Tuesday 6 November 2012

အနာဂတ်တိုင်းပြည်၏ အပြုသဘောဆောင်သော အပြောင်းအလဲများ ဖြစ်လာနိုင်မလား


ကမ္ဘာ့နိုင်ငံ အသီးသီးသည် လက်ဝဲ လက်ယာ အားပြိုင်မှုများအစား တည်ငြိမ်သော နိုင်ငံရေးစနစ်ကို တည်ဆောက်ပြီး ပွင့်လင်းမြင်သာသော စီးပွားရေးမူများ ချမှတ်ကာ လူထုကောင်းကျိုးကို ဆောင်ရွက်လျက်ရှိပေသည် ။

နိုင်ငံတစ်နိုင်ငံအနေဖြင့် ခေတ် စနစ် အဆက်ဆက်တွင် ဖြတ်သန်းခဲ့သော သမိုင်းများမှ သင်ခန်းစာများရယူပြီး အတ္တအကျိုးထက် တိုင်းပြည်၏အကျိုးစီးပွား ၊ ပြည
်သူပြည်သားများ၏ အကျိုးစီးပွားအား ရည်မှန်းချက်ကြီးစွာထားရှိကာ နောင်လာ နောက်သားများကို ကောင်းမွန်သော အမွေအနှစ်များပေးနိုင်ရန် ကြိုးပမ်းဆောင်ရွက်ကြရမည်ဟု ထင်မြင် ယူဆမိပါသည် ။

သို့ ရာတွင် မြန်မာပြည်တွင်မူ လွတ်လပ်ရေးရရှိခဲ့သော ၁၉၄၈ခုနှစ်မှစတင်ကာ ပုဂ္ဂိုလ်စွဲ ၊ ၀ါဒစွဲ ၊ ဂိုဏ်းဂဏစွဲ ၊ အုပ်စုစွဲ ၊လူမျိုးစွဲ ၊ ဒေသစွဲ ၊ ဘာသာစွဲ စသော အစွဲအသီးသီးဖြင့် ယနေ့ တိုင်မပြီးဆုံးသေးသော စစ်ပွဲများ ဆင်နွှဲကာ တိုင်းပြည်နှင့်လူမျိုးကို ဆင်းရဲခြင်း ချောက်နက်နက်ထဲသို့  ကန်ချခဲ့ပေသည် ။တိုင်းချစ်ပြည်ချစ် စိတ်ဓာတ်ဖြင့် ဗိုလ်ချုပ်အောင်ဆန်းမှ ဖွဲ့ စည်းတည်ထောင်ခဲ့သော တပ်မတော်သည်ပင် လက်ရှိဖြစ်ပေါ်နေသော ပြည်တွင်းစစ်ပွဲများမှတစ်ဆင့် စစ်ရေးဆင်နွှဲရာ တိုင်းရင်းသားဒေသများ၌ လူ့ အခွင့်အရေး ချိုးဖောက်မှုများရှိနေရာ လက်တစ်ဆုပ်စာ ယခင် စစ်အာဏာရှင်ဗိုလ်ချုပ်ကြီးများနှင့်အတူ စစ်တပ်သည် ကမ္ဘာ့တံတွေးခွက်တွင် ပက်လက်မျောခဲ့ရပေသည် ။

သို့ ရာတွင် လက်ရှိဦးသိန်းစိန်အစိုးရသည် ပြုပြင်ပြောင်းလဲရေးကို အတိုက်အခံလူထုခေါင်းဆောင် ဒေါ်အောင်ဆန်းစုကြည်နှင့် ပူးပေါင်း ဆောင်ရွက်လျက် ရှိခြင်းသည် အကောင်းဖက်ကို ဦးတည်မည်လား ၊ သို့ တည်းမဟုတ် အဆိုးဖက်ကို သွားနေသည့် ခြေလှမ်းများလားဟု ကမ္ဘာ့နိုင်ငံရေးအသိုင်းအ၀န်းအပြင် မြန်မာ့အတိုက်အခံလောကများ၌ ကျယ်ကျယ်လောင်လောင်တစ်မျိုး ၊ တိုးတိုးတိတ်တိတ် တစ်ဖုံ အသံမျိုးစုံကြားနေရပေသည် ။

