~
ရွက်စိမ်း ~
 |
အ၀တ်အစား ခွာချတော့မယ့် အမျိုးသမီးပုံလား၊ ဒါလည်း လုပ်လိုက်ပါ။
ပန်းချီပြပွဲ?
အင်း .... ဒါကတော့ .....
ဒီကနေ့မြန်မာပန်းချီလောကရဲ့ လွတ်လပ်စွာဖန်တီးနိုင်မှု၊ ပန်းချီဆရာတွေရဲ့ ရပ်တည်မှုနဲ့ အခြေအနေ တချို့ အကြောင်းကို အလံပြဘုရားလမ်း၊ မင်္ဂလာတောင်ညွန့်မြို့နယ် မှာဖွင့်ထားတဲ့ MYANMAR INK Art Gallery ပြခန်း တာဝန်ခံဖြစ်တဲ့ ကိုစိုးနှင်းအောင်(SNA) က ဧရာဝတီ ဘလော့ကို ယခုလိုပြောကြားခဲ့ပါတယ် ။
“ပန်းချီအတွက်တော့ လွတ်လပ်မှုက လုံးဝ မရှိသေးဘူး၊ စိစစ်ရေး (ဌာန) ကို အခုထိ တင်နေရတုန်းပဲ။
မြန်မာတပြည်လုံးကို ပြန့်သွားနိုင်တဲ့ဂျာနယ်၊ မဂ္ဂဇင်းတချို့ မှာတော့ အဖော်အချွတ်တွေကို ခွင့်ပြုထားပြီးတော့
လူ ၅၀၊ ၁၀၀ လောက် လာကြည့်တဲ့ ပန်းချီပြပွဲအတွက်တော့ စိစစ်ရေးကရှိနေတုန်းပဲ” လို့ ပန်းချီပြပွဲများနဲ့ ပတ်သက်ပြီး သက်ဆိုင်ရာက ကန့်သတ်မှုတွေ လုပ်နေသေးတဲ့အပေါ်မှာ သူ့အမြင်ကို ပြောကြားခဲ့ပါတယ်။
မြန်မာပြည်မှာပန်းချီဆရာတစ်ယောက်၊ အနုပညာသမားတစ်ယောက်အဖြစ် ရပ်တည်ရတာဟာ အနုပညာရှင်အများစုအတွက် အင်မတန် ခက်ခဲပါတယ်။
ဒီလိုရပ်တည်ဖို့ခက်ခဲတဲ့ အခြေအနေတွေ ကြားမှာပဲ မြန်မာပန်းချီဆရာတွေဟာ သူတို့ရဲ့ အနုပညာလုပ်ငန်းတွေကို ကြိုးစား အားထုတ်နေကြရတာလည်းဖြစ်ပါတယ်။
ဝေဖန်ရေး နည်းတယ်၊
ပြပွဲကို စိစစ်နေတယ်၊
ပန်းချီ အနု ပညာရပ်ကို ဖန်တီးနေကြတဲ့ ပန်းချီဆရာတွေမှာ အခက်အခဲတွေ ရှိကြသလို စီးပွားရေးချွတ်ခြုံကြပြီး တစ်ချိန်က အာဏာရှင် အစိုးရရဲ့ ဖိနှိပ်မှုအောက်မှာ စားဝတ်နေရေးအတွက်သာလုံး ပန်းနေရှာတဲ့ မြန်မာပြည်သူတွေဟာလည်း အနုပညာရပ်တွေကို ခံစားနိုင်ဖို့ ဒီကနေ့အထိ အခြေအနေ မပေးသေး၊ အဆင်သင့် မဖြစ်သေးပါဘူး။
 |
ပန်းချီလောက ဖွံ့ဖြိုးဖို့အတွက် နိုင်ငံတကာစံနူန်းအရ
ဖန်တီးသူအနုပညာရှင် (ပန်းချီဆရာ)၊
အနုပညာ ဝေဖန်ရေးဆရာများ၊
အနုပညာပစ္စည်း ၀ယ်ယူစုဆောင်းသူများ၊
ပြပွဲစီစဉ်သူများ၊
ပြခန်းများ၊ ပြတိုက်များ စသဖြင့် လိုအပ်ပါတယ်။
မြန်မာပြည်မှာ အခုနောက်ပိုင်း အနုပညာပစ္စည်းတွေကို ၀ယ်ယူစု ဆောင်းသူတွေ ယခင်ကထက် ပိုများလာပါပြီ။ ပြခန်းတွေလည်း ပိုများလာပါတယ်။
ဒါပေမယ့် အနုပညာနဲ့ ပတ်သက်ပြီး ဝေဖန်ရေးသားတာနဲ့ အနုပညာစာစောင်တွေ အားနည်းနေသေးတယ်လို့ ပန်းချီလောကသားတဦးဖြစ်တဲ့ ကိုစိုးနှင်းအောင်က ပြောပါတယ်။
 |
မီဒီယာတွေမှာ ပန်းချီပြပွဲသတင်းတွေ ပါနေပေမဲ့ ပွဲလုပ်ပြီးခါမှ ရေးသားဖော်ပြကြတာ ဆိုရင် ပြပွဲအတွက် ထိ ရောက်တဲ့သတင်း မဟုတ်ဘူးလို့ သူကပဲ ပြောပါတယ်။
 |
ပန်းချီအစည်းအရုံး ရှိပေမဲ့လည်း ပန်းချီလောက ဖွံ့ဖြိုးဖို့ ထိရောက်တဲ့ လုပ်ဆောင်မှုတွေ မရှိသေးတဲ့အပေါ်မှာ -
“အစည်းအရုံးကနေလုပ်ရမှာက ပန်းချီလောက ဖွံ့ဖြိုးဖို့ အတွက်ပဲ၊ ဒါကို အားလုံး ပါဝင် စဉ်းစားရမှာဖြစ်ပါတယ်။ ယခင်အစည်းအရုံး သက်တမ်း တလျှောက်မှာ ရှိခဲ့တဲ့ အားနည်းချက်တွေ အပေါ်မှာလည်း ပြန်လည် သုံးသပ်သင့်ပါတယ်။ နိုင်ငံတကာ အနုပညာရှင်တွေနဲ့ ပြည်တွင်းက အနုပညာရှင်တွေနဲ့ ထိတွေ့နိုင်အောင် ဖန်တီးပေးတာမျိုးတွေကိုလည်း လုပ်သင့်ပါတယ်။ ပြီးတော့ ပြတိုက် ဖြစ်ပေါ်လာအောင်လို့ ပန်းချီ အစည်းအရုံး အနေနဲ့ လုပ်ဆောင်သင့်တယ်” လို့ ကိုစိုးနှင်းအောင်ကပြောပါတယ်။
