ဂျပန်ကုမ္ပဏီများ မြန်မာကျွမ်းကျင်လုပ်သားများ ခေါ်ရန်စိတ်ဝင်စား

အာရှစီးပွားရေး အင်အားကြီးနိုင်ငံတစ်နိုင်ငံဖြစ်သော ဂျပန်နိုင်ငံရှိ ကုမ္ပဏီလုပ်ငန်းများတွင် ၀င် ရောက်လုပ်ကိုင်နိုင်ရေး မြန်မာကျွမ်းကျင်အလုပ်သမားများ ခေါ်ယူရန် စိတ်ဝင်စားလျက်ရှိပြီး ယခုနှစ်အတွင်း အလုပ်သမားများခေါ်ယူနိုင်ဖွယ်ရှိကြောင်း GLORY အင်ဂျင်နီယာသင်တန်းကျောင်းမှ တာဝန်ရှိသူ ဦးကျော်စိုးမိုး က ပြောကြားသည်။

ဂျပန်ကုမ္ပဏီမှ လုပ်ငန်းရှင် ၁၃ ဦး၊ JETRO(Japan External Trade Organization) မှတာဝန် ရှိသူနှစ်ဦးနှင့် GLORY အင်ဂျင်နီယာသင်တန်းကျောင်း တာဝန်ရှိသူများနှင့် စက်တင်ဘာလ ၆ ရက်နေ့က တွေ့ဆုံဆွေးနွေးခဲ့စဉ် ဂျပန်လုပ်ငန်းရှင်များက ယင်းသို့ပြောကြားခဲ့ကြောင်း ၎င်းကဆိုသည်။

အဆိုပုါ ကုမ္ပဏီများက မြန်မာကျွမ်းကျင်အလုပ်သမားများ စုဆောင်းပေးနိုင်ရန် GLORY သင်တန်းကျောင်းကို အကူအညီတောင်းခဲ့ကြောင်း၊ မြန်မာကျွမ်းကျင်အလုပ်သမားများကို ဂျပန်နိုင်ငံရှိ လုပ်ငန်း များနှင့် မြန်မာနိုင်ငံအခြေစိုက်ကုမ္ပဏီများတွင် အလုပ်ခန့်အပ်ရန် အစီအစဉ်ရှိပြီး ဆောက်လုပ်ရေးလုပ်ငန်းနှင့် စက်မှုလုပ်ငန်းများအတွက် ကျွမ်းကျင်အလုပ်သမားများလိုအပ်နေခြင်းဖြစ်ကြောင်း ဦးကျော်စိုးမိုးက ပြောကြား သည်။

အလုပ်သမားဝန်ကြီးဌာန အလုပ်သမားကျွမ်းကျင်မှု သင်တန်းကျောင်းများနှင့် ချိတ်ဆက်ကာ မြန်မာနိုင်ငံက ကျွမ်းကျင်အလုပ်သမားများ ခေါ်ယူရန်ဂျပန်နိုင်ငံက အဖွဲ့အစည်းတစ်ခုဖြစ်သော JICA ( Japan International Cooperation Agency) က ကမ်းလှမ်းနေကြောင်း အလုပ်သမားဝန်ကြီးဌာန အလုပ်သမားညွှန် ကြားရေးဦးစီးဌာနမှ တာဝန်ရှိသူတစ်ဦးကဆိုသည်။

ဂျပန်နိုင်ငံသို့ မြန်မာအလုပ်သမားသည် Training Visa(အလုပ်သင်ဗီဇာ)၊ Work Visa( ကျွမ်း ကျင်အလုပ်သမားဗီဇာ)များဖြင့် သွားရောက်လုပ်ကိုင်လျက်ရှိကြကြောင်း၊ Trainning Visa ဖြင့် သွားရောက် လုပ်ကိုင်မည်ဆိုပါက အထွေထွေအလုပ်သမားအဆင့်အနေဖြင့် သွားရောက်လုပ်ကိုင်ရမည်ဖြစ်ပြီး သုံးနှစ်အထိ သာလုပ်ကိုင်ခွင့်ရှိကြောင်း၊ Work Visa ဖြင့်သွားရောက်လုပ်ကိုင်သူများဆိုပါက ကျွမ်းကျင်အလုပ်သမားအဆင့် အနေဖြင့် လုပ်ကိုင်ရမည်ဖြစ်ပြီး သုံးနှစ်သက်တမ်းပြည့်ပါက စာမေးပွဲဖြေဆိုကာ သက်တမ်းတိုးသွားနိုင်သကဲ့သို့ အလုပ်ရှင်သဘောတူညီမှုနှင့် သက်တမ်းတိုးလုပ်ကိုင်နိုင်ကြောင်း ပြည်ပအလုပ်အကိုင် ရှာဖွေရေးအေဂျင်စီအ ချို့ထံမှ သိရှိရသည်။