လက်ရှိ နိုင်ငံရေး ပြုပြင်ပြောင်းလဲမှုသည် နှစ်ပေါင်း ( ၂၀ ) ကျော် ရှေ့ မတိုးသာ နောက်မဆုတ်သာ ဖြစ်နေသော မြန်မာ့ နိုင်ငံရေးအခြေအနေမှ မြန်မာ့ဒီမိုကရေစီ
ခေါင်းဆောင် ဒေါ်အောင်ဆန်းစုကြည် အပါအ၀င် အတိုက်အခံအင်အားစုများက တောင်းဆိုနေသော တွေ့ ဆုံဆွေးနွေး အဖြေရှာရေး၏ ခြေလှမ်းသစ်များဖြစ်၍ အပြည့်အ၀ အားရကျေနပ်မှု မရှိစေကာမူ တိုင်းပြည်နှင့် လူမျိုးအတွက် ကောင်းမွန်သော အနာဂတ်အလားအလာများ ဖြစ်နိုင်ချေရှိသည်ဟု သုံးသပ်ထင်မြင် ယူဆမိပါသည် ။

တိုင်းပြည်သည် ရေရှည်ပြည်တွင်းစစ်ကို ရပ်တန့် ကာ စစ်မှန်သော ဖယ်ဒရယ်ပြည်ထောင်စုသို့ တည်ဆောက်ရန် လိုအပ်သလို တိုင်းသူပြည်သားများမှလည်း တာဝန်သိစိတ်ဖြင့် အဖက်ဖက်မှ ပံ့ပိုးကူညီစေလိုသည်မှာ ဘ၀ပေးအသိမှ ရရှိလာသော ဆန္ဒမှန်ပင်ဖြစ်ပါသည် ။ တိုင်းပြည်သည် စစ်မှန်သော ပြည်တွင်းငြိမ်းချမ်းရေးနှင့် အမျိုးသားပြန်လည် သင့်မြတ်ရေးကို ဖြစ်ပေါ်စေသည့်အပြင် လူထုနှင့်တိုင်းပြည်ကို ခြွတ်ခြုံကျ မွဲတေ ဆင်းရဲခြင်းမှ ရုန်းထွက်ရန် လိုလားပါသည် ။

တိုင်းပြည်၏ အနာဂတ် ပြည်ထောင်စု နှင့် တိုင်းရင်းသား အရေး

တိုင်းရင်းသား ပေါင်းစုံ မှီတင်းနေထိုင်သော မြန်မာပြည်သည် ငြိမ်းချမ်းသာယာပြီး ခေတ်မီ ဖွံ့ ဖြိုးတိုးတက်လျှင် ရောင်စုံပန်းမျိုးစုံ ဖူးပွင့်လျက် အရောင်အသွေးစုံလိပ်ပြာများ ပျံဝဲနေသော ရုက္ခဗေဒ ပန်းဥယျာဉ်ကြီးနှင့် အလားသဏ္ဍာန်တူမည်ဟု ယူဆမိပါသည် ။ သို့ သော် ပြည်တွင်းစစ်ဖြစ်နေသော မြန်မာပြည်တွင် မြန်မာတိုင်းရင်းသူတိုင်းရင်းသားဒုက္ခသည်ပေါင်းများစွာသည် အိုးပစ်အိမ်ပစ်ထွက်ပြေးနေမှုများနှင့် နယ်စပ်ဒေသ ဒုက္ခသည်စခန်းများ ၌ ဆင်းရဲပင်ပမ်းကြီးစွာ အသက်ရှင်နေထိုင်နေရသော အဖြစ်သည် ၄င်း ၊
တိုင်းပြည်တွင် အလုပ်အကိုင်ရှားပါးမှုကြောင့် တိုင်းတပါး၌ အလုပ်သမားအခွင့်အရေးများ ဆုံးရှုံးကာ လုပ်ခနဲနဲဖြင့် ကျွန်ခံနေရသော မြန်မာအလုပ်သမားများအဖြစ်သည်၎င်း တိုင်းပြည်၏ပုံရိပ်ဆိုးများဖြစ်လျက် နိုင်ငံ၏ နိုင်ငံရေး ၊ စီးပွားရေးတွင် ပြုပြင်ပြောင်းလဲမှုများ အပူတပြင်းလိုအပ်နေပေသည် ။

