရလိုမှုဖြင့် တောရိုင်းများ ခုတ်ထွင်ရှင်းလင်းလာခြင်း၊ ပြောင်းရွှေ့ရမည့် သတင်းများ ကြောင့် ခြံမြေများရောင်းချလာခြင်း၊ ရေတို ငွေကြေးအကျိုးအမြတ်ကို ပြကာ အယုံသွင်းခြင်းနှင့် မျှော်ကိုးမိလာခြင်းတို့သည် ဥယျဉ်များပေါ်တွင် မှီခိုနေသော ရွာသားများအား စားဝတ်နေရေးမပြေလည်မှု နှင့် တဖက်နိုင်ငံသို့ သွားရောက် အလုပ်လုပ်ကိုင်ရခြင်းများဆီသို့ ဦးတည်သွားစေနိုင်ပါသည်။

ရွာသူ၊ ရွာသားများ၏ ဆန္ဒသဘောထား

(၁၆)။   ကလုံးထာကျေးရွာသူ၊ ကျေးရွာသားများသည် မိမိတို့ ရပ်ရွာမှ အခြားမည်သည့်နေရာသို့ မပြောင်းရွှေ့လိုပါ။
(၁၇)။   အီတာလျံထိုင်းကုမ္ပဏီမှ လုပ်ဆောင်မည့် ရေကာတာစီမံကိန်းနှင့် ရေကာတာတည်ဆောက်ရန် နည်းလမ်းအမျိုးမျိုးဖြင့် ကြိုးစားနေခြင်း နှင့် စီမံကိန်းမှ လျှော်ကြေးငွေနှင့် အကျိုးအမြတ်တစ်စုံတစ်ရာ ရရှိလိုသူတစ်စုမှ ရပ်ရွာအားကိုယ်စားပြုဟန်ဆောင်ကာ စီမံကိန်းအားလိုလားကြောင်း စာတင်ခဲ့ခြင်းအပေါ် လုံးဝ ကန့်ကွက်ပါသည်။
 (၁၈)။  ၀ိသမလောဘ စီးပွားရေးသမားများ  မြေနေရာများ စည်းမဲ့ကမ်းမဲ့ ချဲ့ထွင်နေခြင်းအား အမြန်ဆုံး ထိထိရောက်ရောက်တားဆီးပေးပါရန် သက်ဆိုင်ရာ တာဝန်ရှိသူများအား တောင်းဆိုအပ်ပါသည်။
(၁၉)။   ဒေသခံများ၏ ဘ၀လုံခြုံမှု နှင့် သဘာဝပါတ်ဝန်ကျင်ကို ထိခိုက်စေသော ရေကာတာစီမံကိန်းအား အစား အလုပ်အကိုင်အခွင့်အလမ်းများ ပိုမိုဖန်တီးပေးနိုင်မည့် သဘာဝအခြေခံခရီးသွားလုပ်ငန်းကို ဖော်ဆောင်ပေးပါရန် တိုက်တွန်းတောင်းဆိုလိုက်ပါသည်။

ကလုံးထာကျေးရွာသူ၊ရွာသားများ
ရွာသူ၊ရွာသားများ၏ လက်မှတ်များအား ပူးတွဲတင်ပြအပ်ပါသည်။

မိတ္တူကို
(၁)။      ၀န်ကြီး၊ ပါတ်ဝန်းကျင်ထိန်းသိမ်းရေးနှင့် သစ်တောရေးရာ ၀န်ကြီးဌာန၊ နေပြည်တော်
(၂)။      ၀န်ကြီး၊ လယ်ယာစိုက်ပျိုးရေး နှင့် ဆည်မြောင်းဝန်ကြီးဌာန၊ နေပြည်တော်
(၃)။      မြန်မာနိုင်ငံ လူ့အခွင့်အရေးကော်မရှင်
(၄)။      ဥက္ကဌ၊ တနင်္သာရီတိုင်းဒေသကြီးလွှတ်တော်
(၅)။      ၀န်ကြီးချုပ်၊ တနင်္သာရီတိုင်းဒေသကြီး
(၆)။      တိုင်းဒေသကြီး အစိုးရအဖွဲ့ရုံး
(၇)။      တိုင်းရင်းသားရေးရာဝန်ကြီး၊ တနင်္သာရီတိုင်းဒေသကြီး
(၈)။      စီမံကိန်းနှင့် စီးပွားရေး ၀န်ကြီးဌာန၊ တနင်္သာရီတိုင်းဒေသကြီး
(၉)။      အထွေထွေအုပ်ချုပ်ရေး ဦးစီးဌာန၊ ထားဝယ်ခရိုင်
(၁၀)။   အထွေထွေအုပ်ချုပ်ရေး ဦးစီးဌာန၊ ရေဖြူမြို့နယ်
(၁၁)။   ဥက္ကဌ၊ ထားဝယ်အထူးစီးပွားရေးဇုန်စီမံခန့်ခွဲမှုကော်မတီ
(၁၂)။   တာဝန်ခံ၊ KNU ဆက်ဆံရေးရုံး၊ ထားဝယ်
(၁၃)။   လွှတ်တော် ကိုယ်စားလှယ်များ
(၁၄)။   နိုင်ငံရေးပါတီများ
(၁၅)။   လူမှုရေး အသင်းအဖွဲ့များ
(၁၆)။   Italian Thai Development Public Co.ltd
(၁၇)။   သတင်းမီဒီယာများ
(၁၈)။   လက်ခံ
သတင်း ဒေါင်းမာန်ဟုန် 
ကိုထွန်းဝေ စာမျက်နှာ  

No comments:

Post a Comment