ထို့ ကြောင့် တိုင်းရင်းသားလက်နက်ကိုင် အဖွဲ့ အစည်းများမှ ပြည်တွင်းငြိမ်းချမ်းရေး ၊ အမိ်ျုးသားပြန်လည်သင့်မြတ်ရေးနှင့် ဖက်ဒရယ်ပြည်ထောင်စုတည်ဆောက်ရေးတို့ ကို လက်ရှိဦးသိန်းစိန် အစိုးရနှင့် ညှိနှိုင်းဆောင်ရွက်လျက်ရှိကြောင်း သတင်းများထွက်ပေါ်လျက်ရှိရာ ငြိမ်းချမ်းရေးကို ချစ်မြတ်နိုးသော မြန်မာပြည်သူလူထု တစ်ရပ်လုံးမှ အထူးစိတ်ဝင်စားလျက်ရှိပါသည် ။

သမ္မတရုံးဝန်ကြီးဌာန ပြည်ထောင်စုဝန်ကြီး ဦးအောင်မင်းနှင့် ဒီမိုကရေစီ မိတ်ဆွေပါတီများ နိုဝင်ဘာ ၃ ရက် နေ့က ရန်ကုန်မြို့၊ ရွှေလီလမ်းရှိ Peace Center တွင် တွေ့ဆုံကာ ပြည်တွင်း ငြိမ်းချမ်းရေးကိစ္စများနှင့် ရခိုင်အရေး ကိစ္စများကို တွေ့ဆုံဆွေးနွေးမှုများ ပြုလုပ်ခဲ့ကြောင်း သိရသည်။ ယင်းတွေ့ဆုံပွဲတွင် တိုင်းရင်းသားများ တောင်းဆိုနေသော ဖက်ဒရယ်မူကိစ္စ၊ ပြည်နယ်များအပြင် တိုင်းဒေသကြီး အစိုးရများသို့ ပါဝါခွဲဝေပေးရေး၊ ဒေသသယံဇာတများမှ အကျိုးအမြတ်များကို ပြန်လည်ခွဲဝေပေးရေး၊ ရခိုင်ပြည်နယ်အရေးနှင့် အခြားတိုင်းရင်းသား အရေးကိစ္စများ ဆွေးနွေးခဲ့ကြကြောင်း သိရသည်။

ဝန်ကြီးဦးအောင်မင်းက ဆွေးနွေးခဲ့ရာတွင် ဖက်ဒရယ်ဆိုသည်မှာ အုပ်ချုပ်ရေးအာဏာအချို့ကို ဗဟိုကကိုင်ပြီး အချို့ကို ပြည်နယ်က ကိုင်သည်ဟု Oxford Dictionary တွင် အဓိပ္ပါယ် ဖွင့်ဆိုထားကြောင်း၊ ယင်းမှာ Power sharing ပင်ဖြစ်ကြောင်း၊ ဆိုလိုသည်မှာ ရှမ်းပြည်နယ်ကို ရှမ်းကအုပ်ချုပ်ရမည်၊ ကရင်ပြည်နယ်ကို ကရင်အုပ်ချုပ်ရမည်ဖြစ်ပြီး အခြေခံဥပဒေနှင့် ညီရမည်ဖြစ်ကြောင်း၊ ဖွဲ့စည်းပုံ အခြေခံဥပဒေကို မကြိုက်ပါက ပြင်နိုင်သည့် အခြေအနေ ပေးထားပြီးဖြစ်ကြောင်း ပြောကြားခဲ့သည်။

၁၉၄၇ တွင် ကျင်းပပြုလုပ်ခဲ့သည့် ပင်လုံညီလာခံသည် မြန်မာပြည်အားနယ်ချဲ့ အင်္ဂလိပ်လက်အောက်မှ လွတ်မြောက်ရန် အလွန်အရေးပါသည်သာမက ပြည်နယ် နှင့်ပြည်မအား ခွဲခြား အုပ်ချုပ်ရေးကို လိုလားသည့် ဗြိတိသျှ အစိုးရအား တိုင်းရင်းသား စည်းလုံးညီညွတ်ရေးအား ပြသနိုင်ရန် ပင်လုံစာချုပ်ကို ချုပ်ဆိုနိုင်မှုသည် သမိုင်းတွင် အလွန်အရေးပါခဲ့သည်မှာ အားလုံးအသိပင်ဖြစ်ပါသည် ။

အစိုးရအနေဖြင့် ကချင်အပါအ၀င် လက်နက်ကိုင် တိုင်းရင်းသားအဖွဲ့ များ၏ တွေ့ ဆုံဆွေးနွေးအဖြေရှာခြင်းကို ကြိမ်ဖန်များစွာ ပြုလုပ်ယုံမက သမိုင်းတွင်အထင်အရှားရှိခဲ့သော ပင်လုံညီလာခံလို အခင်းအကျင်းကို လက်ရှိအစိုးရမှဖန်တီးကာ ပြည်တွင်းပြည်ပ တိုင်းရင်းသားခေါင်းဆောင်များ ၊ နိုင်ငံရေးပါတီမှနိုင်ငံရေး ခေါင်းဆောင်များ ၊ ဒီမိုကရေစီအင်အားစုမှ တတ်သိပညာရှင်များဖြင့် အနာဂတ် တွင်တည်ဆောက်မည့် ဖယ်ဒရယ်ပြည်ထောင်စုအပါအ၀င် ၂၀၀၈ ဖွဲ့ စည်းအုပ်ချုပ်ပုံ ပြင်ဆင်ရေးဆွဲရေးကို လွှတ်တော်တွင်းသာမက လွှတ်တော်ပြင်ပ၌လည်း အဆင့်ဆင့် လုပ်ငန်းစဉ်များချမှတ်ကာ လုပ်ဆောင်သင့်ပါသည် ။

မြန်မာ့ သမိုင်းကြောင်းမှ အတိတ်သင်ခန်းစာများ

ဂျပန်ပြည်တွင် ၁၉၄၁ ခုနှစ် ၌ ဗိုလ်ချုပ်အောင်ဆန်းဦးဆောင်သော ရဲဘော်သုံးကျိပ်သည် မူလအစီအစဉ်အတိုင်း ( ၃ ) လကြာမျှ စစ်ပညာသင်ကြားခဲ့ကြသည် ။
ထို့ နောက် မြန်မာပြည်တွင်းသို့ ပြန်လည်ဝင်ရောက်ကာ တိုင်းပြည်ကို နယ်ချဲ့ စနစ်ဆိုးဖြင့် မတရား အုပ်ချုပ်နေသည့် အင်္ဂလိပ်အစိုးရအား ဂျပန်များနှင့်အတူ ပူးပေါင်းတိုက်ခိုက်လျက် ရန်ကုန်မြို့ ကိုသိမ်းပိုက်နိုင်ယုံမက အင်္ဂလိပ်တို့ အိန္ဒိယသို့ ဆုတ်ခွာရာ လမ်းကြောင်းတစ်လျောက် လိုက်လံတိုက်ခိုက်မှုများရှိခဲ့ပေသည် ။ထိုကဲ့သို့  ဘီအိုင်အေ ( ဗမာ့လွတ်လပ်ရေးတပ်မတော် )သည် မြန်မာပြည်တွင်းသို့  စစ်ဆင်ရေးဆင်နွှဲရာ လမ်းကြောင်းတစ်လျောက်တွင် စစ်တပ်ထဲသို့ ဝင်ရောက်လာသောမြန်မာ ပြည်သူပြည်သားများစွာရှိခဲ့ပေသည် ။ ထိုသို့ တပ်မတော်ထဲသို့ ဝင်ရောက်ခဲ့သူများတွင် တစ်ချို့ သည် စာကိုပင်ကောင်းစွာမတတ်ကြပေ ။ထို့ ကြောင့်စစ်သင်တန်းပေးရာတွင် ဘယ်ညာ ၊ ဘယ်ညာဟု စစ်သင်တန်းပေးရမည့်အစား ခြေထောက်တစ်ဖက်၌ ကောက်ရိုးချည်ပြီး တခြားတစ်ဖက်၌ မြက်ကို ချည်ထားကာ ဘယ်ညာအစား ကောက်ရိုးချည်ထောက် မြက်ခြေထောက်ဟု စစ်သင်တန်းပေးခဲ့ရပေသည် ။
ထိုသို့ သော ပညာမတတ်သူများစွာ ဖြင့်ဖွဲ့ စည်းခဲ့သော ဗမာ့လွတ်လပ်ရေး တပ်မတော်သည်ပထမတွင် ရန်ကုန်သိမ်းတိုက်ပွဲကို လုပ်ဆောင်ပြီး နောက်မှအင်္ဂလိပ်တို့ အိန္ဒိယသို့ ဆုတ်ခွာရာ လမ်းကြောင်းတစ်လျောက် လိုက်လံတိုက်ခိုက်ခဲ့ကြပေသည် ။ ဗိုလ်ချုပ်အောင်ဆန်းအပါအ၀င် ဗိုလ်ချုပ်ကျော်ဇောတို့ သည် ထိုအချိန်၌ ရန်ကုန်တွင် စစ်ရေးကိစ္စများဖြင့် အလုပ်များနေခဲ့ပေသည် ။ ထို့ ကြောင့် အင်္ဂလိပ်တို့ နှင့်တိုက်ခိုက်သော မြစ်ဝကျွန်းပေါ်စစ်ပွဲများတွင် စစ်ရေး ၊ နိုင်ငံရေး နည်းပရိယာယ်ကို နားမလည်သော ပညာမတတ်သည့် စစ်သားများကြောင့် သွေးချောင်းစီးမျှသေကြေမှုများသမိုင်းတွင် ဖြစ်ပွားခဲ့ကြောင်း ဗိုလ်ချုပ်ကျောဇောရေးသားသည့် သူ့ လိုလူစာအုပ်တွင် ဖော်ပြထားပေသည် ။

ထိုအချိန်တွင် အင်္ဂလိပ် စစ်တပ်တွင် ကရင်တိုင်းရင်းသား အများအပြားသည်လည်း အမှုထမ်းလျက်ရှိခဲ့ပေသည် ။ ဖြစ်ပုံမှာ မြန်မာ့လွတ်လပ်ရေးတပ်မတော်မှ ဂျပန်နှင့်ပူးတွဲပြီး အင်္ဂလိပ်အားတိုက်ခိုက်ချိန်တွင် အင်္ဂလိပ် စစ်တပ်သည် မြန်မာပြည်မှ ဆုတ်ခွာရာ လက်နက်အများအပြားကို ကရင်တိုင်းရင်းသားများအားပေးထားခဲ့ပြီး အင်္ဂလိပ်တို့ မှ မြန်မာပြည်ကို ပြန်လည်သိမ်းပိုက်ရန် ပြန်လာမည်ဟု ကရင်တိုင်းရင်းသားတို့ ကို ကတိပြုခဲ့ပေသည် ။ ထို့ ကြောင့် ပညာမတတ်သော မြန်မာ့လွတ်လပ်ရေးတပ်မတော်မှစစ်သားများသည် ဂျပန်များနှင့်တွဲလျက် ကရင်တိုင်းရင်းသားအများစုများပါဝင်သည့် အင်္ဂလိပ်စစ်တပ်နှင့်တိုက်ပွဲများဖြစ်ပွားကာ ကရင်တိုင်းရင်းသားနှင့် မြန်မာများ အများအပြားသေကြေခဲ့သည့်အဖြစ်အပျက်များ သမိုင်းတွင် အမှန်တစ်ကယ် ဖြစ်ပျက်ခဲ့ပေသည် ။ ထို့ ကြောင့် ပင်လုံစာချုပ်ကို လက်မှတ်ထိုးရာတွင် ကရင်မှ မပါခဲ့ယုံမက မြန်မာပြည် လွတ်လပ်ရေးရသည့် ၁၉၄၈ တွင် ကရင်မှ လက်နက်ကိုင်တော်လှန်ရေးကို စတင်ဆင်နွှဲခဲ့ပေသည် ။

အတိတ်ကာလတုန်းကလည်း ဂျပန်နှင့် အင်္ဂလိပ်တို့ မှ မြန်မာတိုင်းရင်းသားလူမျိုးအချင်းချင်းခိုက်ရန်ဖြစ်အောင် အိမ်ကြက်ချင်း အိုးမဲသုတ် ခွပ်ခိုင်းခဲ့ကာ တိုင်းပြည်သည် လူမျိုးရေးမုန်းတီးမှုများ ဖြစ်ပေါ်ခဲ့ပြီး တိုင်းရင်းသားစည်းလုံးညီညွတ်ရေးပြိုကွဲခဲ့ဘူးသည် ။ ထို့ ပြင် လွတ်လပ်ရေးရပြီး ( ၁၀ ) နှစ်တာ ကာလ( ၁၉၄၈ မှ ၁၉၅၈ )တွင်လည်း အစိုးရနှင့် ရောင်စုံ သူပုန်များကြားတိုက်ပွဲများဖြစ်ပွားလျက် တိုင်းရင်းသားဒေသများအပါအ၀င် ပြည်နယ် ပြည်ပ ၌တိုင်းပြည်၏တိုးတက်ဖွံ့ ဖြိုးရေးကိစ္စရပ်များကို တင်းပြည့်ကျပ်ပြည့် မလုပ်ဆောင်နိုင်ခဲ့ပေ။ ထို့ ကြောင့် ၁၉၆၂ တွင် တိုင်းပြည်၏ မငြိမ်သက်မှုကို အကြောင်းပြကာ စစ်တပ်၏ အာဏာသ်ိမ်းခြင်းကို ခံခဲ့ရပေသည် ။

အထက်ပါအဖြစ်အပျက် သမိုင်းကြောင်းမှ တစ်တိုင်းပြည်လုံးအနေဖြင့် သင်ခန်းစာရယူရမည်မှာ အောက်ခြေစစ်တပ်၏ အမြော်အမြင်မရှိခြင်းကြောင့် မလိုလားအပ်ပဲ မြန်မာပြည်သူပြည်သားများစွာ အသက်ဆုံးရှု့းခဲ့ရပေသည် ။ ထို့ ပြင် စစ်အာဏာရှင်စနစ်ကို တည်ဆောက်ခြင်း၏ အကျိုးဆက်ဖြင့် ရေရှည်ပြည်တွင်းစစ်သည် ယနေ့ တိုင်တောက်လောင်နေပါသည်။
အလားတူပင် အထက်မှ တပ်မတော်အရာရှိကြီးများ၏ သဘောဆန္ဒသည် မည်သို့ ပင်ဖြစ်စေကာမူ အောက်ခြေစစ်တပ်မှ ယနေ့ ပြုပြင်ပြောင်းလဲရေးကို သဘောမပေါက်ပဲ ထင်ရာစိုင်းကာ ကချင်ဒေသအပါအ၀င် တိုင်းရင်းသားလူမျိုးများ နေထိုင်ရာ ရှမ်းပြည်နယ် ၊ ကရင်ပြည်နယ် ၊ မွန်ပြည်နယ် ၊ ရခိုင်ပြည်နယ်တို့ တွင် လူ့ အခွင့်အရေးချိုးဖောက်မှုများရှိကြောင်း ကြားသိနေရပေသည် ။
တစ်ခြားတစ်ဖက်တွင် မြန်မာပြည်သည် ရေရှည်ပြည်တွင်းစစ်ကြောင့် နိုင်ငံတကာ၏ လက်နက်များရောင်းဝယ်ရာ ဈေးကွက်ကြီးဖြစ်နေယုံမက သံယံဇာတအတွက်ဖြစ်စေ ၊ ပထ၀ီ နိုင်ငံရေးကြောင့်ဖြစ်စေ တရုတ် ၊ အမေရိကန်အပါအ၀င် အင်အားကြီးနိုင်ငံများ၏ စစ်ရေး နိုင်ငံရေး ကစားကွင်း ဖြစ်လာနိုင်ချေရှိသည်ကို သတိကြီးစွာထားရမှာ ဖြစ်ပါသည် ။

ထို့ ကြောင့် တန်းတူညီမျှရေး ၊ ကိုယ်ပိုင်ပြဌာန်းပိုင်ခွင့် စသော တိုင်းရင်းသားပြဿနာများကို အတိတ်ကလို မဖြေရှင်းပဲ ထားခြင်းသည် အကောင်းထက် အဆိုးဖက်ကို တိုင်းပြည်သည် ဦးတည်နေသည်ဟု ဆိုနှိုင်ပေသည် ။ရေရှည်ပြည်တွင်းစစ်သည် စစ်အသုံးစားရိတ်အဖြစ် တိုင်းပြည်ကို အကြွေးထူပြောယုံမက အစိုးရအပါအ၀င် တိုင်းရင်းသားပြည်သူပြည်သားများ၏ အသက်အိုးအိမ်များသည် အဆုံးအရှုံးများစွာဖြင့် နေ့ စဉ် ရင်ဆိုင်ကြုံတွေ့ နေရပါသည် ။ထို့ ပြင်အတိတ်ကလို လူမျိုးရေး မုန်းတီးမှုများကို ဖြစ်ပေါ်စေနိုင်ကြောင်း အဖြစ်အပျက်က သက်သေခံနေပါသည် ။

အနာဂတ်တိုင်းပြည်၏ အပြုသဘောဆောင်သော အပြောင်းအလဲများ ဖြစ်လာနိုင်မလား

ထို့ ကြောင့်တိုင်းရင်းသားလက်နက်ကိုင် အုပ်စုများတောင်းဆိုနေသည့် တတိုင်းပြည်လုံးအပစ်အခတ်ရပ်စဲရေးကို လက်ရှိအစိုးရက တရားဝင်ကြေငြာရပါမည် ။.နောက်ပြီး နိုင်ငံရေးပြဿနာကို နိုင်ငံရေးနည်းလမ်းဖြင့် တွေ့ ဆုံ ဆွေးနွေးအဖြေရှာနိုင်မည့်
ဒုတိယပင်လုံညီလာခံလို နိုင်ငံရေးအခင်းအကျင်းကို လက်ရှိအစိုးရက ဆောင်ရွက်ပေးရမှာပါ။
ဒီလိုမှ မဟုတ်ပဲ ပြည်သူလူထုတစ်ရပ်လုံးမှ လိုလားသည့် စစ်မှန်သော ပြည်တွင်းငြိမ်းချမ်းရေးကို လက်ရှိအစိုးရက ပုံဖော်တည်ဆောက်မှုမရှိခဲ့ရင် ညံ့ဖျင်းသော အစိုးရကို ပြောင်းလဲပစ်ဖို့ ၂၀၁၅ ရွေးကောက်ပွဲမှာ လူထုကလက်ရှိအမတ်အများဆုံး ကြံ့ဖွိ့ ပါတီကို မဲမပေးပဲ နေကြတော့မှာ အသေအချာဖြစ်ပါသည် ။

ဘယ်လိုနည်းလမ်းဖြင့် တိုင်းပြည်သည် အကောင်းဖက်ကို သွားမည်လား ၊ အဆိုးဖက်ကို ဦးတည်မည်လားဆိုသည်မှာ လက်ရှိအစိုးရအပါအ၀င် အတိုက်အခံ အင်အားစုများ ၊ ပြည်သူပြည်သားအားလုံးတွင် တာဝန်ရှိပါသည်။

ထို့ ပြင် အင်အားတောင့်တင်းသော စစ်တပ်နှင့် လွှတ်တော်မှာ အသာစီးရနေသော လက်ရှိအစိုးရကို တည့်မတ် ထိမ်းကြောင်းပေးရန်မှာ တိုင်းရင်းသားလူထုတစ်ရပ်လုံး စည်လုံးညီညွတ်ရေး အပါအ၀င် ၊အတိုက်အခံ ဒီမိုကရေစီအင်အားစုများ ညီညွတ်ရေးသည်လည်း အထူးတလည်လိုအပ်နေပါသည် ။.အဘယ်ကြောင့်ဆိုသော် ၂၀၁၅ ရွေးကောက်ပွဲမတိုင်ခင် ၂၀၀၈ ဖွဲ့ စည်းပုံအရ တိုင်းပြည်မငြိမ်သက်ဖြစ်အောင်ဖန်တီး၍ဖြစ်စေ ၊ အကြောင်းအမျိုးမျိုးကြောင့်ဖြစ်စေ တပ်မတော်သည် အာဏာသိမ်းပြီး ၁၉၆၂ လို သမိုင်းဘီးဟာ အချိန်မရွေးတစ်ပတ်လည်နိုင်ကောင်း လည်နိုင်ပါသည် ။

ထို့ ကြောင့် အနာဂတ်တိုင်းပြည်၏ အပြုသဘောဆောင်သော အပြောင်းအလဲများ ဖြစ်လာနိုင်မလားဆိုရာ
ဝယ် လက်ရှိအစိုးရ၏ဒီမိုကရေစီကျင့်စဉ်နှင့် လူထုဆန္ဒအပေါ် လေးစားလိုက်နာမှုအပေါ်၌ များစွာမူတည်နေပါသည် ။

အောင်ခိုင်မြင့်
၀၅ နိုဝင်ဘာ ၂၀၁၂
— with Ko Myoe and 19 others.

No comments:

Post a Comment